သင်၏ နေ့စဉ်လုပ်ဆောင်မှုများအတွက် iPhone ကို အသုံးပြုပါ
သင်တစ်နေ့တာ သွားနေစဉ်၊ သင့်အိမ်တွင် လမ်းညွှန်ချက်များရယူရန်၊ ဝယ်ယူမှုများကိုမျှဝေရန်နှင့် ဆက်စပ်ပစ္စည်းများကို ထိန်းချုပ်ရန် သင့် iPhone ရှိ အက်ပ်များကိုသုံးနိုင်သည်။ သင်ကားမောင်းနေစဉ် သို့မဟုတ် အလုပ်လုပ်နေစဉ် အကြောင်းကြားချက်များကို အသံတိတ်နိုင်သည် သို့မဟုတ် သင်အာရုံစိုက်သည့်အရာနှင့် ဆက်စပ်သည့် သီးခြားအကြောင်းကြားချက်များကိုသာ ခွင့်ပြုခြင်းတို့ကိုလည်း ပြုလုပ်နိုင်သည်။

သင်လိုအပ်သော အချက်အလက်များဖြင့် နေ့တစ်နေ့ကို စတင်ပါ
iPhone ကိုအားသွင်းစဉ်တွင် အသုံးဝင်ပြီး အချိန်နှင့်တစ်ပြေးညီ အချက်အလက်များကို တစ်ချက်ကြည့်ရန် ၎င်းကို StandBy တွင် ထည့်နိုင်သည်။ StandBy ဖြင့်ဆိုလျှင် အချိန်၊ အပူချိန်နှင့်သင် မနက်အိပ်ရာထသည့်အခါ သို့မဟုတ် အိပ်ရာ မဝင်ခင် သင်ကြည့်ချင်သည့် အခြား သတင်းအချက်အလက်ကို ပြသပေးသည့် နာရီအနေဖြင့် သင့် iPhone ကို အသုံးပြုနိုင်သည်။
StandBy ကိုအသုံးပြုရန် iPhone အား အားသွင်းကိရိယာနှင့် ချိတ်ဆက်ပါ၊ ၎င်းကို အလျားလိုက်ကပ်ထားပါ (အလျားလိုက်အနေအထားဖြင့်)၊ ဖန်သားပြင်ကိုနှိပ်ပါ။

သင့်စိတ်ကြိုက်နေရာများသို့ လမ်းညွှန်များကို ရယူခြင်း
လမ်းလျှောက်ခြင်း၊ ကားမောင်းခြင်း သို့မဟုတ် စက်ဘီးစီးခြင်းဖြစ်စေ၊ လိပ်စာကို အချိန်တိုင်းမထည့်ဘဲ သင့်အိမ် သို့မဟုတ် သင့်စိတ်ကြိုက် ကော်ဖီဆိုင်ကဲ့သို့ သင်မကြာခဏသွားလည်သည့် နေရာများသို့ လမ်းညွှန်ချက်များရရှိရန် Maps အက်ပ်ကို သုံးနိုင်သည်။
Maps အက်ပ် တွင် Libraryအောက်ရှိ
ကိုနှိပ်ပါ၊ ထို့နောက် တည်နေရာတစ်ခုကိုထည့်ပါ။

virtual wallet တစ်ခုစီမံခြင်း
သင့်အကြွေးဝယ်ကတ်များ၊ ဖြတ်သန်းခွင့်ကတ်များ၊ ကာကွယ်ဆေးကတ်များ အစရှိသည်တို့ကို သင့် iPhone ရှိ Wallet အက်ပ်တွင်ထားပါ။ အကြွေးဝယ်ကတ် သို့မဟုတ် ငွေပေးချေကတ်ကို Wallet သို့ ထည့်သွင်းသည့်အခါ စတိုးဆိုင်များနှင့် အွန်လိုင်းတွင် လုံခြုံသော ငွေပေးချေမှုများကိုပြုလုပ်ရန်နှင့် သူငယ်ချင်းများနှင့် မိသားစုဝင်များမှ ပိုက်ဆံပို့ခြင်း သို့မဟုတ် လက်ခံရရှိခြင်းတို့ပြုလုပ်ရန် ၎င်းကိုသုံးနိုင်သည်။
သင်၏ပထမဆုံးကတ်ထည့်ရန် Wallet အက်ပ် ကိုဖွင့်ပါ၊ ဖန်သားပြင်ထိပ်ရှိ
ကိုနှိပ်ပါ၊ ထို့နောက် ဖန်သားပြင်ပေါ်ရှိ ညွှန်ကြားချက်များကိုလိုက်နာပါ။

