Mac компьютеріңіз үшін маңызды қауіпсіздік ақпараты
ЕСКЕРТУ: Бұл қауіпсіздік нұсқауларын орындамау өртті, токтың соғуын немесе жарақатты не MacBook Pro компьютеріне немесе басқа затқа зақым тудыруы мүмкін. MacBook Pro компьютерін пайдаланбастан бұрын төмендегі барлық қауіпсіздік ақпаратын оқыңыз.
Кірістірілген батарея. Батареяны өзіңіз ауыстыруға немесе алуға әрекет етпеңіз—батареяны зақымдауыңыз мүмкін, ол қызып кетуге және жарақаттануға себеп болуы мүмкін. Кірістірілген батареяны Apple немесе өкілетті қызмет провайдері ауыстыруы керек және бөлек өңделуі немесе тұрмыстық қоқыстан бөлек тасталуы тиіс. Батареяларды жергілікті қоршаған орта заңдары мен ережелеріне сай тастаңыз. MacBook Pro компьютеріңізді радиаторлар немесе пеш сияқты температуралары 212 °F (100 °C) дәрежесінен асатын қатты ыстық көздеріне қалдырмаңыз.
Батареяға қызмет көрсету және оны өңдеу туралы ақпарат алу үшін Батареяға қызмет көрсету және оны өңдеу торабына өтіңіз.
Ұстау. MacBook Pro компьютеріңізді абайлап ұстаңыз. Ол темірден, шыныдан және пластмассадан жасалған және ішінде сезімтал электрондық компоненттері бар. MacBook Pro компьютеріңізді компьютердің асты мен айналасында ауаның жеткілікті айналуына мүмкіндік беретін тұрақты жұмыс бетіне орналастырыңыз. MacBook Pro компьютеріңіз түскен, күйген, тесілген немесе сынған жағдайда немесе ол майлар мен лосьондар сияқты сұйықтыққа тиген жағдайда зақымдалады. Зақымдалған MacBook Pro компьютерін, мысалы, экраны сынған, пайдаланбаңыз, себеді ол жарақаттауы мүмкін.
Сұйықтыққа қалдыру. MacBook Pro компьютеріңізді сусындар, майлар, лосьондар, шұңғылшалар, ванналар, душ бөлмелері сияқты сұйықтық көздерінен алыс ұстаңыз. MacBook Pro компьютеріңізді жаңбыр, қар және тұман сияқты дымқыл, ылғал немесе сулы ауа райынан қорғаңыз.
Зарядтау. MacBook Pro компьютеріңізді тек берілген 61 Вт қуат адаптерімен немесе 96 Вт қуат адаптерімен және USB-C зарядтау кабелімен немесе USB-C портымен үйлесімді және қолданыстағы халықаралық және аймақтық ережелер мен қауіпсіздік стандарттарына сай келетін үшінші тараптың қуат адаптерімен және кабелімен зарядтаңыз. Басқа қуат адаптерлері қолданыстағы қауіпсіздік стандарттарына сай келмеуі мүмкін және осындай қуат адаптерлерімен зарядтау өлім немесе жарақат қаупін төндіруі мүмкін.
Зақымдалған қуат адаптерлерін немесе кабельдерді пайдалану, не болмаса ылғал бар кезде зарядтау өртті, ток соғуды, жарақатты немесе MacBook Pro компьютеріне немесе басқа мүлікке зақым келтіруі мүмкін. MacBook Pro компьютеріңізді зарядтау үшін берілген 61 Вт қуат адаптерін немесе 96 Вт қуат адаптерін және USB-C зарядтау кабелін пайдаланғанда, қуат адаптерін қуат розеткасына қоспастан бұрын USB-C зарядтау кабелінің қуат адаптеріне толық кіргізілгенін тексеріңіз.
Ұзақ қызу әсері. Қалыпты қолданыс кезінде MacBook Pro компьютеріңіз бен оның 61 Вт қуат адаптері немесе 96 Вт қуат адаптері өте жылы болуы мүмкін. MacBook Pro компьютері мен оның 61 Вт қуат адаптері немесе 96 Вт қуат адаптері қолданыстағы елдің заңнамалары мен халықаралық және аймақтық қауіпсіздік стандарттары арқылы анықталған талап етілген бет температурасының шектеріне сай келеді. Дегенмен, осы шектер ішінде болса да, жылы беттерге ұзақ уақыт бойы тиіп тұру қолайсыздықты немесе жарақатты тудыруы мүмкін.
