iPhone құрылғысының маңызды қауіпсіздік ақпараты
ЕСКЕРТУ: Бұл қауіпсіздік нұсқауларын орындамау өртті, токтың соғуын немесе жарақатты не iPhone құрылғысына немесе басқа затқа зақым тудыруы мүмкін. iPhone құрылғысын пайдаланбастан бұрын төмендегі барлық қауіпсіздік ақпаратын оқып шығыңыз.
Пайдалану. iPhone құрылғысын абайлап ұстаңыз. Ол металдан, шыныдан және пластмассадан жасалған және ішінде сезімтал электрондық бөлшектері бар. Түссе, жанса, тесілсе немесе сынса, не болмаса сұйықтыққа тисе, iPhone құрылғысы немесе оның аккумуляторы зақымдалуы мүмкін. iPhone құрылғысы немесе аккумулятор зақымдалған деп ойласаңыз, iPhone құрылғысын пайдалануды тоқтатыңыз, себебі ол қатты қызып кетуге немесе жарақатқа себеп болуы мүмкін. Шынысы шытынаған iPhone құрылғысын пайдаланбаңыз, себебі ол жарақаттауы мүмкін. iPhone құрылғысының бетін қырам деп ойласаңыз, қорап немесе жапқыш пайдалануды қарастырыңыз.
Жөндеу. iPhone құрылғысына тек оқытылған техник маман қызмет көрсетуі керек. iPhone құрылғысын бөлшектеу оны зақымдауы, шашырау мен суға төзімділіктің (қолдау көрсетілген үлгілер) жоғалуына әкелуі немесе өзіңізді жарақаттауы мүмкін. Егер iPhone зақымдалса немесе дұрыс жұмыс істемесе, қызмет алу үшін Apple компаниясына немесе Apple уәкілетті қызмет провайдеріне хабарласыңыз. Оқымаған тұлғалар тарапынан немесе түпнұсқа емес Apple бөлшектерін пайдалану арқылы жүргізілген жөндеу жұмыстары құрылғының қауіпсіздігі мен жұмысына әсер етуі мүмкін. Жөндеулер және қызмет көрсету туралы қосымша ақпаратты iPhone Жөндеу веб-сайтынан таба аласыз.
Аккумулятор. Аккумулятордың қызып кетуіне, өртке немесе жарақатқа әкелуі мүмкін зақымдануын болдырмау үшін iPhone аккумуляторын тек білікті маман жөндеуі керек. Аккумуляторлар тұрмыстық қалдықтардан бөлек және жергілікті қоршаған ортаны қорғау заңдары мен нұсқауларына сәйкес өңделуі немесе тасталуы керек. Аккумуляторға қызмет көрсету және өңдеу туралы ақпарат алу үшін Аккумуляторға қызмет көрсету және өңдеу сайтын қараңыз.
Лазерлер. iPhone 7 және одан кейінгі құрылғыдағы жақындық сенсоры, TrueDepth камера жүйесі мен LiDAR сканері бір немесе бірнеше лазерді қамтиды. Егер лазерлік жүйелерді құрылғы зақымдалған немесе бұзылған жағдайда қауіпсіздік мақсатында өшіруге ажыратуға болады. iPhone құрылғыңызда лазер жүйесінің ажыратылғаны туралы хабарландыру алсаңыз, қызмет алу үшін Apple корпорациясына немесе Apple өкілетті қызмет жеткізушісіне хабарласуыңыз керек. Лазер жүйелерін дұрыс жөндемеу, өзгерту немесе түпнұсқа емес Apple компоненттерін пайдалану қауіпсіздік механизмдерінің дұрыс жұмыс істеуіне кедергі келтіруі мүмкін, сонымен қатар көзге немесе теріге қауіпті әсер етуі және жарақат тудыруы мүмкін.
Алаңдату. iPhone құрылғысын кейбір жағдайларда пайдалану сізді алаңдатуы және қауіпті жағдайлар тудыруы мүмкін (мысалы, велосипед тебу кезінде құлаққаппен музыка тыңдамаңыз және көлік айдау кезінде мәтіндік хабар жазбаңыз). Мобильді құрылғыларды немесе құлаққаптарды пайдалануға тыйым салатын немесе оны шектейтін ережелерге жүгініңіз. Көлік жүргізу кезінде қауіпсіздік туралы қосымша мәліметтер алу үшін Көлік айдау кезінде iPhone көмегімен назарыңызды шоғырландыру бөлімін қараңыз.
