നിങ്ങളുടെ കുട്ടിയുടെ ഡിവൈസിൽ രക്ഷാകർതൃ നിയന്ത്രണങ്ങൾ സജ്ജീകരിക്കൂ

iOS 27, iPadOS 27, macOS 27, watchOS 27 എന്നിവ നിങ്ങളുടെ കുട്ടിയുടെ ഡിവൈസുകൾ മാനേജ് ചെയ്യാനുള്ള പുതിയ മാർഗങ്ങളോടെ പുനർരൂപകൽപ്പന ചെയ്ത രക്ഷാകർതൃ നിയന്ത്രണങ്ങൾ* അനുഭവം പ്രദാനം ചെയ്യുന്നു. നിങ്ങളും നിങ്ങളുടെ കുടുംബവും നിങ്ങളുടെ ഡിവൈസുകൾ അപ്ഡേറ്റ് ചെയ്ത ശേഷം, ഓരോ കുട്ടിക്കുമുള്ള ഒരു ചെറിയ സജ്ജീകരണത്തിലൂടെ നിങ്ങളെ നയിക്കും. നിങ്ങൾ മുൻപ് സജ്ജീകരിച്ച രക്ഷാകർതൃ നിയന്ത്രണങ്ങൾ റിവ്യൂ ചെയ്യുകയും മാറ്റങ്ങൾ വരുത്തുകയും, അല്ലെങ്കിൽ പുതുതായി രക്ഷാകർതൃ നിയന്ത്രണങ്ങൾ സജ്ജീകരിക്കുകയും ചെയ്യാം.

നിങ്ങളുടെ കുട്ടിക്കായി ഒരു ഡിവൈസ് ആദ്യമായി സജ്ജീകരിക്കുകയാണെങ്കിൽ, ഒരു iPhone, iPad, Mac, അല്ലെങ്കിൽ Apple Watch സജ്ജീകരിക്കൂ എന്നത് കാണൂ.

ആരംഭിക്കാനുള്ള ഓപ്ഷനുകളുള്ള രക്ഷാകർതൃ നിയന്ത്രണങ്ങൾ സജ്ജീകരിക്കാനുള്ള സ്ക്രീൻ.

ഘട്ടം 1: ആരംഭിക്കൂ

നിങ്ങളും നിങ്ങളുടെ കുടുംബവും നിങ്ങളുടെ ഡിവൈസുകൾ അപ്ഡേറ്റ് ചെയ്ത ശേഷം, നിങ്ങളുടെ കുട്ടിക്കായി രക്ഷാകർതൃ നിയന്ത്രണങ്ങൾ സജ്ജീകരിക്കാൻ നിങ്ങളെ ക്ഷണിക്കും. നിങ്ങളുടെ കുട്ടിക്ക് പര്യവേഷണം ചെയ്യാവുന്ന ആപ്പുകൾ, ഏതെല്ലാം കോൺടാക്റ്റുകളുമായി അവർക്ക് ആശയവിനിമയം നടത്താം, ആപ്പുകളും വെബ്സൈറ്റുകളും എപ്പോൾ ആക്സസ് ചെയ്യാം എന്നിവയും മറ്റും നിങ്ങൾക്ക് സജ്ജീകരിക്കാം.

തുടങ്ങാനായി ‘ആരംഭിക്കൂ’ ടാപ്പ് അല്ലെങ്കിൽ ക്ലിക്ക് ചെയ്യൂ. നിങ്ങൾക്ക് ഈ ഘട്ടങ്ങൾ ഇപ്പോൾ പൂർത്തിയാക്കാൻ കഴിയുന്നില്ലെങ്കിൽ, ‘കുടുംബ പങ്കിടൽ’ ക്രമീകരണം > (നിങ്ങളുടെ കുട്ടിയുടെ പേര്) എന്നതിലേക്ക് പോയി എപ്പോൾ വേണമെങ്കിലും നിങ്ങൾക്കത് ആരംഭിക്കാം.

ആപ്പുകളും വെബ്സൈറ്റുകളും പോലുള്ള ആക്സസ് ചെയ്യാവുന്ന ഉള്ളടക്കത്തിന്റെ തരത്തിനുള്ള ഓപ്ഷനുകൾ കാണിക്കുന്ന രക്ഷാകർതൃ നിയന്ത്രണങ്ങൾ സജ്ജീകരണ സ്ക്രീൻ.