Қатты қызу немесе ыстыққа қатысты жарақаттар ықтималдылығын азайту үшін MacBook Pro компьютеріңіздің немесе 61 Вт қуат адаптерінің немесе 96 Вт қуат адаптерінің айналасында жеткілікті желдету болуына мүмкіндік беріңіз және оларды ұстау кезінде абайлаңыз. Құрылғы немесе оның қуат адаптері жұмыс істеп тұрғанда немесе қуат көзіне қосылып тұрғанда теріңіз оған ұзақ тиіп тұратын жағдайларды болдырмау үшін жалпы ережелерді пайдаланыңыз. Мысалы, құрылғы немесе қуат адаптері қуат көзіне қосулы тұрғанда онымен ұйықтамаңыз. Құрылғы немесе қуат адаптері қуат көзіне қосылып тұрған кезде, құрылғыны немесе қуат адаптерін жайманың, жастықтың немесе денеңіздің астына қоймаңыз. Желдету саңылауларына ешқашан ешнәрсе тықпаңыз, себебі олай істеу қауіпті болуы және компьютердің қатты қызуына әкелуі мүмкін. MacBook Pro компьютерін пайдалану кезінде пернетақтаның үстіне ешқашан ешнәрсе қоймаңыз. MacBook Pro тізеңізде болса және қолайсыз түрде қызып кетсе, оны тізеңізден алып, тұрақты, жақсы желдетілген жұмыс бетіне қойыңыз. Денеңізге қызуды анықтау мүмкіндігіне әсер ететін физикалық жағдайыңыз болса, айырықша абай болыңыз.
61 Вт қуат адаптері немесе 96 Вт қуат адаптері. 61 Вт қуат адаптерін немесе 96 Вт қуат адаптерін қауіпсіз пайдалану және ыстыққа қатысты жарақат немесе зақым ықтималдылығын азайту үшін келесі әрекеттердің біреуін орындаңыз:
61 Вт қуат адаптерін немесе 96 Вт қуат адаптерін қуат розеткасына тікелей қосыңыз.
Қуат адаптерін ұзарту кабелін пайдаланып отырсаңыз, қуат адаптерін партаға, үстелге немесе жақсы желдетілген жердегі еденге қойыңыз.
MacBook Pro компьютеріңізді немесе оның қуат адаптерін шұңғылша, ванна немесе душ сияқты ылғал жерлерге жақын пайдаланбаңыз немесе қуат адаптерін ылғал қолмен қоспаңыз немесе ажыратпаңыз. Келесі жағдайлардың кез келгені болса, қуат адаптерін суырыңыз және барлық кабельдерді ажыратыңыз:
USB-C кабелі немесе қуат сымы тозған немесе зақымдалған.
61 Вт қуат адаптері немесе 96 Вт қуат адаптері, олардың шанышқылары немесе адаптер корпусы зақымдалған.
MacBook Pro компьютеріңіз немесе 61 Вт қуат адаптері немесе 96 Вт қуат алаптері түскен.
MacBook Pro компьютеріңіз немесе 61 Вт қуат адаптері немесе 96 Вт қуат адаптері жаңбырға, сұйықтыққа немесе артық ылғалға қалдырылған.
MacBook Pro компьютері немесе 61 Вт қуат адаптері немесе 96 Вт қуат адаптері қызметті немесе жөндеуді қажет етеді деп күдіктенесіз.
MacBook Pro компьютерін немесе 61 Вт қуат адаптерін немесе 96 Вт қуат адаптерін тазалағыңыз келсе (тек Mac компьютеріңізге арналған маңызды ұстау ақпараты бөлімінде сипатталған ұсынылған процедураны пайдаланыңыз).
Қалдықтар қуат портына кірсе, оны құрғақ мақта тампонмен жайлап алыңыз.
61 Вт USB-C қуат адаптерінің сипаттамалары:
Жиілік: 50 - 60 Гц, бір фаза
Желі кернеуі: 100 - 240 В
(USB PD) Шығыс кернеуі: 20,3 В ТТ/3 А немесе 15 В ТТ/3 А немесе 9 ВТТ/3 А немесе 5,2 В ТТ/3 А
96 Вт USB-C қуат адаптерінің сипаттамалары:
Жиілік: 50 - 60 Гц, бір фаза
Желі кернеуі: 100 - 240 В
(USB PD) Шығыс кернеуі: 20,5 В ТТ/4,7 А немесе 15 В ТТ/3 А немесе 9 В ТТ/3 А немесе 5,2 В ТТ/3 А
Денеңізге қызуды анықтау мүмкіндігіне әсер ететін физикалық жағдайыңыз болса, айырықша абай болыңыз.
Есту қабілетінен айырылу. Дыбысты жоғары дыбыс деңгейінде тыңдау есту қабілетіңізді зақымдауы мүмкін. Артқы шу, сонымен қатар жоғары дыбыс деңгейінде үздіксіз тыңдау дыбыстарды олардың шын деңгейінен тыныштау етіп көрсетуі мүмкін. MacBook Pro компьютеріңізбен тек үйлесімді құлақ тығындарын, құлақаспаптарды немесе құлаққаптарды пайдаланыңыз. Құлаққа аспапты салмастан бұрын, дыбысты қосып, дыбыс деңгейін тексеріңіз. Дыбыс дәне есту бөлімін қараңыз.
ЕСКЕРТУ: Ықтимал есту қабілетінің зақымдалуын болдырмау үшін ұзақ уақыт бойы жоғары дыбыс деңгейінде тыңдамаңыз.