အာရုံစိုက်ခြင်း
သင်ကားမောင်းနေလျှင်ဖြစ်စေ၊ အလုပ်လုပ်နေလျှင်ဖြစ်စေ သို့မဟုတ် သင့် iPhone နှင့် ခပ်ခွာခွာနေရန်လိုအပ်လျှင်ဖြစ်စေ သင့်အလုပ်နှင့် မကိုက်ညီသည့် အကြောင်းကြားချက်များကိုယာယီ အသံပိတ်ရန် Focus တစ်ခု ထည့်သွင်းနိုင်ကာ—လူများအား သင်အလုပ်များနေသည်ကို အသိပေးပါ။
Settings > Focus သို့သွားပါ၊ ထို့နောက် သင်သုံးလိုသည့် Focus ကိုရွေးချယ်ပါ၊ သို့မဟုတ် သင့်ကိုယ်ပိုင်ဖန်တီးရန် ဖန်သားပြင်ထိပ်ရှိ
ကိုနှိပ်ပါ။

သင်လိုအပ်သည့် သတိပေးချက်များ
အိမ်ပတ်ဝန်းကျင်ရှိ ပရောဂျက်များနှင့် အမျိုးအစားများကို ကဏ္ဍအလိုက်ခွဲခြားထားသည့် ကုန်စိမ်းစာရင်းများပြုစုရန်အတွက် Reminders အက်ပ်ကို သုံးနိုင်သည်။ သတ်မှတ်နေရာတစ်ခုသို့ ရောက်သည့်အခါ တစ်စုံတစ်ခုအကြောင်း သတိပေးချက်တစ်ခုလည်း ရနိုင်သည်။
သင်၏ပထမဆုံး သတိပေးချက်ကိုဖန်တီးရန် Reminders အက်ပ် ကိုဖွင့်ပါ၊ ထို့နောက် New Reminder ကိုနှိပ်ပါ။

မီးများပိတ်ရန် မေ့သွားလား။
iPhone ရှိ Home အက်ပ်တွင် မည်သည့်နေရာမှမဆို မီးများ၊ smart TV များနှင့် အပူချိန်တိုင်းကိရိယာများကဲ့သို့ HomeKit-အသုံးပြုနိုင်သည့် ဆက်စပ်ပစ္စည်းများကို စိတ်ချစွာထိန်းချုပ်နိုင်သည်။ ညဘက် အိမ်ပြန်ရောက်သည့်အခါ ဝင်လမ်းမီးများကို အလိုအလျောက်ဖွင့်ပေးခြင်းကဲ့သို့ သင်၏နေ့စဉ်လှုပ်ရှားမှုများကို ရိုးရှင်းစေရန်အလိုအလျောက်ပြုလုပ်မှုများကိုလည်း ဖန်တီးနိုင်သည်။
HomeKit ဆက်စပ်ပစ္စည်းဖြင့် သင်၏ပထမဆုံးလုပ်ဆောင်ချက်များကိုထည့်ရန် Home အက်ပ် ကိုဖွင့်ပါ၊ ဖန်သားပြင်ထိပ်ရှိ
ကိုနှိပ်ပါ၊ ထို့နောက် Add သို့မဟုတ် Scan Accessory ကိုနှိပ်ပါ။
ပိုမိုလေ့လာလိုပါသလား။