Навигация. «Карталар» деректер қызметтеріне тәуелді. Бұл деректер қызметтері өзгеруі мүмкін және барлық елдерде немесе аймақтарда қолжетімді бола бермейді, нәтижесінде қол жетімсіз, дәл емес немесе толық емес карталар және геолокацияға негізделген ақпаратты береді. «Карталар» қолданбасында берілген ақпаратты айналаңыздағылармен салыстырыңыз. Навигация кезінде жалпы принциптерді пайдаланыңыз. Сәйкессіздікті шешу үшін әрқашан ағымдағы жол жағдайларын және ілінген белгілерді қараңыз. Кейбір «Карталар» мүмкіндіктері «Геолокация сервистері» қызметін талап етеді.
Зарядтау. iPhone құрылғысын зарядтау үшін келесі әрекеттердің кез келгенін орындаңыз:
Зарядтау кабелін (берілген) және Apple USB қуат адаптерін (бөлек сатылады) пайдаланып iPhone аккумуляторын зарядтаңыз.
iPhone құрылғысының бетін жоғары қаратып MagSafe Charger немесе MagSafe Duo Charger зарядтау құрылғысына (Apple 20 Вт USB-C қуат адаптеріне немесе басқа үйлесімді қуат адаптеріне қосылған) немесе Qi куәлігі бар зарядтау құрылғысына қойыңыз. (MagSafe Charger, MagSafe қосарлы зарядтағышы, қуат адаптерлері және Qi куәлігі бар зарядтау құрылғылары бөлек сатылады.)
iPhone құрылғысын «Made for iPhone» кабелімен немесе USB 2.0 немесе одан кейінгі нұсқасымен және тиісті ел заңдарымен және халықаралық және аймақтық қауіпсіздік стандарттарымен үйлесімді үшінші тарап кабельдерімен және қуат адаптерлерімен зарядтауыңызға да болады. Басқа адаптерлер тиісті қауіпсіздік стандарттарына сәйкес келмеуі мүмкін және осындай адаптерлермен зарядтау өлім немесе жарақат қатерін тудыруы мүмкін.
Зақымдалған кабельдерді немесе зарядтағыштарды пайдалану, не болмаса ылғал бар кезде зарядтау өртті, ток соғуды, жарақатты немесе iPhone құрылғысына немесе басқа мүлікке зақымды тудыруы мүмкін. Зарядтау кабелін (берілген) немесе сымсыз зарядтау құрылғысын (бөлек сатылады) iPhone құрылғысын зарядтау үшін пайдаланғанда, адаптерді қуат розеткасына қоспастан бұрын оның USB портының үйлесімді қуат адаптеріне толық кіргізілгенін тексеріңіз. iPhone құрылғысын, зарядтау кабелін, қуат адаптерін және кез келген сымсыз зарядтау құрылғысын пайдалану немесе зарядтау кезінде жақсы желдетілген аймақта сақтау маңызды болып табылады. Сымсыз зарядтау құрылғысын пайдалану кезінде металл қаптарды алып тастаңыз және бөтен металл заттарды (мысалы, кілттер, тиындар, аккумуляторлар немесе әшекейлер) зарядтау құрылғысының үстіне қоймаңыз, себебі олар қызуы немесе зарядтауға кедергі тудыруы мүмкін.
Зарядтау кабелі және қосқышы. Зарядтау кабелі қуат көзіне қосылғанда, зарядтау кабелі мен портының теріге ұзақ тиюін болдырмаңыз, себебі ол қолайсыздық немесе жарақат тудыруы мүмкін. Зарядтау кабелінің немесе портының үстіне ұйықтауға немесе отыруға болмайды.
Ұзақ уақыт бойы жылу әсері. Тиісті ел заңдары мен халықаралық және аймақтық қауіпсіздік стандарттары анықтаған қажетті беттің температура шектеулеріне сәйкес келетін iPhone және Apple USB қуат адаптерлері (бөлек сатылады). Дегенмен, осы шектер ішінде болса да, жылы беттерге ұзақ уақыт бойы тиіп тұру қолайсыздықты немесе жарақатты тудыруы мүмкін. Құрылғы, оның қуат адаптері немесе сымсыз зарядтау құрылғысы жұмыс істеп тұрғанда немесе қуат көзіне ұзақ уақыт қосулы болғанда олардың теріңізге тию жағдайын болдырмау үшін ойланып әрекет етіңіз. Мысалы, құрылғының, қуат адаптерінің немесе сымсыз зарядтау құрылғысының үстіне ұйықтамаңыз немесе олар қуат көзіне қосулы кезде оларды көрпенің, жастықтың астына немесе астыңызға қоймаңыз. iPhone құрылғысын, қуат адаптерін және кез келген сымсыз зарядтау құрылғысын пайдалану немесе зарядтау кезінде жақсы желдетілген аймақта сақтаңыз. Денеңізге қызуды анықтау мүмкіндігіне әсер ететін физикалық жағдайыңыз болса, айырықша абай болыңыз.
