നിങ്ങളുടെ കുട്ടിയുടെ ഡിവൈസിലെ രക്ഷാകർതൃ നിയന്ത്രണങ്ങൾ വീക്ഷിക്കൂ
നിങ്ങളുടെ കുട്ടിയുടെ Apple ഡിവൈസുകൾ രക്ഷാകർതൃ നിയന്ത്രണങ്ങളോടെയാണ്* വരുന്നത്, അവർ അത് എപ്പോൾ ഉപയോഗിക്കണം, അവർക്ക് എന്തെല്ലാം കാണുകയും ഡൗൺലോഡ് ചെയ്യുകയും ചെയ്യാം, പിന്തുണയുള്ള ആപ്പുകളിലും സേവനങ്ങളിലും അവർക്ക് ആരുമായെല്ലാം ആശയവിനിമയം നടത്താം എന്നിവ തീരുമാനിക്കാൻ ഇത് നിങ്ങളെ സഹായിക്കും. നിങ്ങളുടെ സ്വന്തം iPhone, iPad അല്ലെങ്കിൽ Mac-ൽ നിന്ന് നിങ്ങൾക്ക് രക്ഷാകർതൃ നിയന്ത്രണങ്ങൾ സജ്ജമാക്കാനും മാനേജ് ചെയ്യാനും കഴിയും. നിങ്ങളുടെ പിന്തുണയ്ക്കുന്ന രക്ഷാകർതൃ നിയന്ത്രണ ക്രമീകരണങ്ങൾ നിങ്ങളുടെ കുട്ടിയുടെ എല്ലാ ഡിവൈസുകളിലേക്കും, ഓരോ ഡിവൈസിലെയും ഫീച്ചർ ലഭ്യതയെ ആശ്രയിച്ച്, ഓട്ടോമാറ്റിക്കായി സിങ്ക് ചെയ്യുന്നു.
കുറിപ്പ്: നിങ്ങൾ തുടങ്ങുന്നതിന് മുമ്പ്, നിങ്ങളുടെ കുടുംബ പങ്കിടൽ ഗ്രൂപ്പിൽ നിങ്ങളുടെ കുട്ടിക്ക് അവരുടേതായ ചൈൽഡ് അക്കൗണ്ട് ആവശ്യമാണ്, അതുവഴി നിങ്ങളുടെ സ്വന്തം ഡിവൈസിൽ നിന്ന് അവരുടെ ഡിവൈസ് ക്രമീകരണങ്ങൾ നിങ്ങൾക്ക് മാനേജ് ചെയ്യാം. നിങ്ങളുടെ കുട്ടിയുടെ പ്രായത്തെ അടിസ്ഥാനമാക്കി ചില രക്ഷാകർതൃ നിയന്ത്രണങ്ങൾ ഡിഫോൾട്ടായി ഓണായിരിക്കും. നിങ്ങളുടെ കുട്ടിക്കായി ആദ്യമായി ഒരു iPhone അല്ലെങ്കിൽ iPad, Mac, അല്ലെങ്കിൽ Apple Watch നിങ്ങൾ സജ്ജമാക്കുകയാണെങ്കിൽ, അല്ലെങ്കിൽ രക്ഷാകർതൃ നിയന്ത്രണങ്ങൾ സജ്ജമാക്കുകയാണെ കിൽ, സജ്ജമാക്കൽ പ്രക്രിയയിലൂടെ നിങ്ങളെ നയിക്കും.
അവർക്ക് എപ്പോൾ അവരുടെ ഡിവൈസ് ഉപയോഗിക്കാമെന്നത് തിരഞ്ഞെടുക്കൂ
ആപ്പുകൾ എപ്പോൾ ലഭ്യമാകണമെന്നത് സജ്ജമാക്കാൻ ‘ഷെഡ്യൂളുകൾ’ നിങ്ങളെ അനുവദിക്കുന്നു, കുട്ടിക്ക് എത്രനേരം അവ ഉപയോഗിക്കാമെന്നത് സജ്ജമാക്കാൻ ‘സമയ അലവൻസുകൾ’ അനുവദിക്കുന്നു. ‘വിനോദം’, ‘ഗെയിമുകൾ’, ‘സോഷ്യൽ മീഡിയ’ തുടങ്ങിയ വിഭാഗങ്ങൾക്കായി നിങ്ങൾക്ക് അലവൻസുകൾ സജ്ജമാക്കാം. കുട്ടികളുടെ വികസന വിദഗ്ധരിൽ നിന്നുള്ള പ്രായത്തെ അടിസ്ഥാനമാക്കിയുള്ള മാർഗനിർദേശം തീരുമാനമെടുക്കാൻ നിങ്ങളെ സഹായിക്കുന്നു. എപ്പോഴും അനുവദിക്കുന്ന ആപ്പുകളും കോൺടാക്റ്റുകളും എല്ലാ സമയത്തും ലഭ്യമായി തുടരുന്നു.
