Magic Keyboard ကို iPhoneနှင့်ချိတ်ဆက်ခြင်း
သင့် iPhone တွင် စာသားထည့်သွင်းရန် Numeric Keypad ပါသည့် Magic Keyboard အပါအဝင် Magic Keyboard ကို အသုံးပြုနိုင်သည်။ Magic Keyboard သည် Bluetooth ကိုအသုံးပြု၍ iPhone ချိတ်ဆက်နိုင်သည်။
Magic Keyboard ချိတ်ဆက်ခြင်း
စာရိုက်ခလုတ်ခုံကို ပါဝါဖွင့်ပြီး သေချာအားသွင်းထားပါ။
iPhone တွင် Settings
> Bluetooth သို့သွားပါ၊ထို့နောက်Bluetooth ကိုဖွင့်ပါ။
Other Devices စာရင်းတွင် ပေါ်လာသည့် အခါ စက်ပစ္စည်းကို ရွေးချယ်ပါ။
မှတ်စု အကယ်၍ Magic Keyboard အခြားစက်ပစ္စည်းနှင့် ချိတ်ထားပြီးဆိုလျှင် အဆိုပါ Magic Keyboard ကို iPhone ဖြင့်မချိတ်ဆက်ခင် အဆိုပါ စက်ပစ္စည်းနှစ်ခုကို အချိတ်အဆက်ဖြုတ်ထားပါ။ အောက်ပါတို့မှတစ်ခုကိုလုပ်ဆောင်ပါ၊
iPhone၊ iPad သို့မဟုတ် iPod touchတွင်၊ Bluetooth စက်တစ်ခုကိုချိတ်ဆက်မှု ဖြတ်တောက်ခြင်း ကိုကြည့်ပါ။
macOS Ventura တွင်၊ Apple menu
> System Settings ကိုရွေးပါ၊ ဘေးဘက်တန်း ရှိ Bluetooth ကိုနှိပ်ပါ၊ ကိရိယာကို Control-click ပါ၊ ထို့နောက် Forget ကိုနှိပ်ပါ။macOS 12.5 သို့မဟုတ် အစောပိုင်းထွက်များတွင်၊ Apple menu > System Preferences ကိုရွေးပါ၊ Bluetooth ကိုနှိပ်ပါ၊ အဆိုပါ စက်ပစ္စည်းအမည်ကို Control-click ပါ၊ ထို့နောက် Remove နှိပ်ပါ။
Magic Keyboard ကို iPhone ဖြင့် ပြန်လည်ချိတ်ဆက်ခြင်း
ခလုတ်ကို Off သို့ နှိပ်လိုက်သည့်အခါ သို့မဟုတ် စာရိုက်ခလုတ်ခုံကို ရွှေ့လိုက်သည့်အခါ သို့မဟုတ် iPhone သည် Bluetooth မိသည့် အကွာအဝေးပြင်ပ- 33 ပေ (10မီတာ) ခန့်အကွာ သို့ရောက်သွားလျှင် Magic Keyboard သည် အဆက်အသွယ်ပြတ်သွားမည်။
ပြန်လည်ချိတ်ဆက်ရန် အဆိုပါခလုတ်ကို On သို့ ပြောင်းပါ သို့မဟုတ် စာရိုက်ခလုတ်ခုံနှင့် iPhone ကို အချိတ်အဆက်မိသည့် အကွာအဝေးတွင်း ပြန်ယူလာပြီး ကြိုက်သည့်ခလုတ်ခုံကို နှိပ်ပါ။