USB қуат адаптері. (бөлек сатылады) Apple USB қуат адаптерін қауіпсіз пайдалану және ыстыққа қатысты жарақат немесе зақым ықтималдылығын азайту үшін қуат адаптерін қуат розеткасына тікелей қосыңыз. Қуат адаптерін шұңғылша, ванна немесе душ сияқты ылғал орындарда пайдаланбаңыз және қуат адаптерін ылғал қолдармен қоспаңыз немесе ажыратпаңыз. Келесі жағдайлардың кез келгені орын алған жағдайда қуат адаптері мен барлық кабелдерді пайдалануды тоқтатыңыз:
Қуат адаптерінің ашасы немесе істіктері зақымдалған.
Зарядтау кабелі тозған немесе зақымдалған.
Қуат адаптері қатты ылғалға қалдырылған немесе сұйықтық қуат адаптеріне төгілген.
Қуат адаптері түсірілген және оның қабы зақымдалған.
Apple 20 Вт USB-C қуат адаптерінің техникалық сипаттамалары:
Жиілік: 50 - 60 ГЦ, жалғыз фазалы
Желі кернеуі: 100 - 240 В
Шығыс қуаты: 5 В/3 A немесе 9 В 2,2 A
Шығыс порты: USB-C
Apple 18 Вт USB-C қуат адаптерінің техникалық сипаттамалары:
Жиілік: 50 - 60 ГЦ, жалғыз фазалы
Желі кернеуі: 100 - 240 В
Шығыс қуаты: 5 В/3 А немесе 9 В/2 А
Шығыс порты: USB-C
Apple 5 Вт USB қуат адаптерінің техникалық сипаттамалары:
Жиілік: 50 - 60 ГЦ, жалғыз фазалы
Желі кернеуі: 100 - 240 В
Шығыс қуаты: 5 В/1 А
Шығыс порты: USB
Есту қабілетінен айырылу. Дыбысты жоғары дыбыс деңгейінде тыңдау есту қабілетіңізді зақымдауы мүмкін. Артқы шу, сонымен қатар жоғары дыбыс деңгейінде үздіксіз тыңдау дыбыстарды олардың шын деңгейінен тыныштау етіп көрсетуі мүмкін. Құлаққа аспапты салмастан бұрын, дыбысты ойнатуды қосып, дыбыс деңгейін тексеріңіз. Ең жоғарғы дыбыс деңгейінің шегін орнату жолы туралы ақпаратты iPhone құрылғысындағы «Денсаулық» қолданбасында есту қабілетінің саулығы мүмкіндіктерін пайдалану бөлімінен қараңыз. Есту қабілетін жоғалту туралы қосымша ақпарат алу үшін Дыбыс және есту қабілеті веб-сайтын қараңыз.
ЕСКЕРТУ: Ықтимал есту қабілетінің зақымдалуын болдырмау үшін ұзақ уақыт бойы жоғары дыбыс деңгейінде тыңдамаңыз.
Радиожиілік әсері. iPhone сымсыз желілерге қосылу үшін радио сигналдарды пайдаланады. Радио сигналдардан туындаған радиожиілік (РЖ) энергиясы және әсерді азайту үшін орындауға болатын қадамдар туралы ақпарат алу үшін «Реттеулер» 
> «Жалпы» > «Нормативтік-құқықтық құжат» > «РЖ сәулелену» тармағына өтіңіз немесе РЖ сәулелену веб-сайтын қараңыз.
Радиожиілік кедергісі. Электрондық құрылғыларды пайдалануға тыйым салатын немесе оны шектейтін белгілер мен ескертулерді қараңыз. iPhone құрылғысы радиожиілік бөлінулерін басқаратын заңдарға сай шығарылған, тексерілген және өндірілген болса да, iPhone құрылғысынан шыққан мұндай бөлінулер басқа электрондық жабдықтың жұмысына кері әсер етіп, олардың бұзылуына себеп болуы мүмкін. Ұшақта отырған кез сияқты пайдалану тыйым салынған кезде немесе өкілетті органдар өтінген кезде, iPhone құрылғысын өшіріңіз немесе ұшақ режимін пайдаланыңыз немесе iPhone сымсыз тасымалдағыштарын өшіру үшін «Реттеулер» > «Wi-Fi» және «Реттеулер» > «Bluetooth» тармағына өтіңіз.
