iPhone တွင် Find My အတွင်း သူငယ်ချင်းတစ်ဦးကို တည်နေရာရှာခြင်း
သူငယ်ချင်းတစ်ယောက်မှ သူတို့၏နေရာကို သင့်နှင့်မျှဝေပါက မြေပုံပေါ်တွင် သူတို့ကိုရှာတွေ့ရန် Find My အက်ပ် ကို အသုံးပြုနိုင်သည်။
မှတ်စု သင်၏သူငယ်ချင်းများသည် သင်နှင့်ဘယ်လောက်အကွာအဝေးတွင် ရှိနေကြောင်း ကြည့်လိုလျှင် Precise Location for the Find My အက်ပ်ကို ဖွင့်ထားပါ။ iPhone တွင် သင်မျှဝေသည့် တည်နေရာအချက်အလက်များကို ထိန်းချုပ်ခြင်း ကိုကြည့်ပါ။

သူငယ်ချင်းတစ်ဦး၏တည်နေရာကိုမြင်တွေ့ရခြင်း
ဖန်သားပြင်အောက်ခြေရှိ People ကိုနှိပ်ကာ သင်ရှာချင်သည့် ပုဂ္ဂိုလ်အမည်ကိုနှိပ်ပါ။
သင့်သူငယ်ချင်းကို တည်နေရာရှာမည်ဆိုလျှင်၊ ၎င်းတို့ရှိနေသည့်နေရာကိုမြင်နိုင်ရန် မြေပုံတွင် ပေါ်လာမည်။
သင့်သူငယ်ချင်းကို တည်နေရာရှာမရလျှင်၊ ၎င်းတို့အမည်အောက်တွင် “No location found” ကိုမြင်တွေ့ရမည်။
သူငယ်ချင်းကို သင်က အစဉ်မပြတ်ကြည့်ရှုခြင်းမလုပ်ထားလျှင်၊ ၎င်းတို့အမည်အောက်တွင် “Can see your location” ကိုမြင်တွေ့ရမည်။ သင်သည် သူငယ်ချင်း၏တည်နေရာတစ်ခုကို ကြည့်ရန် တောင်းခံနိုင်သည်။
သင်နှင့် ၎င်းတို့၏တည်နေရာကို မျှဝေထားသော သူငယ်ချင်းတစ်ယောက်ကို Siri အားရှာဖွေခိုင်းစေနိုင်သည်။
Siri၊ ထိုကဲ့သို့တစ်ခုခုပြောပါ၊ “Where’s Gordon?” Siri အားတောင်းဆိုပုံကိုလေ့လာခြင်း။
သူငယ်ချင်းတစ်ဦးကို ဆက်သွယ်ခြင်း
ဖန်သားပြင်အောက်ခြေရှိ People ကိုနှိပ်ကာ သင်ဆက်သွယ်ချင်သည့်ပုဂ္ဂိုလ်အမည်ကိုနှိပ်ပါ။
Contact ကိုနှိပ်၍ သင့်သူငယ်ချင်းကိုဆက်သွယ်လိုသည့်နည်းလမ်းကိုရွေးချယ်ပါ။ iPhone တွင် ဆက်သွယ်မှုအချက်အလက်များကိုထည့်သွင်း အသုံးပြုခြင်း ကိုကြည့်ပါ။
သူငယ်ချင်းတစ်ဦးထံသို့ လမ်းညွှန်ချက်ရယူခြင်း
Maps အက်ပ် တွင် သူငယ်ချင်း၏လက်ရှိတည်နေရာသို့ လမ်းညွှန်ရယူနိုင်သည်။
ဖန်သားပြင်အောက်ခြေရှိ People ကိုနှိပ်ကာ သင်လမ်းညွှန်ချက်ရလိုသည့် ပုဂ္ဂိုလ်၏အမည်ကို နှိပ်ပါ။
Maps ကိုဖွင့်ရန် Directions ကိုနှိပ်ပါ။
Maps တွင် လမ်းညွှန်းချက်များကိုရယူခြင်း ကိုကြည့်ပါ။
သူငယ်ချင်းတစ်ယောက်တည်နေရာအတွက် အညွှန်းဖော်ပြချက်စီမံခြင်း
သူငယ်ချင်း၏လက်ရှိတည်နေရာအတွက် ပိုအဓိပ္ပာယ်ရှိစေရန် အညွှန်းတစ်ခုစီမံနိုင်သည် (Home သို့မဟုတ် Work ကဲ့သို့)။ ထိုတည်နေရာတွင်ရှိနေစဉ် သင့်သူငယ်ချင်းအမည်အောက်တွင် အညွှန်းပေါ်လာမည်။
ဖန်သားပြင်အောက်ခြေရှိ People ကိုနှိပ်ကာ သင်အညွှန်းစီမံချက်ပြုလုပ်လိုသည့် ပုဂ္ဂိုလ်အမည်ကိုနှိပ်ပါ။
Edit Location Name ကိုနှိပ်၍ အညွှန်းတစ်ခုကိုရွေးပါ။
အညွှန်းအသစ်တစ်ခုထည့်သွင်းရန် Add Custom Label ကို နှိပ်ပြီး နာမည်တစ်ခုကို ထည့်ပါ၊ ထို့နောက် Done ကိုနှိပ်ပါ။
နှစ်သက်သောသူငယ်ချင်းများကို မှတ်သားခြင်း
People စာရင်းထိပ်ဆုံးတွင် နှစ်သက်သောသူငယ်ချင်းများပေါ်လာမည်ဖြစ်ပြီး ကြယ်ဖြင့်အမှတ်အသားဖော်ပြသည်။
ဖန်သားပြင်အောက်ခြေရှိ People ကိုနှိပ်ကာ နှစ်သက်သူအဖြစ် သင်မှတ်သားလိုသည့်ပုဂ္ဂိုလ်ကိုရှာပါ။
အောက်ပါတို့မှတစ်ခုကိုလုပ်ဆောင်ပါ၊
ထိုသူ၏အမည်ကိုနှိပ်၍ Add [name] to Favorites ကိုနှိပ်ပါ။
ထိုလူ၏အမည်အပေါ်မှ ဘယ်ဘက်သို့ပွတ်ဆွဲ၍ ကြယ်ကိုနှိပ်ပါ။
သင့် Favorites စာရင်းမှ သူငယ်ချင်းတစ်ဦးကိုဖယ်ရှားရန် ဘယ်ဘက်သို့ဆွဲရွှေ့၍ ကြယ်ကို နှိပ်ပါ၊ သို့မဟုတ် သူငယ်ချင်းကိုနှိပ်ပါ၊ ပြီးလျှင် Remove [name] from Favorites ကိုနှိပ်ပါ။