നിങ്ങളുടെ iPhone ക്യാമറ ഉപയോഗിച്ച് സിനിമാറ്റിക് മോഡിൽ വീഡിയോകൾ റെക്കോർഡ് ചെയ്യൂ

നിങ്ങളുടെ iPhone-ൽ ക്യാമറ തുറക്കൂ.

സിനിമാറ്റിക് മോഡ് സെലക്റ്റ് ചെയ്യൂ, തുടർന്ന് നിങ്ങൾ റെക്കോർഡ് ചെയ്യുന്നതിന് മുമ്പ് ഇനി പറയുന്നവയിൽ ഏതെങ്കിലും ചെയ്യൂ:

• ടാപ്പ് ചെയ്യൂ, തുടർന്ന് ഡെപ്ത്-ഓഫ്-ഫീൽഡ് ഇഫക്റ്റ് ക്രമപ്പെടുത്താൻ സ്ലൈഡർ ഇടത്തോട്ടോ വലത്തോട്ടോ വലിക്കൂ.

• പിന്തുണയ്ക്കുന്ന മോഡലുകളിൽ, സൂം ഇൻ ചെയ്യാൻ 1x-ന് അടുത്തുള്ള 2 അല്ലെങ്കിൽ 3 ടാപ്പ് ചെയ്യൂ.

• iPhone 14 മോഡലുകൾ, iPhone 15 മോഡലുകൾ, iPhone 16 മോഡലുകൾ എന്നിവയിൽ, വീഡിയോ റെസലൂഷനും ഫ്രെയിം റേറ്റും മാറ്റാൻ ദ്രുത ടോഗിളുകൾ ഉപയോഗിക്കൂ.

റെക്കോർഡിങ് ആരംഭിക്കാൻ റെക്കോർഡ് ബട്ടൺ ടാപ്പ് ചെയ്യൂ അല്ലെങ്കിൽ വോള്യം ബട്ടണുകളിൽ ഒന്ന് അമർത്തൂ.

• സ്ക്രീനിൽ ഒരു മഞ്ഞ ഫ്രെയിം ഫോക്കസിലുള്ള വ്യക്തിയെ സൂചിപ്പിക്കുന്നു; ഗ്രേ നിറത്തിലുള്ള ഫ്രെയിം ഒരു വ്യക്തിയെ കണ്ടെത്തിയെങ്കിലും ഫോക്കസ് ചെയ്തിട്ടില്ലെന്ന് സൂചിപ്പിക്കുന്നു. ഫോക്കസ് മാറ്റാൻ ഗ്രേ ബോക്സിൽ ടാപ്പ് ചെയ്യൂ; ആ വ്യക്തിയിൽ ഫോക്കസ് ലോക്ക് ചെയ്യാൻ വീണ്ടും ടാപ്പ് ചെയ്യൂ.

• വീഡിയോയിൽ ഒരാൾ ഇല്ലെങ്കിൽ ഫോക്കസ് പോയിന്റ് സജ്ജമാക്കാൻ സ്ക്രീനിൽ എവിടെയെങ്കിലും ടാപ്പ് ചെയ്യൂ.

• ഒറ്റ ദൂരത്തിൽ ഫോക്കസ് ലോക്ക് ചെയ്യാൻ സ്ക്രീൻ തൊട്ടുപിടിക്കൂ.

• iPhone 15 Pro മോഡലുകളിലും iPhone 16 Pro മോഡലുകളിലും സൂം ചെയ്യാൻ 2x ടാപ്പ് ചെയ്യൂ അല്ലെങ്കിൽ തുടർച്ചയായി സൂം ഇന്നും ഔട്ടും ചെയ്യാൻ iPhone സ്ക്രീനിൽ നുള്ളൂ.

റെക്കോർഡിങ് നിർത്താൻ റെക്കോർഡ് ബട്ടൺ ടാപ്പ് ചെയ്യൂ അല്ലെങ്കിൽ വോള്യം ബട്ടൺ അമർത്തൂ.