ನಿಮ್ಮ ಮಗುವಿಗಾಗಿ Mac ಅನ್ನು ಸೆಟಪ್ ಮಾಡುವುದು
ನಿಮ್ಮ ಮಗು ತಮ್ಮ ಸ್ವಂತ Mac ಅನ್ನು ಪಡೆಯುತ್ತಿರಲಿ ಅಥವಾ ಕುಟುಂಬದ Mac ಅನ್ನು ಹಂಚಿಕೊಳ್ಳುತ್ತಿರಲಿ, ಅವರ ಆ್ಯಪ್‌ಗಳು ಮತ್ತು ಮಾಹಿತಿಯು ನಿಮ್ಮದರಿಂದ ಪ್ರತ್ಯೇಕವಾಗಿರಲು ಅವರಿಗಾಗಿ ತಮ್ಮದೇ ಆದ ಬಳಕೆದಾರರ ಖಾತೆ ಮತ್ತು Apple ಖಾತೆಯನ್ನು ಸೆಟಪ್ ಮಾಡಿ. ನೀವು ಕುಟುಂಬ ಹಂಚಿಕೆಯನ್ನು ಬಳಸಿದರೆ, ನೀವು ಅವರ ಖಾತೆಯ ಸ್ಕ್ರೀನ್ ಟೈಮ್ ಮತ್ತು ಪೋಷಕರು ಹೇರುವ ನಿಯಂತ್ರಣಗಳನ್ನು ನಿರ್ವಹಿಸಬಹುದು. ಹಂಚಿಕೊಂಡ Macನಲ್ಲಿ, ನಿಮ್ಮ ಮಗುವಿಗಾಗಿ ನೀವು ಅವರದೇ ಮಗುವಿನ ಖಾತೆಯೊಂದಿಗೆ ಹೊಸ ಬಳಕೆದಾರರ ಖಾತೆಯನ್ನು ಸೇರಿಸುತ್ತೀರಿ.
ನಿಮ್ಮ ಮಗುವಿಗಾಗಿ ಹೊಸ Mac ಅನ್ನು ಸೆಟಪ್ ಮಾಡುವುದು
ಲಿಡ್ ಅನ್ನು ತೆರೆದು ಪವರ್ ಬಟನ್ ಅನ್ನು ಒತ್ತಿ ಹಿಡಿದುಕೊಳ್ಳುವ ಮೂಲಕ ನಿಮ್ಮ ಮಗುವಿನ Mac ಅನ್ನು ಆನ್ ಮಾಡಿ.
ಸೆಟಪ್ ಅಸಿಸ್ಟೆಂಟ್‌ನಲ್ಲಿನ ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ. ಸೆಟಪ್ ಅಸಿಸ್ಟಂಟ್ ನಿಮ್ಮ Macನ ಆರಂಭಿಕ ಸೆಟಪ್‌ನಲ್ಲಿ ನಿಮಗೆ ಮಾರ್ಗದರ್ಶನ ನೀಡುವ ಮೂಲಕ ನಿಮ್ಮನ್ನು ತ್ವರಿತವಾಗಿ ಸಿದ್ಧಗೊಳಿಸುತ್ತದೆ. ಉದಾಹರಣೆಗೆ ನಿಮ್ಮ Wi-Fi ನೆಟ್‌ವರ್ಕ್‌ಗೆ ಕನೆಕ್ಟ್ ಮಾಡುವುದು, ನೀವು ಮೊದಲೇ ಮಗುವಿನ ಖಾತೆಯನ್ನು ರಚಿಸಿರದಿದ್ದರೆ ಅದನ್ನು ರಚಿಸುವುದು ಮತ್ತು ಪೋಷಕರು ಹೇರುವ ನಿಯಂತ್ರಣಗಳನ್ನು ಸೆಟಪ್ ಮಾಡುವುದು ಇತ್ಯಾದಿ.
ಸೆಟಪ್ ಕುರಿತು ಹೆಚ್ಚಿನ ಮಾಹಿತಿಗಾಗಿ, ನಿಮ್ಮ Mac ಬಳಕೆಯನ್ನು ಪ್ರಾರಂಭಿಸುವ ಮಾರ್ಗದರ್ಶಿಯನ್ನು ಹುಡುಕುವುದು ಎಂಬುದನ್ನು ನೋಡಿ.
ಹಂಚಿಕೊಂಡ ಕುಟುಂಬ Macನಲ್ಲಿ ನಿಮ್ಮ ಮಗುವಿಗಾಗಿ ಬಳಕೆದಾರರ ಖಾತೆಯನ್ನು ರಚಿಸುವುದು
ನಿಮ್ಮ Macನಲ್ಲಿ ಸಿಸ್ಟಂ ಸೆಟ್ಟಿಂಗ್ಸ್‌ಗೆ ಹೋಗಿ.
ಸೈಡ್‌ಬಾರ್‌ನಲ್ಲಿರುವ “ಬಳಕೆದಾರರು ಮತ್ತು ಗುಂಪುಗಳು” ಎಂಬುದನ್ನು ಕ್ಲಿಕ್ ಮಾಡಿ.
