Sign in with Apple në iPhone

Me anë të Sign in with Apple, mund të identifikoheni në aplikacionet dhe faqet pjesëmarrëse të internetit përmes Apple ID suaj. Duke përdorur Apple ID për të konfiguruar dhe për t'u identifikuar nëpër llogari, nuk keni pse plotësoni formularë apo krijoni e mbani mend fjalëkalime të reja.

Sign in with Apple është menduar për t'ju respektuar privatësinë. Aplikacionet dhe faqet e internetit mund të kërkojnë vetëm për emrin dhe adresën tuaj të emailit për t'ju konfiguruar llogarinë, ndërsa Apple nuk ju gjurmon kur i përdorni.

Konfigurimi i një llogarie dhe identifikimi

Kur një aplikacion apo faqe pjesëmarrëse interneti ju kërkon të krijoni një llogari apo të identifikoheni për herë të parë, veproni si më poshtë:

Prekni Sign in with Apple.
Ndiqni udhëzimet në ekran.

Një aplikacion që shfaq një buton Sign in with Apple.

Disa aplikacione (dhe faqe interneti) nuk kërkojnë emër dhe adresë emaili. Në këto raste, thjesht autentikohuni me Face ID ose Touch ID (në varësi të modelit tuaj), pastaj nisni të përdorni aplikacionin.

Të tjera mund t'ju kërkojnë emrin dhe një adresë emaili për t'ju krijuar një llogari të personalizuar. Kur një aplikacion kërkon për informacione të tilla, Sign in with Apple shfaq emrin dhe adresën tuaj personale të emailit nga llogaria juaj Apple ID që të mund t'i shqyrtoni.

Për të modifikuar emrin, prekeni dhe pastaj përdorni tastierën për të kryer ndryshimet.

Për të përcaktuar një adresë emaili, kryeni një nga sa më poshtë:

Për të përdorur adresën personale të emailit: Prekni Share My Email.
Nëse keni disa adresa emaili të lidhura me Apple ID tuaj, zgjidhni adresën që dëshironi.
Për të fshehur adresën tuaj të emailit: Prekni Hide My Email.
Ky opsion ju bën të mundur marrjen e emaileve nga aplikacioni pa dhënë adresën tuaj personale të emailit. Kur zgjidhni këtë opsion, Apple krijon një adresë unike e të rastësishme për ju dhe çfarëdo emaili i dërguar nga aplikacioni drejt kësaj adrese i përcillet adresës suaj personale.

Pasi ta shqyrtoni informacionin dhe të zgjidhni një opsion emaili, prekni Continue, autentikohuni me Face ID ose Touch ID (në varësi të modelit tuaj), pastaj nisni përdorimin e aplikacionit.

Identifikimi për të hapur llogarinë tuaj

Pas konfigurimit të një llogarie me aplikacionin apo faqen e internetit duke përdorur Sign in with Apple, rëndom nuk keni pse identifikoheni më në të nga iPhone juaj. Por nëse qëllon t'ju kërkohet të identifikoheni (për shembull nëse jeni çidentifikuar nga ndonjë llogari), veproni si më poshtë:

Prekni Sign in with Apple.
Shqyrtoni Apple ID që shfaqet, pastaj prekni Continue.
Autentikohuni me Face ID ose Touch ID (në varësi të modelit tuaj).

Ndryshimi i adresës së përdorur për të përcjellë emailet

Nëse zgjodhët ta fshihni adresën tuaj të emailit kur krijuat një llogari, dhe nëse keni më shumë se një adresë të ndërlidhur me Apple ID tuaj, mund të ndryshoni adresën që do të marrë emailet e përcjella.

Shkoni te Settings > [emri juaj] > Name, Phone Numbers, Email > Forward To.
Zgjidhni një adresë tjetër emaili, pastaj prekni Done.

Ndryshoni cilësimet e Sign in with Apple për një aplikacion apo faqe interneti

Shkoni te Settings > [emri juaj] > Password and Security.
Prekni Apps Using Your Apple ID.
Zgjidhni një aplikacion, pastaj kryeni një nga më poshtë:
- Çaktivizimin e përcjelljes së emaileve: Çaktivizoni Forward To. Nuk do të merrni më emaile nga aplikacioni.
- Ndalimin e përdorimit të Sign in with Apple: Prekni Stop Using Your Apple ID. Mund t'ju kërkohet të krijoni një llogari të re herës tjetër që do të provoni të identifikoheni me aplikacionin.

Sign in with Apple funksionin edhe në pajisjet e tjera të tuaja - iPad, Apple Watch, Mac, Apple TV dhe iPod touch - kur jeni i identifikuar me të njëjtën Apple ID.

Për t’u identifikuar nga një aplikacion i Android, i Windows apo çfarëdo shfletuesi interneti, prekni Sign in with Apple, pastaj vendosni Apple ID dhe fjalëkalimin tuaj.

Sign in with Apple kërkon autentikim dyhapësh për Apple ID tuaj. Kjo ju mbron Apple ID, llogaritë e aplikacioneve dhe përmbajtjen e aplikacioneve tuaja. Për informacion si funksionon vërtetimi me dy faktorë, shihni artikullin e Ndihmës së Apple Vërtetimi me dy faktorë për Apple ID.

Për më shumë informacion, shihni artikullin e Apple Support Si të përdorni Sign in with Apple.

I dobishëm?

Udhëzuesi i përdorimit të iPhone

Sign in with Apple në iPhone

Konfigurimi i një llogarie dhe identifikimi

Identifikimi për të hapur llogarinë tuaj

Ndryshimi i adresës së përdorur për të përcjellë emailet

Ndryshoni cilësimet e Sign in with Apple për një aplikacion apo faqe interneti