iPhone дисплейін ұзағырақ қосулы ұстау
Сіз қарап отырған кезде iPhone дисплейі қосулы болады, бірақ біраз уақытқа басқа жаққа қараған кезде, ол күңгірттеніп, ақырында құлыпталады (қауіпсіздік үшін). Егер дисплейдің ұзақ уақыт қосулы болуы керек болса (мысалы, «Карталар» арқылы шарлау кезінде), iPhone автоматты түрде күңгірттену және құлыпталу үшін қанша уақыт қажет екенін өзгертуіңізге болады.
iPhone құрылғысы автоматты түрде құлыптанатын уақытты өзгерту
iPhone құрылғысын автоматты түрде құлыптауға дейінгі уақыт ұзақтығын орнатуыңызға болады.
«Реттеулер» > «Дисплей және жарықтық» > «Автоматты түрде құлыптау» тармағына өтіңіз, одан кейін уақыт ұзақтығын таңдаңыз.
Құлыптау экраныңызды «Әрдайым қосулы дисплей» параметрімен көрінетін етіп ұстау
Қолдау көрсетілген үлгілерінде «Әрдайым қосулы дисплей» реттеуі iPhone құрылғыңыз құлыптаулы кезде де Құлыптау экраныңыздың күңгірттелген нұсқасы көрініп тұруына рұқсат етеді. Күңгірттенген экранға қарау арқылы хабарландырулар, күн мен уақыт және виджеттеріңіздегі ақпарат сияқты маңызды ақпаратты тексеруіңізге болады.
Дисплей iPhone құрылғысы төмен қарағанда немесе көруге кедергі болғанда, жұптастырылған Apple Watch құрылғысына жанын емес кезде, CarPlay сеансы басталғанда, Үздіксіз камера пайдаланылғанда, Төмен қуат режимі қосулы болғанда, Ұйқыға зейін қою қосулы болғанда немесе әдеттегі ұйқы уақытыңызда автоматты түрде өшеді.
«Әрдайым қосулы дисплей» мүмкіндігі әдепкі бойынша қосулы болады. Оны өшіру үшін «Реттеулер» > «Дисплей және жарықтық» тармағына өтіңіз, одан кейін «Әрдайым қосулы дисплей» реттеуін өшіріңіз.
Кеңес: «Әрдайым қосулы дисплей» параметрі қосулы кезде Құлыптау экранында тұсқағазыңызды немесе хабарландыруларды көрсетуді не көрсетпеуді таңдай аласыз. «Реттеулер» > «Дисплей және жарықтық» > «Әрдайым қосулы дисплей» тармағында «Тұсқағазды көрсету» немесе «Хабарландыруларды көрсету» реттеуін қосыңыз немесе өшіріңіз.