Сыртқы дисплейді MacBook Neo компьютеріне қосу
MacBook Neo компьютеріне сыртқы дисплейді, проекторды немесе жоғары ажыратымдылықты теледидарды қосуыңызға болады.
1-қадам: MacBook Neo компьютеріңіздегі видео порттарды анықтау
MacBook Neo компьютеріңізде екі USB-C порты бар. Мониторды сол жақ портқа қосыңыз, видео шығысын қолдайтын DisplayPort 1.4 стандартын бар USB 3 порты.
MacBook Neo компьютеріңіздегі әртүрлі порттар туралы қосымша ақпарат алу үшін MacBook Neo компьютерін шолу бөлімін қараңыз.
2-қадам: Дисплейіңізге қолдау көрсетілетініне көз жеткізіңіз
MacBook Neo компьютеріңіз 60 Гц жиілікте 4K ажыратымдылығына дейінгі бір сыртқы дисплейді қолдайды.
Оның қандай ажыратымдылықтар мен жаңарту жиіліктерін пайдаланатынын білу үшін мониторыңызбен бірге келген құжаттаманы тексеріңіз.
Ескертпе: Тек Thunderbolt технологиясын пайдаланатын дисплейлер MacBook Neo компьютерімен үйлесімді емес. Thunderbolt дисплейіңіз DisplayPort 1.4 немесе USB 3 сияқты басқа стандартты пайдаланса, ол MacBook Neo компьютерімен үйлесімді. Тек Thunderbolt технологиясын пайдаланатын құрылғыны қосқан кезде ескерту көрсетіледі.
3-қадам: Дұрыс кабельді пайдаланыңыз
Егер мониторыңыз MacBook Neo компьютеріңіздегі портқа сәйкес келетін кабельмен келсе: Мониторды қосу үшін сол кабельді пайдаланыңыз.
Егер мониторыңызда кабель болмаса: Қажетті кабельдерді алыңыз. Монитордың видео порттары мен кабельдері туралы қосымша ақпарат алу үшін мониторыңызбен бірге келген құжатты қараңыз.
Егер сізде мониторыңызбен келген кабель бар болса, бірақ қосқыш MacBook Neo компьютеріңіздегі портқа сәйкес келмесе: Адаптерді пайдалануға болады (бөлек сатылады). Қосымша ақпарат пен қолжетімділік үшін apple.com сайтына кіріңіз, жергілікті Apple Store дүкеніне немесе басқа сатушыларға барыңыз.
Дұрыс өнімді таңдағаныңызды тексеру үшін монитордың құжаттамасын қарап шығыңыз немесе монитор өндірушісінен сұраңыз.
Сізге адаптер керек болса, қажетті адаптер түрін анықтау, оның сыртқы түрін көру және оны не үшін пайдалануға болатынын білу үшін Mac компьютеріңіздегі Thunderbolt немесе USB-C портына арналған адаптерлер атты Apple қолдау көрсету мақаласын қараңыз.
4-қадам: Дисплейлеріңізді қосу
Егер мониторды қуат көзіне қосу қажет болса, оны қосыңыз. Дисплейіңізді MacBook Neo компьютеріңіздегі USB 3 портына (сол жақ порт) қосыңыз.
Дисплейлерді қосқаннан кейін, олардың реттеулерін өзгерту қажет болуы мүмкін. System Settings терезесін ашыңыз, дисплей реттеулерін, соның ішінде ажыратымдылық, жарықтық және түс профилі реттеулерін көру үшін бүйірлік тақтадағы Displays түймесін басыңызы.
Қақпағы жабық болғанда, MacBook Neo компьютеріңізбен сыртқы дисплейді, сондай-ақ қосылған керек-жарақтарды пайдалануыңызға болады.
Ескертпе: Сыртқы дисплейді қоссаңыз және ол қараңғы болса, дисплейді USB 3 портына (сол жақ порт) қосқаныңызға көз жеткізіңіз.
Қосымша көмек қажет пе?
Ақаулықтарды жою туралы ақпаратты Mac компьютеріңізге бір немесе бірнеше сыртқы дисплейді қосу бөліміндегі «Сыртқы дисплей жұмыс істемесе» тақырыбынан қараңыз.
Дисплейде бос немесе қара экран болса және оның ең жоғарғы ажыратымдылығын немесе жаңарту жиіліктерін қолдана алмасаңыз, Apple Қолдау көрсету қызметінің Сыртқы монитор қара немесе ажыратымдылығы төмен мақаласын қараңыз.