അവർക്ക് എന്ത് ആക്സസ് ചെയ്യാം എന്ന് തിരഞ്ഞെടുക്കൂ
ശ്രദ്ധയോടെ തിരഞ്ഞെടുത്ത കുറച്ച് ആപ്പുകളും വെബ്‌സൈറ്റുകളും ഉപയോഗിച്ച് കുട്ടിയെ തുടങ്ങാൻ സഹായിക്കാം, കുട്ടി തയ്യാറാകുമ്പോൾ കൂടുതൽ ചേർക്കാം ‘വാങ്ങാൻ ആവശ്യപ്പെടൂ’ എന്നതും ‘ബ്രൗസ് ചെയ്യാൻ ചോദിക്കൂ’ എന്നതും ഉപയോഗിച്ച്, നിങ്ങളുടെ കുട്ടി പുതിയ എന്തെങ്കിലും വാങ്ങുകയോ ഡൗൺലോഡ് ചെയ്യുകയോ ചെയ്യുന്നതിന് മുൻപ് അല്ലെങ്കിൽ Safari-യിൽ ഒരു പുതിയ വെബ്സൈറ്റ് സന്ദർശിക്കുന്നതിന് മുൻപ് ചോദിക്കുന്നു. ഏതൊരു അഭ്യർഥനയും ‘സന്ദേശങ്ങളി’ൽ നിങ്ങൾക്ക് ലഭിക്കും, അംഗീകരിക്കുന്നതിന് മുമ്പ് നിങ്ങൾക്കത് അവലോകനം ചെയ്യാം. Apple മീഡിയ സേവനങ്ങളിൽ നിങ്ങൾക്ക് സിനിമകൾ, സംഗീതം, പുസ്തകങ്ങൾ എന്നിവയ്ക്കും മറ്റും പ്രായത്തെ അടിസ്ഥാനമാക്കിയുള്ള നിയന്ത്രണങ്ങൾ സജ്ജമാക്കാനും കഴിയും.
പിന്തുണയുള്ള ആപ്പുകളിൽ അവർക്ക് ആരുമായെല്ലാം ആശയവിനിമയം നടത്താമെന്ന് തിരഞ്ഞെടുക്കൂ
നിങ്ങളുടെ കുട്ടിക്ക് ആരെയെല്ലാം വിളിക്കാമെന്നും ആർക്കെല്ലാം സന്ദേശമയയ്ക്കുകയും FaceTime ചെയ്യുകയും ചെയ്യാമെന്നും തീരുമാനിക്കൂ, കൂടാതെ പുതിയ ഒരാളുമായി കണക്റ്റ് ചെയ്യുന്നതിന് മുൻപ് ചോദിക്കേണ്ട വിധത്തിൽ ക്രമീകരിക്കൂ. നിങ്ങളുടെ കുട്ടി കാണുന്നതിനോ അയയ്ക്കുന്നതിനോ മുൻപ്, പങ്കിട്ട ഫോട്ടോകളിലും വീഡിയോകളിലും കണ്ടെത്തിയ നഗ്നതയോ രക്തച്ചൊരിച്ചിലോ ‘ആശയവിനിമയ സുരക്ഷ’ ബ്ലർ ചെയ്യുകയും സഹായം നേടാനുള്ള വഴികളിലേക്ക് അവരെ നയിക്കുകയും ചെയ്യുന്നു.
നിങ്ങളുടെ കുട്ടിക്ക് അവരുടെ ഡിവൈസിൽ ആരെല്ലാമായി ആശയവിനിമയം നടത്താമെന്ന് തിരഞ്ഞെടുക്കൂ
നിങ്ങളുടെ കുട്ടിയുടെ ഡിവൈസിൽ സെൻസിറ്റീവായ ഇമേജുകളും വീഡിയോകളും ഉണ്ടോയെന്ന് പരിശോധിക്കൂ
അവരുടെ പ്രവർത്തനം നിരീക്ഷിച്ച് ക്രമപ്പെടുത്തലുകൾ വരുത്തൂ
നിങ്ങളുടെ കുട്ടി അവരുടെ ഡിവൈസ് എങ്ങനെ ഉപയോഗിക്കുന്നു എന്നതിനെക്കുറിച്ചും അവർ ഏറ്റവും കൂടുതൽ ഉപയോഗിക്കുന്ന ആപ്പുകൾ ഏതൊക്കെയാണെന്നതിനെക്കുറിച്ചുമുള്ള പ്രതിവാര സമ്മറി കാണൂ. നിങ്ങളുടെ കുടുംബത്തിന്റെ ആവശ്യങ്ങൾ മാറുകയാണെങ്കിൽ, നിങ്ങൾക്ക് ഡിവൈസ് ഉപയോഗം വേഗത്തിൽ പോസ് ചെയ്യാനോ, പരിധിയില്ലാത്ത ഡിവൈസ് ഉപയോഗം അനുവദിക്കാനോ, അവരുടെ ഷെഡ്യൂൾ ക്രമപ്പെടുത്താനോ കഴിയും.
