Rezervimi i iPhone
Mund ta rezervoni iPhone duke përdorur iCloud ose kompjuterin. Për të vendosur se cila metodë është më e mira për ju, shikoni Rreth rezervimeve për iPhone, iPad dhe iPod touch.
Këshillë: Nëse ndërroni telefonin iPhone, mund ta përdorni rezervimin e tij për të transferuar informacionin në pajisjen e re. Shikoni Rikthimi i të gjitha përmbajtjeve në iPhone nga një kopje rezervë.
Rezervimi i iPhone me anë të iCloud
Rezervimet e iCloud ruajnë informacionet dhe cilësimet në pajisjen tuaj që nuk sinkronizohen rregullisht me iCloud. Kjo përfshin gjëra të tilla si cilësimet e pajisjes, strukturën e ekranit Home Screen dhe organizimin e aplikacioneve. Shikoni artikullin Çfarë rezervon iCloud? në Apple Support.
Shkoni te Settings
> [emri juaj] > iCloud > iCloud Backup.
Aktivizoni Backup This iPhone.
iCloud e rezervon automatikisht iPhone çdo ditë kur iPhone është në prizë, i kyçur dhe i lidhur me Wi-Fi.
Shënim: Në modelet që mbështesin 5G, operatori celular mund t'ju japë opsionin për ta rezervuar telefonin tuaj iPhone duke përdorur rrjetin celular. Shkoni te Settings > [emri juaj] > iCloud > iCloud Backup, më pas aktivizoni ose çaktivizoni Back Up Over Cellular.
Për të kryer një rezervim manual, prekni Back Up Now.
Nëse keni nevojë për ndihmë për rezervimin e telefonit tuaj iPhone me iCloud, shikoni artikullin Nëse nuk mund të rezervoni në iCloud tek Apple Support.
Shikoni hapësirën e disponueshme të iCloud
Shkoni te Settings > [emri juaj] > iCloud.
Sasia e hapësirës ruajtëse të përdorur në iCloud dhe sasia e hapësirës ruajtëse të disponueshme në iCloud shfaqen në krye të ekranit.
Menaxhoni hapësirën ruajtëse të iCloud
Mund të shikoni detaje rreth rezervimeve të iCloud, si p.sh. rezervimi i fundit, madhësia e rezervimit të radhës dhe aplikacionet e përfshira në rezervim.
Shkoni te Settings
> [emri juaj] > iCloud > iCloud Backup dhe më pas prekni iPhone (This iPhone).
Për të zvogëluar madhësinë e një kopjeje rezervë, prekni aplikacionet që nuk dëshironi të rezervoni më; të dhënat ekzistuese të kopjeve rezervë të aplikacioneve do të fshihen gjithashtu nga iCloud.
Për më shumë informacione, shikoni artikullin Menaxhoni hapësirën ruajtëse të iCloud tek Apple Support.
Rezervimi i iPhone me anë të kompjuterit Mac
Ju mund të ruani një kopje rezervë të telefonit tuaj iPhone në pajisjen tuaj Mac.
Në shiritin anësor Finder në kompjuterin tuaj Mac, zgjidhni iPhone.
Për të përdorur Finder për të rezervuar iPhone, kërkohet macOS 10.15 ose një version i mëvonshëm. Me versione të mëhershme të macOS, përdorni iTunes për të rezervuar iPhone.
Në krye të dritares Finder, klikoni General.
Zgjidhni “Back up all of the data on your iPhone to this Mac.”
Për të enkriptuar të dhënat e rezervimit dhe për t’i mbrojtur me fjalëkalim, zgjidhni “Encrypt local backup.”
Klikoni Back Up Now.
Shënim: Ju mund ta lidhni gjithashtu iPhone me kompjuterin tuaj me valë nëse konfiguroni sinkronizimin me Wi-Fi.
Rezervimi i telefonit iPhone me anë të pajisjes me Windows
Në aplikacionin iTunes në PC, klikoni butonin iPhone pranë pjesës së sipërme majtas të dritares së iTunes.
Klikoni Summary.
Klikoni Back Up Now (poshtë Backups).
Për të enkriptuar rezervimet, zgjidhni “Encrypt local backup,” shkruani një fjalëkalim, më pas klikoni Set Password.
Për të parë rezervimet e ruajtura në kompjuter, zgjidhni Edit > Preferences, më pas klikoni Devices. Rezervimet e enkriptuara kanë një ikonë kyçi në listën e rezervimeve.
Shënim: Ju mund ta lidhni gjithashtu iPhone me kompjuterin tuaj me valë nëse konfiguroni sinkronizimin me Wi-Fi.