Përdorimi i VoiceOver në aplikacione në iPhone
Mund të përdorni VoiceOver për të bashkëvepruar me aplikacione si Maps, Camera, Photos, Voice Memos, Safari dhe të tjera edhe nëse nuk e shikoni ekranin.
Kryerja dha marrja e telefonatave në telefon me VoiceOver
Përdorni VoiceOver për të kryer e marrë telefonata.
Përgjigjja ose përfundimi i një thirrjeje: Prekni ekranin dy herë me dy gishta.
Kur një telefonatë lidhet me VoiceOver aktiv, sipas parazgjedhjes ekrani afishon tastierën numerike në vend që të tregojë opsionet e thirrjes.
Afishimi i opsioneve të thirrjes: Zgjidhni butonin Hide Keypad në këndin e poshtëm djathtas, pastaj prekni dy herë.
Afishimi sërish i tastierës numerike: Zgjidhni butonin Keypad pranë qendrës së ekranit, pastaj prekni dy herë.
Leximi i dokumenteve PDF në Apple Books ose Files me anë të VoiceOver
VoiceOver mund të lexojë informacion të detajuar - si p.sh. formularë, tabela dhe lista - në dokumentet PDF.
Shfletimi i internetit në Safari me anë të VoiceOver
Kërkimi në internet: Përzgjidhni fushën e kërkimit, prekeni dy herë për të nxjerrë tastierën, futni kërkimin tuaj, pastaj rrëshqitni djathtas ose majtas për të lëvizur poshtë ose lart listës së frazave të kërkuara të sugjeruara. Më pas prekni dy herë ekranin për të kërkuar uebin duke përdorur frazën e përzgjedhur.
Kapërcimi te elementi i faqes tjetër të një lloji të caktuar: Vendosni rotorin në llojin e elementit, si p.sh. titujt, lidhjet dhe kontrollet e formës, pastaj rrëshqitni lart ose poshtë.
Vendosja e cilësimeve të rotorit për shfletimin e uebit: Shkoni te Settings
> General > Accessibility > VoiceOver > Rotor. Prekni për të zgjedhur ose çzgjedhur cilësimet ose zvarrisni 
lart ose poshtë për të ripozicionuar një artikull.Kapërcimi i imazheve gjatë navigimit: Shkoni te Settings > General > Accessibility > VoiceOver > Navigate Images. Ju mund të zgjidhni të kapërceni të gjitha imazhet ose vetëm ato pa përshkrime.
Reduktimi i çrregullimit të faqes për lexim dhe navigim më të lehtë: Zgjidhni artikullin e Reader në fushën e adresës te Safari (nuk ofrohet për të gjitha faqet e internetit).
Lejoni që sajtet e uebit të personalizojnë sjelljen e tyre për teknologjitë ndihmëse: Shkoni te Settings > General > Accessibility > VoiceOver > Web, pastaj aktivizoni Accessibility Events. Ky cilësim mund të tregojë nëse një teknologji ndihmëse është aktive në telefonin tuaj iPhone.
Këshillë: Nëse çiftoni Magic Keyboard me iPhone, ju mund të përdorni komandat Quick Nav me një tast për të naviguar në faqet e uebit.
Leximi i ekuacioneve matematike me anë të VoiceOver
VoiceOver mund të lexojë ekuacione matematikore në ueb (të koduara me MathML) dhe në aplikacionet e mbështetura të Apple si p.sh. Numbers dhe Keynote.
Dëgjimi i një ekuacioni: Caktoni që VoiceOver të lexojë tekst si zakonisht. VoiceOver thotë “math” përpara se të fillojë të lexojë një ekuacion.
Eksplorimi i ekuacionit: Prekni dy herë ekuacionin e përzgjedhur për ta shfaqur në ekran të plotë dhe lëvizni përmes elementëve të tij një nga një. Rrëshqitni majtas ose djathtas për të lexuar elementët e ekuacionit. Përdorni rotorin për të zgjedhur Symbols, Small Expressions, Medium Expressions ose Large Expressions, pastaj rrëshqitni lart ose poshtë për të dëgjuar elementin e radhës të asaj madhësie. Mund të vazhdoni të prekni dy herë elementin e përzgjedhur për të shkuar më në thellësi të ekuacionit për t'u fokusuar në elementin e zgjedhur, pastaj fshini për majtas ose djathtas, lart ose poshtë për të lexuar pjesët një nga një.