നിങ്ങളുടെ കുട്ടിയുടെ ‘സ്ക്രീൻ സമയ’ പ്രവർത്തനം പരിശോധിക്കൂ
നിങ്ങളുടെ കുട്ടിയുടെ ‘സ്ക്രീൻ സമയ’ ക്രമീകരണങ്ങൾ വേഗത്തിൽ ക്രമപ്പെടുത്തൂ
ഇനിയും കൂടുതൽ രക്ഷാകർതൃ നിയന്ത്രണങ്ങൾ
ഫീച്ചറുകളും മാറ്റങ്ങളും ബ്ലോക്ക് ചെയ്യൂ Siri, Apple Intelligence അല്ലെങ്കിൽ AirDrop പോലുള്ള ബിൽറ്റ്-ഇൻ ഫീച്ചറുകളിൽ ഏതാണ് നിങ്ങളുടെ കുട്ടിക്ക് ഉപയോഗിക്കാനാവുക എന്ന് തിരഞ്ഞെടുക്കുകയും അവരുടെ അക്കൗണ്ട് വിശദാംശങ്ങൾ പോലുള്ള ക്രമീകരണങ്ങൾ മാറ്റുന്നതിൽ നിന്ന് അവരെ തടയുകയും ചെയ്യൂ. | ഒരു ‘സ്ക്രീൻ സമയ’ പാസ്കോഡ് സജ്ജീകരിക്കൂ നിങ്ങളുടെ കുട്ടി അവരുടെ രക്ഷാകർതൃ നിയന്ത്രണങ്ങൾ മാറ്റുന്നത് തടയുന്ന ഒരു പാസ്കോഡ് സജ്ജമാക്കൂ, നിങ്ങൾ അത് മറന്നുപോയാൽ റീസെറ്റ് ചെയ്യൂ. |
Apple Cash, Apple Card കുടുംബം സജ്ജീകരിക്കൂ Apple Cash ഉപയോഗിച്ച് നിങ്ങളുടെ കുട്ടിക്കായി പണം അയയ്ക്കൂ, കൂടാതെ അവർ മാനേജ് ചെയ്യാൻ പഠിക്കുന്നതനുസരിച്ച് ചെലവഴിക്കൽ പരിധികൾ സജ്ജമാക്കൂ. നിങ്ങളുടെ Apple Card-ലേക്ക് മുതിർന്ന കുട്ടികളെ ചേർക്കൂ, തുടർന്ന് അവരുടെ ബാലൻസും അടുത്തിടെയുള്ള ചാർജുകളും പരിശോധിക്കൂ. നിങ്ങളുടെ കുട്ടിക്കായി ‘Apple Cash കുടുംബ’വും ‘Apple Card കുടുംബ’വും സജ്ജീകരിക്കൂ | ആപ്പുകളുമായി നിങ്ങളുടെ കുട്ടിയുടെ പ്രായപരിധി പങ്കിടൂ പ്രായത്തിനനുയോജ്യമായ അനുഭവങ്ങൾ ലഭിക്കാൻ നിങ്ങളുടെ കുട്ടിയെ സഹായിക്കുന്നതിനായി പങ്കെടുക്കുന്ന മൂന്നാം കക്ഷി ആപ്പുകളുമായി അവരുടെ പ്രായപരിധികൾ പങ്കിടൂ. |
Apple Watch-ൽ ‘സ്കൂൾസമയം’ സജ്ജീകരിക്കൂ നിങ്ങളുടെ കുട്ടിയെ ശ്രദ്ധ കേന്ദ്രീകരിക്കാൻ സഹായിക്കുന്നതിന് സ്കൂൾ സമയത്തോ നിങ്ങൾ തിരഞ്ഞെടുക്കുന്ന മറ്റ് സമയങ്ങളിലോ അവരുടെ Apple Watch-ൽ ചെയ്യാൻ കഴിയുന്ന കാര്യങ്ങൾ പരിമിതപ്പെടുത്തൂ. നിങ്ങൾക്ക് നിങ്ങളുടെ കുട്ടിയുടെ Apple Watch ക്രമീകരണങ്ങൾ മാറ്റുകയും ചെയ്യാം. | നിങ്ങളുടെ കുട്ടിയുടെ Apple Watch ആരോഗ്യ റിപ്പോർട്ടുകൾ പരിശോധിക്കൂ നിങ്ങളുടെ കുട്ടിയുടെ അനുമതിയോടെ, കേൾവിശക്തി, വെയിൽകൊണ്ട സമയം, ഹൃദയസ്പന്ദന നിരക്ക് എന്നിവ പോലുള്ള അവരുടെ ആരോഗ്യ പ്രവർത്തനം കാണൂ. നിങ്ങൾക്ക് അവരുടെ ആരോഗ്യ വിവരങ്ങളും ചേർക്കാം, കൂടാതെ അടിയന്തര കോൺടാക്റ്റുകളോടൊപ്പം ഒരു മെഡിക്കൽ ഐഡി സജ്ജീകരിക്കുകയും ചെയ്യാം. |