iPhone құрылғысына арналған Qi куәлігі бар сымсыз зарядтау құрылғылары
iPhone құрылғысын Qi куәлігі бар зарядтағыш (бөлек сатылады) арқылы сымсыз зарядтауға болады. AirPods құлаққаптарын зарядтау үшін Qi куәлігі бар зарядтау құрылғысын пайдалануыңызға болады.
iPhone құрылғысын немесе AirPods құлаққаптарын Qi куәлігі бар зарядтау құрылғысымен сымсыз зарядтау
Зарядтау құрылғысын қуат көзіне қосыңыз. Зарядтау құрылғыңызбен келген қуат адаптерін немесе өндіруші ұсынған қуат адаптерін пайдаланыңыз.
Келесі әрекеттердің біреуін орындаңыз:
iPhone: iPhone құрылғысын бетін жоғары қаратып зарядтау құрылғысының ортасына қойыңыз. iPhone құрылғысы зарядтау құрылғысымен дұрыс тураланғанда,
белгішесі күй жолағында пайда болады.
AirPods 2 (Сымсыз зарядтау қабы бар), AirPods 3, AirPods 4 (Белсенді шуды басу функциясы бар) және AirPods Pro: AirPods құлаққаптарыңызды зарядтау қорабына орналастырыңыз, қақпақты жабыңыз, одан кейін қорапты күй шамын жоғары қаратып зарядтау құрылғысының ортасына орналастырыңыз. Қорап зарядтау құрылғысымен дұрыс тураланған кезде, күй шамы бірнеше секунд бойы жанады, одан кейін зарядтау жалғасып жатқанда өшеді.
iPhone құрылғыңызды сымсыз зарядтау жолы және AirPods құлаққаптарыңызды зарядтау және аккумулятордың қызмет мерзімі туралы мәліметтер алу атты Apple қолдау көрсету қызметінің мақалаларын қараңыз.