iPhone ရှိ Reminders တွင် အကောင့်များကို ထည့်သွင်းခြင်း သို့မဟုတ် ဖယ်ရှားခြင်း
Reminders အက်ပ်ကို အကောင့်အမျိုးမျိုးဖြင့်—iCloud၊ အင်တာပရိုက်စ်က စီမံထားသည့် iCloud၊ Microsoft Exchange သို့မဟုတ် Yahoo—အသုံးပြုပါက သင်၏လုပ်ဆောင်ရန်စာရင်းများကို တစ်နေရာတည်းမှာ စီမံနိုင်သည်။ တူညီသောအကောင့်များကို အသုံးပြုထားသည့် သင်၏ စက်ပစ္စည်းများအားလုံးတွင် သင်၏သတိပေးချက်များက အချိန်နှင့် တစ်ပြေးညီဖြစ်နေမည်။
မှတ်စု အခုလမ်းညွှန်းထဲတွင်ဖော်ပြထားသော Reminders အင်္ဂါရပ်များအားလုံးကို iCloud ထဲရှိ အဆင့်မြှင့်ပြီးသတိပေးချက်များကိုသုံးမှသာ အသုံးပြုနိုင်ပါသည်။ အခြားအကောင့်များကိုအသုံးပြုနေချိန်တွင် တချို့အင်္ဂါရပ်များကို အသုံးမပြုနိုင်ပါ။
iCloud ဖြင့် သင်၏စက်များအားလုံးကိုရှိသတိပေးချက်များကိုခေတ်မီအောင်ထားပါ။
Settings
> [your name] ကိုသွားပါ။
iCloud ကိုနှိပ်ပါ၊ See All ကိုနှိပ်ပါ၊ ထို့နောက် Reminders ကိုဖွင့်ပါ။
iCloud အတွင်း သိမ်းဆည်းထားသည့် သင်၏သတိပေးချက်များ—နှင့် ၎င်းတို့ကိုပြုလုပ်မည့် မည်သည့်ပြောင်းလဲမှုမဆို— Apple Account တစ်ခုတည်းသို့ဝင်ရောက်ထားသည့် သင်၏ iPhone၊ iPad၊ Apple Watch နှင့် Mac များတွင်ပေါ်လာသည်။
iCloud အတွင်း သိမ်းဆည်းထားသည့် သင်၏ သတိပေးချက်များကို အချိန်နှင့်တစ်ပြေးညီထားခြင်း
သင်သည် iOS 12 သို့မဟုတ် အစောပိုင်းအမျိုးအစားများဖြင့် Reminders ကိုအသုံးပြုပါက တွဲဆက်ဖိုင်များ၊ အလံများ၊ အရောင်များနှင့် သင်္ကေတစာရင်း၊ အစရှိသကဲ့သို့သော အစီအစဉ်များကိုသုံးရန် iCloud အတွင်း သိမ်းဆည်းထားသော သင်၏သတိပေးချက်များကို အချိန်နှင့်တစ်ပြေးညီထားရန် လိုအပ်နိုင်သည်။
Settings
> [your name] ကိုသွားပါ။
iCloud ကိုနှိပ်ပါ၊ See All ကိုနှိပ်ပါ၊ ထို့နောက် Reminders ကို သေချာဖွင့်ထားပါ။
သင့် iPhone ရှိ Reminders အက်ပ်
ကိုသွားပါ။
Welcome to Reminders ဖန်သားပြင်ရှိ အောက်ပါရွေးချယ်မှုများထဲမှ တစ်ခုကိုရွေးချယ်ပါ၊
ယခုပဲ အချိန်နှင့်တစ်ပြေးညီထားမည်၊ အချိန်နှင့်တစ်ပြေးညီထားခြင်းလုပ်ငန်းစဉ်ကို စတင်ပါ။
နောက်မှ အချိန်နှင့်တစ်ပြေးညီထားမည်၊ သင်၏ စာရင်းများအထက်တွင် အပြာရောင် Update ခလုတ်ပေါ်လာမည်- သင်၏ သတိပေးချက်များကို အချိန်နှင့်တစ်ပြေးညီထားရန် အသင့်ဖြစ်သည့်အခါ ၎င်းကိုနှိပ်ပါ။