ಬಲಭಾಗದಲ್ಲಿರುವ “ಬಳಕೆದಾರರನ್ನು ಸೇರಿಸಿ” ಎಂಬುದನ್ನು ಕ್ಲಿಕ್ ಮಾಡಿ, ನಂತರ ಪ್ರಾಂಪ್ಟ್ ಮಾಡಿದಾಗ ನಿಮ್ಮ ನಿರ್ವಾಹಕರ ಪಾಸ್‌ವರ್ಡ್ ಅನ್ನು ನಮೂದಿಸಿ.
ಹೊಸ ಬಳಕೆದಾರರು (ಅಥವಾ ಹೊಸ ಖಾತೆ) ಎಂಬ ಪಾಪ್-ಅಪ್ ಮೆನುವಿನಿಂದ ಎಂಬುದನ್ನು ಆರಿಸಿ.
ಹೆಸರು ಮತ್ತು ಪಾಸ್‌ವರ್ಡ್ ಫೀಲ್ಡ್‌ಗಳನ್ನು ಪೂರ್ಣಗೊಳಿಸಿ, ನಂತರ “ಬಳಕೆದಾರರನ್ನು ರಚಿಸಿ” ಎಂಬುದನ್ನು ಕ್ಲಿಕ್ ಮಾಡಿ.
ಮುಗಿದ ನಂತರ, ನಿಮ್ಮ Mac ಅನ್ನು ಮರುಪ್ರಾರಂಭಿಸಿ ಅಥವಾ Apple ಮೆನುವಿನಿಂದ ಲಾಗ್ ಔಟ್ ಮಾಡಿ ಎಂಬುದನ್ನು ಆರಿಸಿ.
ಲಾಗಿನ್ ವಿಂಡೋದಲ್ಲಿ, ನೀವು ರಚಿಸಿದ ಹೊಸ ಖಾತೆಯನ್ನು ಆರಿಸಿ, ನಂತರ ಅದರ ಹೆಸರು ಮತ್ತು ಪಾಸ್‌ವರ್ಡ್‌ನೊಂದಿಗೆ ಲಾಗಿನ್ ಮಾಡಿ.
ಸೆಟಪ್ ಅನ್ನು ಪೂರ್ಣಗೊಳಿಸಲು ಸ್ಕ್ರೀನ್ ಮೇಲಿನ ಸೂಚನೆಗಳನ್ನು ಅನುಸರಿಸಿ. ನಿಮ್ಮ Apple ಖಾತೆಗೆ ಸೈನ್ ಇನ್ ಮಾಡಲು ನಿಮ್ಮ Apple IDಯನ್ನು ಬಳಸಲು ಅದು ನಿಮ್ಮನ್ನು ಕೇಳಿದಾಗ, ನಿಮ್ಮ ಸ್ವಂತ ಖಾತೆಯ ಮಾಹಿತಿಯನ್ನು ನಮೂದಿಸಬೇಡಿ, ಬದಲಾಗಿ ನಿಮ್ಮ ಮಗುವಿನ Apple ಖಾತೆಯ ಮಾಹಿತಿಯನ್ನು ನಮೂದಿಸಿ. ಮಗುವಿನ ಖಾತೆಯನ್ನು ರಚಿಸುವ ಕುರಿತು ಹೆಚ್ಚಿನ ಮಾಹಿತಿಗಾಗಿ, ನಿಮ್ಮ ಮಗುವಿನ Apple ಸಾಧನಗಳಿಗಾಗಿ ಮಗುವಿನ ಖಾತೆಯನ್ನು ರಚಿಸುವುದು ಎಂಬುದನ್ನು ನೋಡಿ.
ನೀವು ಮತ್ತು ನಿಮ್ಮ ಮಗು ಇಬ್ಬರೂ ಒಂದೇ Mac ಅನ್ನು ಬಳಸುವುದಾದರೆ, ನಿಮ್ಮ ಕೆಲಸ ಮುಗಿದ ನಂತರ ನಿಮ್ಮ ಬಳಕೆದಾರರ ಖಾತೆಯಿಂದ ಲಾಗ್ ಔಟ್ ಮಾಡಿ. ನಿಮ್ಮ Mac ಬಳಕೆದಾರರ ನಡುವೆ ತ್ವರಿತವಾಗಿ ಸ್ವಿಚ್ ಮಾಡಲು ಹಲವಾರು ಮಾರ್ಗಗಳನ್ನು ಒದಗಿಸುತ್ತದೆ.
ಮುಂದೇನು?
ನಿಮ್ಮ ಮಗುವಿನ ಸಾಧನದಲ್ಲಿರುವ ಎಲ್ಲಾ ಪೋಷಕರು ಹೇರುವ ನಿಯಂತ್ರಣಗಳ ಅವಲೋಕನವನ್ನು ಪಡೆಯಿರಿ. ನಿಮ್ಮ ಮಗುವಿನ ಸಾಧನದಲ್ಲಿ ಪೋಷಕರು ಹೇರುವ ನಿಯಂತ್ರಣಗಳನ್ನು ಎಕ್ಸ್‌ಪ್ಲೋರ್ ಮಾಡುವುದು ಎಂಬುದನ್ನು ನೋಡಿ.