Shkarkoni kartelat shëndetësore në iPhone
Aplikacioni Health ofron akses të sigurt në informacione rreth vaksinimeve, alergjive, kushteve, medikamenteve dhe më shumë (nuk ofrohet në të gjitha shtetet ose rajonet).
Mund të përdorni një kod QR ose një lidhje nga një ofrues ose autoritet i kujdesit shëndetësor për të shkarkuar një regjistrim të rezultateve të testimit dhe mund të konfiguroni shkarkime automatike për një sërë të dhënash shëndetësore nga organizatat e mbështetura të kujdesit shëndetësor.
Shënim: Kur iPhone është i kyçur me Face ID, Touch ID ose një kod kalimi, të gjitha të dhënat shëndetësore në aplikacionin Health, përveç atyre që shtoni në Medical ID, janë të enkriptuara.
Konfiguroni shkarkime automatike të të dhënave shëndetësore nga ofruesi juaj i kujdesit shëndetësor
Organizatat e mbështetura të kujdesit shëndetësor mund të shkarkojnë në mënyrë të sigurt dhe automatikisht regjistrimet për alergjitë, gjendjet mjekësore, medikamentet, laboratorët, vaksinimet etj. te Health.
Shkoni tek aplikacioni Health
në iPhone.
Prekni fotografinë ose inicialet tuaja djathtas lart.
Nëse nuk shihni foton apo inicialet tuaja, prekni Summary ose Browse në fund të ekranit, pastaj lëvizni në krye të ekranit.
Prekni Health Records, pastaj bëni një nga më poshtë:
Konfiguroni shkarkimin tuaj të parë: Prekni Get Started.
Konfiguroni shkarkimet për llogari të mëtejshme: Prekni Add Account.
Shfaqet një listë e organizatave në afërsi. Nëse organizata juaj nuk shfaqet në listë, shkruani emrin e një klinike, spitali ose vendi tjetër ku merrni të dhënat shëndetësore. Ose shkruani emrin e një qyteti, shteti ose province për të gjetur organizatat në afërsi.
Prekni emrin e organizatës.
Prekni Connect Account (nën Available to Connect) për të shkuar tek ekrani i identifikimit për portalin tuaj të pacientit.
Vendosni emrin e përdoruesit dhe fjalëkalimin që përdorni për portalin e pacientëve në internet të asaj organizate, pastaj ndiqni udhëzimet në ekran.
Pasi të konfiguroni shkarkimet nga një organizatë, ju merrni automatikisht regjistrime të reja në Health kur ato bëhen të disponueshme.
Shënim: Organizata juaj e kujdesit shëndetësor mund të mos shfaqet në këtë veçori. Institucionet shtohen shpesh.