iPhone ရှိ Health ကိုစတင်အသုံးပြုခြင်း
iPhone ရှိ Health အက်ပ်တွင် အရင်းအမြစ်အမျိုးမျိုးဖြစ်သည့်၊သင့် iPhone၊ iPad၊ Apple Watch နှင့် ကိုက်ညီမှုရှိသော အက်ပ်များနှင့် ကြားခံကိရိယာများမှ ကျန်းမာရေးအချက်အလက်များကို သိမ်းဆည်းထားသည်။ အိပ်စက်မှုအချိန်ဇယားကို သတ်မှတ်နိုင်သည်၊ ခေါင်းတပ်နားကြပ်အသံအနိမ့်အမြင့်ကို စစ်ဆေးနိုင်သည်၊ သင့်ဆေးဝါးများ သောက်သုံးရမည့်အချိန်ကို စီစဉ်နိုင်သည်၊ စသည်။
တစ်နေရာတည်းတွင် သင်၏ ကျန်းမာရေးအချက်အလက်ကို ရှာဖွေခြင်း
ရွေ့လျားနိုင်စွမ်း အချက်အလက်များ၊ အိပ်စက်မှုရာဇဝင်နှင့် သင့်ကျန်းမာရေးထောက်ပံ့ပေးသူများထံမှ ဆေးမှတ်တမ်းများပါ အပါအဝင် အရေးပါသော ကျန်းမာရေးအချက်အလက်များကို iPhone က အလိုအလျောက် သိမ်းဆည်းထားပြီး လေ့လာဆန်းစစ်ပေးသည်။ သင်သောက်သုံးနေသည့် ဆေးဝါးများ၊ ဓမ္မတာစက်ဝန်း၊ စသည်တို့အကြောင်း အချက်အလက်များကိုလည်း ကိုယ်တိုင် ထည့်သွင်းနိုင်သည်။ သင့်ကျန်းမာရေးအချက်အလက်များအားလုံးကို ပြသရန် Health အက်ပ်ကို ဖွင့်၍ အသားပေးဖော်ပြချက်များကို ကြည့်ရန် အောက်သို့ရွှေ့ပါ။
သင်၏ health details ကိုဖြည့်ခြင်း
သင်၏အတွေ့အကြုံကို ကိုယ်ပိုင်ဟန်လုပ်ရန် သင့်အမည်၊ မွေးနေ့၊ လိင် နှင့် အခြားအခြေခံ အချက်အလက်များကို Health Details သို့ ထည့်သွင်းပါ။ သင်၏ ကျန်းမာရေး အသေးစိတ်ကို ပြင်ဆင်ရန် Summary ကိုနှိပ်ပါ၊ ညာဘက်ထိပ်ရှိ သင့်ပုံ သို့မဟုတ် နာမည်အစများကိုနှိပ်ပါ၊ Health Details ကိုနှိပ်ပါ၊ Edit ကိုနှိပ်ပါ။
သင်၏ဆေးဝါးများကို အချိန်ဇယားဆွဲခြင်း
သင်သောက်သုံးနေသော ဆေးဝါးများကို စာရင်းပြုစုပါ၊ ၎င်းတို့ကို သောက်ရမည့်အချိန်ကို အချိန်ဇယားစီစဉ်၍ သောက်လိုက်သည့်အချိန်တွင် စာရင်းရေးသွင်းပါ။ ဆေးဝါးအသစ်တစ်မျိုးကို ထည့်ရန် Browse ကိုနှိပ်ပါ၊ Medications ကိုနှိပ်ပါ၊ ထို့နောက် Add a Medication ကိုနှိပ်ပါ။
သင့် ဓမ္မတာစက်ဝန်းကို ခြေရာခံခြင်း
Cycle Tracking ဖြင့် သင်သည် သင့်ဓမ္မတာလာချိန်ကို မှတ်တမ်းသွင်းခြင်း၊ ကြွက်တက်ခြင်းကဲ့သို့ လက္ခဏာများကို မှတ်တမ်းတင်ခြင်းနှင့် မိခင်နို့ရည်လိုက်ခြင်းကဲ့သို့ စက်ဝန်းအချက်များ ခြေရာကောက်ခြင်းတို့ လုပ်ဆောင်နိုင်ပါသည်။ သင်၏ နောက်တစ်ချိန် ဓမ္မတာနှင့် သားဥကြွေမှုသည် မည်သည့်အချိန်တွင်စမည်ကို ခန့်မှန်းရာတွင်လည်း အထောက်အကူဖြစ်စေရန် ၎င်းကို အသုံးပြုနိုင်သည်။ Cycle Tracking ကိုသတ်မှတ်ရန် Browse ကိုနှိပ်ပါ၊ Cycle Tracking ကိုနှိပ်၍ Set Up Cycle Tracking ကိုနှိပ်ပါ။
ပိုမိုလေ့လာလိုပါသလား။