ഘട്ടം 2: നിങ്ങളുടെ കുട്ടിക്ക് ഏതെല്ലാം ഉള്ളടക്കങ്ങൾ ആക്സസ് ചെയ്യാമെന്ന് തിരഞ്ഞെടുക്കൂ

നിങ്ങളുടെ കുട്ടിക്ക് ഏതെല്ലാം ആപ്പുകളും വെബ്സൈറ്റുകളും ഉള്ളടക്കങ്ങളും ഉപയോഗിക്കാൻ കഴിയുമെന്ന് തീരുമാനിക്കൂ. നിങ്ങൾക്ക് രണ്ട് ക്രമീകരണങ്ങൾ സെലക്റ്റ് ചെയ്യാം:

Safari-യിലെ അവരുടെ വെബ്സൈറ്റ് ആക്സസ് മാനേജ് ചെയ്യാൻ: ‘അംഗീകൃത വെബ്സൈറ്റുകൾ മാത്രം’, അല്ലെങ്കിൽ ‘ബ്രൗസ് ചെയ്യാൻ ചോദിക്കൂ’ എന്നിവ എനേബിൾ ചെയ്താൽ, Safari-യിൽ ഒരു പുതിയ സൈറ്റ് സന്ദർശിക്കുന്നതിന് മുൻപ് നിങ്ങളുടെ കുട്ടിക്ക് നിങ്ങളുടെ അനുമതി ആവശ്യമായിവരും. അനുമതി നൽകിയാൽ, ആ സൈറ്റ് ആക്സസ് ചെയ്യാവുന്നതായി തുടരും. ‘മുതിർന്നവർക്കുള്ള വെബ്സൈറ്റുകൾ പരിമിതപ്പെടുത്തൂ’ എന്നതിനൊപ്പം, മുതിർന്നവർക്കുള്ള നിരവധി വെബ്സൈറ്റുകളിലേക്കുള്ള ആക്സസ് പരിമിതപ്പെടുത്തുന്നു. അല്ലെങ്കിൽ നിങ്ങൾക്ക് ഇന്റർനെറ്റിലേക്ക് നിയന്ത്രണങ്ങളില്ലാത്ത ആക്സസ് നൽകാം.
കുറിപ്പ്: 13 വയസ്സിൽ താഴെ പ്രായമുള്ള കുട്ടികളുടെ ചൈൽഡ് അക്കൗണ്ടുകളിൽ ‘ബ്രൗസ് ചെയ്യാൻ ചോദിക്കൂ’ ഡിഫോൾട്ടായി ഓണായിരിക്കും. 18 വയസ്സിൽ താഴെ പ്രായമുള്ള കുട്ടികളുടെ ചൈൽഡ് അക്കൗണ്ടുകളിൽ ‘മുതിർന്നവർക്കുള്ള വെബ്സൈറ്റുകൾ പരിമിതപ്പെടുത്തൂ’ ഡിഫോൾട്ടായി ഓണായിരിക്കും. 13 വയസ്സിന് താഴെയുള്ള കുട്ടികൾക്ക് പുതിയ വെബ്സൈറ്റുകൾ ബ്രൗസ് ചെയ്യാൻ അഭ്യർഥിക്കേണ്ടതുണ്ട്, കൂടാതെ ബ്ലോക്ക് ചെയ്ത വെബ്സൈറ്റുകളെല്ലാം ബ്രൗസ് ചെയ്യാൻ 18 വയസ്സിന് താഴെയുള്ള കുട്ടികൾക്ക് അനുമതിയും വേണം. (പ്രായങ്ങൾ രാജ്യം അല്ലെങ്കിൽ പ്രദേശം അനുസരിച്ച് വ്യത്യാസപ്പെടാം.)
ഉള്ളടക്കത്തിലേക്കുള്ള അവരുടെ ആക്സസ് തിരഞ്ഞെടുക്കാൻ: ‘പുസ്തകങ്ങൾ’ ആപ്പ് പോലുള്ള Apple ആപ്പുകളിലൂടെ ലഭ്യമായ പുസ്തകങ്ങൾ, മൂവികൾ, TV ഷോകൾ, സംഗീതം എന്നിവയ്ക്കുള്ള പ്രായ റേറ്റിങ്ങുകൾ സജ്ജമാക്കൂ. ഉദാഹരണത്തിന്, നിങ്ങൾക്ക് ഒരു പ്രായ റേറ്റിങ് സെലക്റ്റ് ചെയ്യാം അല്ലെങ്കിൽ അനുചിതമായേക്കാവുന്ന ഉള്ളടക്കം ബ്ലോക്ക് ചെയ്യാം.
കുറിപ്പ്: 18 വയസ്സിൽ താഴെയുള്ള കുട്ടികളുടെ ‘ചൈൽഡ് അക്കൗണ്ടു’കളിൽ ‘പ്രായത്തെ അടിസ്ഥാനമാക്കിയുള്ള ഉള്ളടക്കവും സ്വകാര്യത നിയന്ത്രണങ്ങളും’ ഡിഫോൾട്ടായി ഓണാക്കിയിരിക്കും, മാത്രമല്ല എപ്പോൾ വേണമെങ്കിലും അവ ക്രമപ്പെടുത്താവുന്നതുമാണ്. (പ്രായം രാജ്യം അല്ലെങ്കിൽ പ്രദേശം അനുസരിച്ച് വ്യത്യാസപ്പെടാം.)