Медициналық құрылғыға кедергісі. iPhone құрылғысы мен MagSafe керек-жарақтары магниттерді, сонымен қатар электромагниттік өрістер шығаратын компоненттерді және/немесе радиоларды қамтиды. Бұл магниттер мен электромагниттік өрістер медициналық құрылғыларға кедергі келтіруі мүмкін.
Медициналық құрылғыңызға қатысты ақпарат алу және медициналық құрылғы мен iPhone құрылғысының және MagSafe керек-жарақтарының арасында бөлектеудің қауіпсіз қашықтығын сақтау туралы дәрігеріңізбен және медициналық құрылғының өндірушісімен кеңесіңіз. Өндірушілер ықтимал кедергіні болдырмау үшін сымсыз немесе магниттік өнімдер қасында өздерінің құрылғыларын қауіпсіз пайдалану бойынша ұсыныстарды жиі береді. iPhone құрылғысы мен MagSafe керек-жарақтары медициналық құрылғыларыңызға кедергі келтіреді деп ойласаңыз, бұл өнімдерді пайдалануды тоқтатыңыз.
Имплантталған кардиостимуляторлар мен дефибрилляторлар сияқты медициналық құрылғылардың құрамында тығыз байланыста болған кезде магнит пен радиоға жауап беретін сенсорлар болуы мүмкін. Бұл құрылғылармен қандай да бір потенциалды өзара әрекеттесулерді болдырмау үшін MagSafe үйлесімді iPhone үлгілеріңіз бен MagSafe керек-жарақтарыңызды құрылғыңыздан қауіпсіз қашықтықта ұстаңыз (15 см-ден көп немесе сымсыз зарядтау кезінде 30 см-ден көп, бірақ нақты нұсқаулар үшін дәрігеріңізден және құрылғыңыздың өндірушісінен кеңес алыңыз).
Медициналық құрылғы емес. iPhone медициналық құрылғы емес және оны кәсіби медициналық шешімнің орнына пайдалануға болмайды. Ол ауруды тексеруде немесе басқа жағдайларда немесе емде, ауруды басуда, емдеуде немесе алдын алуда пайдалануға арналмаған. Денсаулығыңызға қатысты қандай да бір шешімдер жасамастан бұрын емдеуші дәрігеріңізбен кеңесіңіз.
Аурулар. iPhone құрылғысы немесе жарқылдар әсер етеді деп ойлайтын ауруларыңыз болса немесе белгілерін байқасаңыз (мысалы, ұстамалы аурулар, құлақ естімеу, көздің шаршауы немесе бас ауру), iPhone құрылғысын пайдаланбастан бұрын дәрігерге қаралыңыз.
Жарылысқа қауіпті және басқа атмосфералық жағдайлар. iPhone құрылғысын жанғыш химиялық заттардың, газдардың немесе бөлшектердің (дән, шаң немесе металл ұнтақтары сияқты) жоғары мөлшері бар аймақтар сияқты ықтимал жарылысқа қауіпті орталарда зарядтау немесе пайдалану қауіпті болуы мүмкін. iPhone құрылғысын өндірістік химиялық заттардың жоғары концентрациясы бар орталарға, соның ішінде гелий сияқты буланған, сұйытылған газдарға жақын қою iPhone құрылғысының функционалдығын зақымдауы немесе нашарлатуы мүмкін. Барлық таңбалар мен нұсқауларға жүгініңіз.
Қайталанатын қимыл. iPhone құрылғысында теру, сырғыту немесе ойындар ойнау сияқты қайталанатын әрекеттерді орындағанда, қолдарыңызда, білектеріңізде, білезіктеріңізде, иықтарыңызда, мойныңызда немесе денеңіздің басқа бөліктерінде қолайсыздықты сезінуіңіз мүмкін. Қолайсыздықты сезінсеңіз, iPhone құрылғысын пайдалануды тоқтатып, дәрігерге қаралыңыз.
Маңыздылығы жоғары әрекеттер. Бұл құрылғы құрылғының ақаулығы өлімге, адамның жарақаттануына немесе қатты қоршаған орта зақымына әкелуі мүмкін жерлерде пайдалануға арналмаған.
Тұншығу қаупі. Кейбір iPhone керек-жарақтары кішкентай балаларға тұншығу қаупін тудыруы мүмкін. Бұл керек-жарақтарды кішкентай балалардан алыс сақтаңыз.
Аустралиялық тұтынушылар үшін Онлайн қауіпсіздік ресурстары веб-сайтын қараңыз.