မှတ်စု အချိန်နှင့်တစ်ပြေးညီထားပြီးသတိပေးချက်များကို iOS နှင့် macOS ၏အစောပိုင်းဗားရှင်းများရှိ Reminders အက်ပ်နှင့် ပြန်လည်အသုံးပြု၍မရပါ။ Apple အထောက်အကူပြုဆောင်းပါးဖြစ်သည့် iOS 13 သို့မဟုတ် နောက်ပိုင်းအမျိုးအစားများတွင် Reminders အက်ပ်ကို အဆင့်မြှင့်တင်ပါကိုကြည့်ပါ။
အခြားအကောင့်များထည့်သွင်းခြင်း
Microsoft Exchange နှင့် Yahoo ကဲ့သို့သော အခြားအကောင့်များမှ သင်၏လုပ်ဆောင်ရမည့်စာရင်းများကို စီမံရန် Reminders အက်ပ်ကို အသုံးပြုနိုင်သည်။
Settings
> Apps > Reminders ကိုသွားပါ။
Reminders Accounts ကိုနှိပ်၍ Add Account ကိုနှိပ်ပါ။
အောက်ပါတို့မှတစ်ခုကိုလုပ်ဆောင်ပါ၊
အကောင့်ပံ့ပိုးမှုတစ်ခုကို ရွေးချယ်၍ သင့်၏အကောင့်အချက်အလက်ကို ထည့်ပါ။
သင်၏အကောင့်ပံ့ပိုးသူကို စာရင်းမထည့်ထားလျှင် Other ကိုနှိပ်၍ Add CalDAV Account ကိုနှိပ်ပြီးနောက် သင်၏ အကောင့်အချက်အလက်များကို ရိုက်ထည့်ပါ၊ ထို့နောက် ထိုအကောင့်အတွက် Reminders ကိုဖွင့်ပါ။
အကောင့်တစ်ခုကို ဖယ်ရှားခြင်း
အကောင့်တစ်ခုကို ဖယ်ရှားသည့်အခါ သို့မဟုတ် ဖျက်သည့်အခါ ထိုအကောင့်ထဲရှိ သတိပေးချက်များသည် သင့် iPhone တွင် ပေါ်မည်မဟုတ်တော့ပေ။ သတိပေးချက်များသည် သင့်အင်တာနက်အကောင်ထဲတွင် ကျန်ရှိသည် (ဥပမာ iCloud.com သို့မဟုတ် Microsoft Exchange) နှင့် အခြား ထည့်သွင်းပြီးသော စက်ပစ္စည်းများ။
Settings
> Apps > Reminders ကိုသွားပါ။
Reminders Accountsကိုနှိပ်ပါ၊ ထို့နောက် သင်ဖယ်ချင်သည့် အကောင့်ကိုနှိပ်ပါ။
အောက်ပါတို့မှတစ်ခုကိုလုပ်ဆောင်ပါ၊
အကောင်တွင် Reminders အသုံးပြုခြင်းကို ရပ်ခြင်း၊ သတိပေးချက်များကိုပိတ်ပါ၊
Calendar ကဲ့သို့သော အခြားဝန်ဆောင်မှုများအတွက် အကောင့်ကို ဆက်လက်အသုံးပြုနိုင်သည်။
အကောင့်တွင် ဝန်ဆောင်မှုများအားလုံး အသုံးပြုခြင်းကို ရပ်ခြင်း၊ Sign Out (iCloud အကောင့်တစ်ခုအတွက်)ကိုနှိပ်ပါ သို့မဟုတ် Delete Account (အခြားသော အကောင့်များအတွက်)ကိုနှိပ်ပါ။
Sign Out သို့မဟုတ် Delete Account ကို မတွေ့လျှင် သင့်အကောင့်ကို သင်၏ အဖွဲ့အစည်းမှ စီမံနေနိုင်သည်။ လမ်းညွှန်ချက်များကိုဖယ်ရှားရန်အတွက် တာဝန်ရှိသူနှင့်တွေ့ဆုံပါ။