iPhone တွင် Siri Shortcuts ကိုထည့်သွင်းခြင်း
တချို့အက်ပ်များက သင်မကြာခဏလုပ်သည့်အရာများအတွက် shortcut များသုံးခွင့်ပြုသည်။ သင့်အသံဖြင့်ပင် ထိုအလွယ်သုံးပုံစံများကိုစတင်ရန် Siri ကိုသုံးနိုင်သည်။ ဥမာအားဖြင့် Siri ကို သင်က “Where am I going next?” ဟုမေးမြန်းသည့်အခါ ခရီးသွားအက်ပ်တစ်ခုက သင်အတွက် နောက်လာမည့် ခရီးစဉ်အကြောင်း ကြည့်ခွင့်ပေးမည်။
အကြံပြုထားသည့် အလွယ်သုံးပုံစံတစ်ခုပေါင်းထည့်ခြင်း
အလွယ်သုံးပုံစံတစ်ခုသုံးရန် အကြံပြုချက်ကိုတွေ့ရသည့်အခါ Add to Siri နှိပ်၍ ဖန်သားပြင်တွင် ပေါ်လာသည့် ညွှန်ကြားချက်များအတိုင်း လိုက်နာဆောင်ရွက်ကာ အလွယ်သုံးပုံစံကိုဆောင်ရွက်စေရန် စကားစုတစ်ခုကို ရွေးချယ်အသံသွင်းပါ။
Siri ကိုအသုံးပြုထားသည့် အလွယ်သုံးပုံစံအသစ်တစ်ခုဖန်တီးရန်၊ သို့မဟုတ် Siri အလွယ်သုံးပုံစံများကို စီမံရန်၊ မှတ်တမ်းယူရန်သို့မဟုတ် ဖျက်ရန်လည်း Shortcuts အက်ပ်ကို အသုံးပြုနိုင်သည်။ Shortcuts သုံးစွဲသူလမ်းညွှန် ကိုကြည့်ပါ။
အလွယ်သုံးပုံစံတစ်ခုကို အသုံးပြုခြင်း၊
Siri ကိုခေါ်ပြီး ထိုအလွယ်သုံးပုံစံအတွက် သင်၏စကားစုတစ်ခုကိုပြောပါ။ iPhone ရှိ Siri ကိုတောင်းဆိုခြင်း ကိုကြည့်ပါ။
Siri သည် သင်၏နေ့စဉ်လှုပ်ရှားမှုနှင့် အက်ပ်များကို သင်အသုံးပြုပုံတို့ကို အခြေခံ၍လည်းကောင်း သင်ရှာဖွေမှုတစ်ခု ပြုလုပ်သည့်အခါတွင်လည်းကောင်း အလွယ်သုံးပုံစံများကို Home ဖန်သားပြင်၊ ပိတ်ထားသည့်ဖန်သားပြင်တွင် ဖော်ပြအကြံပြုသည်။ အက်ပ်တစ်ခုအတွက် အလွယ်သုံးပုံစံ အကြံပြုချက်များကိုပိတ်ရန် သီးခြားအက်ပ်တစ်ခုအတွက် Siri ချိန်ညှိမှုကိုပြောင်းလဲခြင်းကိုကြည့်ပါ။