Жөндеу. MacBook Pro компьютеріңізде пайдаланушы қызмет көрсететін бөліктер жоқ. MacBook Pro компьютеріңізді ашпаңыз немесе бөлшектемеңіз, не болмаса оны жөндеуге не қандай да бір компоненттерін ауыстыруға әрекет етпеңіз. MacBook Pro компьютерін бөлшектеу оны зақымдауы немесе сізді жарақаттауы мүмкін. MacBook Pro компьютеріңізге қызмет көрсету керек болса, зақымдалса, дұрыс жұмыс істемесе немесе сұйықтыққа тисе, Apple корпорациясына немесе Apple корпорациясының өкілетті қызмет провайдері сияқты Apple корпорациясының өкілетті жөндеу орталығына хабарласыңыз. MacBook Pro компьютерін ашуға әрекет етсеңіз, компьютерді зақымдап аласыз және осындай зақым MacBook Pro компьютеріне арналған шектеулі кепілдікте қамтылмайды.
Шарлау. Карталар, бағыттар және орынға негізделген қолданбалар деректер қызметтеріне байланысты. Бұл деректер қызметтері өзгеруі мүмкін және барлық аймақтарда қол жетімді бола бермейді, нәтижесінде қол жетімсіз, дәл емес немесе толық емес карталар, бағыттар немесе орынға негізделген ақпаратты береді. Берілген орынға негізделген ақпаратты айналаңызбен салыстырыңыз және сәйкессіздікті шешу үшін қойылған таңбаларға жүгініңіз. Толық назарыңызды талап ететін әрекеттерді орындау кезінде бұл қызметтерді орындамаңыз. Әрқашан шарлау пайдаланылатын аймақтардағы қойылған таңбаларға және қолданыстағы заңдар мен ережелерге сай әрекет етіңіз және әрқашан жалпы ұстанымдарды пайдаланыңыз.
Радио жиілік әсері. MacBook Pro сымсыз желілерге қосылу үшін радио сигналдарды пайдаланады. Радио сигналдардан туындаған радио жиілік (РЖ) энергиясы және әсерді азайту үшін орындауға болатын қадамдар туралы ақпарат алу үшін RF Exposure бөліміне өтіңіз.
Медициналық құрылғы кедергісі. MacBook Pro компьютерінде кардиостимуляторлармен, дефибрилляторлармен және басқа медициналық құрылғылармен кедергіге келуі мүмкін электромагниттік өрістерді шығаратын компоненттер мен радиолар, оған қоса магниттер бар. Медициналық құрылғы мен MacBook Pro арасында қауіпсіз қашықтықты сақтаңыз. Медициналық құрылғыңызға арналған ақпарат алу үшін дәрігермен және медициналық құрылғының өндірушісімен кеңесіңіз. MacBook Pro компьютері кардиостимулятормен немесе кез келген басқа медициналық құрылғымен кедергіге түсті деп күдіктенсеңіз, MacBook Pro компьютерін пайдалануды тоқтатыңыз.
Аурулар. MacBook Pro компьютерін пайдалану арқылы әсерленеді деп ойлайтын ауруларыңыз болса (мысалы, ұстамалы аурулар, құлақ естімеу, көздің шаршауы немесе бас ауру), MacBook Pro компьютерін пайдаланбастан бұрын дәрігерге қаралыңыз.
Қайталанатын қимыл. MacBook Pro компьютерінде теру немесе ойындар ойнау сияқты қайталанатын әрекеттерді орындағанда, қолдарыңызда, білектеріңізде, білезіктеріңізде, иықтарыңызда, мойныңызда немесе денеңіздің басқа бөліктерінде қолайсыздықты сезінуіңіз мүмкін. Қолайсыздықты сезінсеңіз, MacBook Pro компьютерін пайдалануды тоқтатып, дәрігерге қаралыңыз.
Тұншығу қаупі. Кейбір MacBook Pro қосалқы құралдары кішкентай балаларға тұншығу қаупін төндіруі мүмкін. Бұл қосалқы құралдарды кішкентай балалардан алыс сақтаңыз.
Маңыздылығы жоғары әрекеттер. MacBook Pro компьютердің ақаулығы өлімге, адамның жарақаттануына немесе қатты қоршаған орта зақымына әкелуі мүмкін жерлерде пайдалануға арналмаған.
Жарылғыш және басқа атмосфералық жағдайлар. MacBook Pro компьютеріңізді ықтимал жарылысқа қауіпті орталарда—әсіресе жанғыш химиялық заттардың, газдардың немесе бөлшектердің (дән, шаң немесе металл ұнтақтары сияқты) жоғары мөлшері бар аймақтарда пайдалану қауіпті болуы мүмкін. MacBook Pro компьютерін өндірістік химиялық заттардың жоғары концентрациясы бар орталарға, соның ішінде гелий сияқты буланған, сұйытылған газдар бар жерлерге қою MacBook Pro компьютерінің функционалдығын зақымдауы немесе нашарлатуы мүмкін. Барлық таңбалар мен нұсқауларға жүгініңіз.