Ekuacionet që thuhen me VoiceOver mund të dalin gjithashtu në një pajisje Braille duke përdorur kodin Nemeth, si edhe kodet që përdoren nga Braille në anglishte të unifikuar, anglishte britanike, frëngjisht dhe greqisht. Shikoni Përdorimi i një ekrani Braille me VoiceOver në iPhone.
Orientimi në Maps me anë të VoiceOver
Te aplikacioni Maps, ju mund të përdorni VoiceOver për të eksploruar një rajon, për të shfletuar pikat e interesit, për të ndjekur rrugët, për të zmadhuar ose zvogëluar, për të zgjedhur një pineskë ose për të marrë informacion mbi një vendndodhje.
Për të kontrolluar se si harta monitoron vendndodhjen tuaj aktuale: Prekni dy herë
derisa të dëgjoni opsionin e monitorimit që dëshironi:Tracking on: Harta qendërzohet automatikisht në vendndodhjen tuaj aktuale.
Tracking on with heading: Harta qendërzohet automatikisht në vendndodhjen tuaj aktuale dhe rrotullohet në mënyrë që drejtimi nga jeni drejtuar të jetë në krye të ekranit. Në këtë regjim, iPhone thotë emrat e rrugëve dhe pikat e interesit ndërsa u afroheni atyre.
Tracking off: Harta nuk qendërzohet automatikisht në vendndodhjen tuaj aktuale.
Eksplorimi i hartës: Zvarrisni gishtin nëpër ekran ose rrëshqitni majtas ose djathtas për të shkuar te një artikull tjetër.
Zmadhimi ose zvogëlimi: Zgjidhni hartën, vendosni rotorin te Zoom, pastaj rrëshqitni poshtë ose lart me një gisht.
Panoramimi i hartës: Rrëshqitni me tre gishta.
Shfletimi i pikave të interesit: Vendosni rotorin te Points of Interest, pastaj rrëshqitni lart ose poshtë me një gisht.
Ndjekja e një rruge: Mbani gishtin poshtë te rruga, prisni derisa të dëgjoni “pause to follow", pastaj lëvizni gishtin përgjatë rrugës ndërsa dëgjoni tonin e udhëzimit. Toni ngrihet kur devijoni nga rruga.
Përzgjedhja e një pineske: Prekni një pineskë ose rrëshqitni majtas ose djathtas për të përzgjedhur pineskën.
Marrja e informacionit për një vendndodhje: Me një pineskë të përzgjedhur, prekni dy herë për të afishuar flamurin e informacionit. Rrëshqitni gishtin majtas ose djathtas për të përzgjedhur butonin More Info dhe pastaj prekni dy herë për të afishuar faqen e informacionit.
Përdorimi i Camera, Photos dhe Voice Memos me VoiceOver
Përdorni gjestet e VoiceOver për të marrë dhe për të redaktuar videot te Camera dhe regjistrimet te Voice Memo.
Ndërpritni ose vazhdoni një regjistrim: Prekni ekranin dy herë me dy gishta.
Shkurtimi i videos: Ndërsa shikoni një video në Photos, prekni dy herë ekranin për të shfaqur kontrollet e videos, pastaj zgjidhni fillimin ose fundin e instrumentit të shkurtimit. Pastaj, rrëshqitni lart për zhvendosje djathtas ose rrëshqitni poshtë për zhvendosje majtas. VoiceOver tregon sasinë e kohës që pozicioni aktual do të shkurtojë nga regjistrimi. Për të përfunduar shkurtimin, përzgjidhni Trim, pastaj prekni dy herë.
Shkurtimi i një memoje zanore: Zgjidhni memon te Voice Memos, prekni Edit, pastaj prekni Start Trimming. Zgjidhni fillimin ose përfundimin e përzgjedhjes, prekeni dy herë dhe mbajeni prekur, pastaj zvarriteni për ta përshtatur. VoiceOver tregon sasinë e kohës që pozicioni aktual do të shkurtojë nga regjistrimi. Prekni Play për të paraafishuar regjistrimin e shkurtuar. Kur e keni ashtu siç dëshironi, prekni Trim.