iPhone တွင်သီချင်းကိုရယူခြင်း
iPhone တွင်သိမ်းဆည်းထားသော သီချင်းအပြင် အင်တာနက်မှ လွှင့်ထားသော သီချင်းကို နားထောင်ပါ။ နည်းလမ်းများစွာဖြင့်—သင့်သီချင်းများနှင့် အယ်လ်ဘမ်များ၏ စုစည်းမှု—သီချင်းစုစည်းမှုတစ်ခုကို တည်ဆောက်နိုင်သည်။
![](https://help.apple.com/assets/67104C956810595555038D9A/67104C9D2EEB5C79B1030278/my_MM/f1f3d3ba36954fe1893e5178f5f49615.png)
Apple Music ကိုမှတ်ပုံတင်စာရင်းသွင်းခြင်း
Apple Music သို့စာရင်းသွင်းသည့်အခါတွင် Apple Music စာရင်းရှိ သီချင်းသန်းပေါင်းများစွာကို ချက်ချင်းစတင်၍ နားထောင်နိုင်သည်။ သင့်စက်ပစ္စည်းများအားလုံးတွင် သင့်သီချင်း library ကိုဝင်ရောက်ရန်အတွက် Sync Library ကိုဖွင့်ပါ (Settings > Apps > Music သို့သွားပါ)။ ထို့နောက် သင်အင်တာနက်လိုင်းမဲ့နေချိန်တွင်ပင်လျှင် သင့်အကြိုက်ဆုံးများကို အချိန်မရွေးဖွင့်နိုင်ရန် သီချင်းများကိုပေါင်းထည့်ပြီး ဒေါင်းလုတ်ရယူပါ။
အကြံပြုချက် Apple Music Family အဖွဲ့ဝင်ခွင့်ကိုဝယ်ယူပြီး သင်၏ Family Sharing အုပ်စုမှ လူတိုင်းသည် Apple Music စာရင်းသွင်းမှုတစ်ခုကို မျှဝေသုံးစွဲနိုင်သည်။
iTunes Store မှ သီချင်းကိုဝယ်ယူခြင်း
သင်သည် Apple Music သို့စာရင်းမသွင်းဘဲ သင့်အကြိုက်ဆုံးသီချင်းများနှင့် အယ်လ်ဘမ်များကို ပေါင်းထည့်လိုပါက iTunes Store မှနေ၍ သီချင်းများဝယ်ယူပြီး ဒေါင်းလုတ်ရယူ နိုင်သည်။ ထို့အပြင် iTunes Store မှနေ၍ ယခင်ကအမျိုးအစားများ ဝယ်ယူခဲ့ပါက သင်ခွင့်ပြုထားသော ကွန်ပျူတာများနှင့် စက်ပစ္စည်းများသို့ (စုစုပေါင်း 10 ခုအထိ) ၎င်းတို့ကို ဒေါင်းလုတ်ရယူနိုင်သည်။
သင့် Mac သို့မဟုတ် Windows စက်ပစ္စည်းမှနေ၍ သီချင်းလွှဲပြောင်းခြင်း
သင့် iPhone နှင့် သင့်စက်ပစ္စည်းကြားတွင် သီချင်းများလွှဲပြောင်းရန်နှင့် အချိန်နှင့်တစ်ပြေးညီထားရန် သင့် Mac သို့မဟုတ် Windows စက်ပစ္စည်းကိုချိတ်ဆက်ပါ။ အထောက်အကူပြုထားသော အကြောင်းအရာကို တစ်ပြိုင်နက်ချိန်ကိုက်ခြင်းပြုလုပ်ရန် Music (macOS 10.15 သို့မဟုတ် နောက်ပိုင်းအမျိုးအစားများ) သို့မဟုတ် iTunes (macOS 10.14 သို့မဟုတ် အစောပိုင်းထွက်များနှင့် Windows စက်ပစ္စည်းများ) ကိုအသုံးပြုပါ။
မှတ်စု ဝန်ဆောင်မှုများနှင့်အစီအစဉ်များကို ဒေသအားလုံးတွင် မရရှိနိုင်သည့်အပြင် အစီအစဉ်များသည် နိုင်ငံများ သို့မဟုတ် ဒေသများအားလုံးကိုလိုက်၍ ပြောင်းလဲသည်။ Cellular ချိတ်ဆက်မှုတစ်ခုကို အသုံးပြုသည့်အခါ ထပ်ဆောင်းပေးချေမှုများရှိနိုင်သည်။