iPhone құрылғысында пернетақталарды қосу немесе өзгерту

Емлені тексеру сияқты теру мүмкіндіктерін қосуыңызға немесе өшіруіңізге; басқа тілдерде жазу үшін пернетақталарды қосуыңызға; және экрандағы немесе сымсыз пернетақтаңыздың орналасуын өзгертуіңізге болады.

Басқа тілдер үшін пернетақта қоссаңыз, пернетақталар арасында ауыспастан екі тілде тере аласыз. Пернетақтаңыз жиі пайдаланатын екі тіл арасында автоматты түрде ауысады. (Барлық тілдер үшін қолжетімді бола бермейді.)

Басқа тіл үшін пернетақта қосу немесе жою

Settings > General > Keyboard тармағына өтіңіз.
Keyboards түймесін түртіңіз, одан кейін келесі әрекеттердің кез келгенін орындаңыз:
- Пернетақта қосу: Add New Keyboard түймесін түртіңіз, одан кейін тізімнен пернетақтаны таңдаңыз. Көбірек пернетақталар қосу үшін қайталаңыз.
- Пернетақтаны жою: Edit түймесін түртіңіз, жою қажет пернетақтаның жанындағы түймесін түртіңіз, Delete түймесін, одан кейін Done түймесін түртіңіз.
- Пернетақталар тізіміңізді өзгерту: Edit түймесін түртіңіз, пернетақтаның жанындағы белгішесін тізімдегі жаңа орынға сүйреңіз, одан кейін Done түймесін түртіңіз.

Басқа тіл үшін пернетақта қоссаңыз, сәйкес тіл Preferred Language Order тізіміне автоматты түрде қосылады. Осы тізімді қарауыңызға және оған тілдерді тікелей Settings > General > Language & Region тармағында қосуыңызға болады. Қолданбалар мен веб-тораптардың мәтінді көрсету жолын өзгерту үшін тізімді қайта реттеуіңізге де болады.