iCloud деректеріңіз үшін «Кеңейтілген деректер қорғанысы» мүмкіндігін пайдалану
Әдепкі бойынша, iCloud ақпаратыңызды тасымалдау кезінде оны шифрлау, оны шифрланған пішімде сақтау және Apple деректер орталықтарында шифрлау кілттеріңізді қорғау арқылы қорғайды. Сонымен қатар, көптеген Apple қызметтері өтпелі шифрлауды пайдаланады; ақпаратыңыз құрылғыларыңыздан алынған кілттер және тек өзіңіз білетін құрылғы құпия коды арқылы шифрланады.
Бұлтты деректер қауіпсіздігінің ең жоғары деңгейі үшін «Кеңейтілген деректер қорғанысын қосу» параметрін қосуыңызға болады (iPadOS 16.2 немесе одан кейінгі жүйе қажет). Ол келесі сияқты көптеген деректер санаттарында өтпелі шифрлауды пайдаланады:
Құрылғыны сақтық көшірмелеу
Хабарларды сақтық көшірмелеу
iCloud Drive
Ескертпелер
Фотолар
Еске салғыш
Safari бетбелгілері
Siri жылдам пәрмендері
Дауыстық жазбалар
Wallet карталары
«Кеңейтілген деректер қорғанысы» арқылы қорғалған деректеріңіздің шифрын тек сенімді құрылғыларыңызда шешуге болады, бұл бұлтта деректер бұзылған жағдайда да ақпаратыңызды қорғайды. Ақпаратыңызды тіпті Apple коропрациясы да аша алмайды.
«Кеңейтілген деректер қорғанысы» мүмкіндігін пайдалануға арналған талаптар туралы толық ақпаратты «Кеңейтілген деректер қорғанысы» мүмкіндігін iCloud үшін қосу жолы атты Apple қолдау көрсету сервисінің мақаласын қараңыз.
«Кеңейтілген деректер қорғанысын қосу» параметрін қосыңыз
«Реттеулер» > [атыңыз] > «iCloud» тармағына өтіңіз, одан кейін «Кеңейтілген деректер қорғанысы» параметрін түртіңіз.
«Кеңейтілген деректер қорғанысын қосу» параметрін түртіңіз.
«Қалпына келтіру контактісі» немесе «Қалпына келтіру кілті» параметрін орнатпаған болсаңыз, «Аккаунтты қалпына келтіру» түймесін түртіңіз, «Аккаунт қалпына келтіруді орнату» параметрін түртіңіз, одан кейін экрандағы нұсқауларды орындаңыз.
ЕСКЕРТУ: «Кеңейтілген деректер қорғанысы» мүмкіндігін пайдалансаңыз, деректеріңізді қалпына келтіруге өзіңіз жауаптысыз. Apple корпорациясында деректеріңізді қалпына келтіру үшін қажетті кілттер болмағандықтан, тіркелгіңізде «Қалпына келтіру контактісі» немесе «Қалпына келтіру кілті» орнатылған болуы керек. Құпия сөзді ұмытып қалсаңыз немесе тіркелгіңізге кіру мүмкіндігін жоғалтсаңыз, деректеріңізге қатынау рұқсатына қайта қол жеткізу үшін осы қосымша қалпына келтіру әдістерін пайдалана аласыз.
«Кеңейтілген деректер қорғанысы» мүмкіндігін кейінірек өшіруді таңдасаңыз, iCloud деректеріңіз қауіпсіздіктің стандартты деңгейіне қайтады.