ഘട്ടം 6: കുട്ടി വളരുന്നതിനൊപ്പം അവരുമായുള്ള സംസാരങ്ങളും തുടരൂ

നിങ്ങളുടെ കുട്ടി വളരുന്നതനുസരിച്ച്, അവരുടെ ആവശ്യങ്ങളും നിങ്ങളുടെ കുടുംബത്തിന്റെ പ്ലാനും മാറിയേക്കാം. കുട്ടിയുടെ ഡിവൈസുകളുടെ ഉപയോഗത്തെക്കുറിച്ച് കുട്ടിയുമായി മനസ്സ് തുറന്നതും തുടർച്ചയായതുമായ സംഭാഷണം നിലനിർത്തുന്നത്, നിങ്ങൾക്ക് ചെയ്യാൻ കഴിയുന്ന ഏറ്റവും സഹായകമായ കാര്യങ്ങളിൽ ഒന്നാണെന്ന് American Academy of Pediatrics (AAP) വ്യക്തമാക്കുന്നു. കാര്യങ്ങൾ പതിവായി ചോദിച്ചറിയുന്നതും, തീരുമാനങ്ങൾ ഫലപ്രദമാകാതെ വരുമ്പോൾ ഒരുമിച്ച് മാറ്റങ്ങൾ വരുത്തുന്നതും സാങ്കേതികവിദ്യയുമായി ആരോഗ്യകരമായ ഒരു ബന്ധം വളർത്തിയെടുക്കാൻ കുട്ടിയെ സഹായിക്കും. ഇത് അവരുടെ ആദ്യത്തെ ഡിവൈസിൽ മാത്രം ഒതുങ്ങാതെ ദീർഘകാലം നിലനിൽക്കുന്ന ഒന്നായിരിക്കും.

നിങ്ങളുടെ കുട്ടി വളരുന്നതിനനുസരിച്ച്, അവരുടെ ‘സ്ക്രീൻ സമയ’ ക്രമീകരണങ്ങൾ ഒരുമിച്ച് അവലോകനം ചെയ്യാൻ നിങ്ങൾ താൽപ്പര്യപ്പെട്ടേക്കാം. എന്താണ് സജ്ജീകരിച്ചിരിക്കുന്നതെന്നും എന്തുകൊണ്ടെന്നും അവരുമായി സംസാരിക്കുന്നത് സ്ക്രീൻ സമയം സ്വയം മാനേജ് ചെയ്യാൻ അവരെ സജ്ജരാക്കും. നിങ്ങളുടെ കുട്ടിയുടെ പ്രായത്തിനനുസരിച്ച് ഡിവൈസ് ഉപയോഗിക്കാനുള്ള സമയത്തിന്റെ ശുപാർശ ചെയ്യപ്പെട്ട അളവ് മാറുന്നതിനാൽ, നിങ്ങൾക്ക് അവരുടെ ‘സമയ അലവൻസുകൾ’ വർധിപ്പിക്കുകയും ചെയ്യാം. കൂടുതൽ സ്വാതന്ത്ര്യമായി പ്രവർത്തിക്കാൻ അവർ സജ്ജമായിട്ടുണ്ടോ എന്നത് പരിഗണിക്കാൻ ഇതൊരു നല്ല അവസരമാണ്.