သင်၏ အဆက်အသွယ်အချက်အလက်ကို မျှဝေရန် iPhone ရှိ NameDrop ကိုအသုံးပြုပါ
သင့်အနီးနားရှိ iPhone သို့မဟုတ် Apple Watch နှင့် အဆက်အသွယ်အသစ်၏ အချက်အလက်ကို လျှင်မြန်စွာ မျှဝေရန် NameDrop ကိုအသုံးပြုနိုင်သည် (Apple Watch Ultra၊ Apple Watch Series 7 နှင့် နောက်ပိုင်းအမျိုးအစားများ နှင့် Apple Watch SE 2nd generation)။

မှတ်စု NameDrop သည် အဆက်အသွယ်အသစ်ပေးခြင်းအတွက်သာ အလုပ်လုပ်ပြီး လက်ရှိရှိနေသည့် အဆက်အသွယ်ကို အဆင်မြှင့်တင်ခြင်း မပြုလုပ်ပေ။
iPhone ပေါ်တွင် NameDrop အားအသုံးပြုခြင်း
အခြားသူ၏ iPhone သို့မဟုတ် Apple Watch ၏ထိပ်မှ စင်တီမီတာအနည်းငယ်မျှ အကွာတွင် သင့် iPhone ၏မျက်နှာပြင်ကိုကိုင်ထားပါ။
ဖန်သားပြင်နှစ်ခုလုံးပေါ်တွင် NameDrop ပေါ်လာသည်အထိ သင်တို့၏ စက်ပစ္စည်းများကို တစ်ခုနှင့်တစ်ခုနီးနီးကပ်ကပ် ဆက်လက်၍ကိုင်ထားပါ။
သင့်အဆက်အသွယ်ကတ်ကိုမျှဝေရန်နှင့် အခြားသူ၏အဆက်အသွယ်ကတ်ကို ရယူရန်ရွေးပါ၊ သို့မဟုတ်အခြားသူ၏ အဆက်အသွယ်ကတ်တစ်ခုတည်းကိုသာ ရယူရန်ရွေးပါ။
သင်၏ အဆက်အသွယ်ကတ်ကို မျှဝေထားလျှင်
ကို နှိပ်ပါ၊ သင်ထည့်သွင်းလိုသည့် အကွက်များကို ရွေးချယ်ပါ၊ ထို့နောက် Save ကိုနှိပ်ပါ။ NameDrop ကို နောက်တစ်ကြိမ် သင်အသုံးပြုသည့်အခါ တူညီသော အကွက်များကို အလိုအလျှောက် ရွေးချယ်ပါမည်။
NameDrop လွှဲပြောင်းမှုမပြီးမီ ဖျက်သိမ်းရန် စက်ပစ္စည်းနှစ်ခုကို တစ်ခုနှင့်တစ်ခုဝေးရာသို့ ရွှေ့ပါ သို့မဟုတ် သင့် iPhone ကို ပိတ်လိုက်ပါ။
iPhone ပေါ်တွင် NameDrop ကို ပိတ်ခြင်း
NameDrop ကို ပုံသေထားထားသည်။ NameDrop (နှင့် အခြား Bring Devices Together လုပ်ဆောင်ချက်များ)ကိုပိတ်ရန် Settings > General > AirDrop ကိုသွားပါ၊ ထို့နောက် Bring Devices Together ကို ပိတ်ပါ။