Mac компьютеріңізде Apple Pay қызметін пайдалану
Mac Pro компьютеріндегі Apple Pay қызметін пайдаланып веб-тораптарда оңай, қауіпсіз және жеке сауда жасай аласыз. Apple Pay қызметімен Apple Card картаңыздың және басқа несие немесе дебет картаңыздың ақпаратын Apple корпорациясы ешқашан сақтамайды немесе сатушымен бөліспейді. Safari шолғышын пайдаланып онлайн дүкен аралағанда Apple Pay есептесу параметрін іздеңіз. Сатып алуыңызды iPhone немесе Apple Watch құрылғыңызды пайдаланып растаңыз.
Ескертпе: Apple Pay және Apple Card барлық елдерде немесе аймақтарда қолжетімді бола бермейді. Apple Pay туралы ақпарат алу үшін Apple Pay торабына өтіңіз. Ағымдағы карта шығарушылары туралы ақпаратты Apple Pay қатысушы банктері атты Apple Support мақаласынан қараңыз. Apple Card туралы ақпаратты Apple Card қолдауы бөлімінен қараңыз.
Apple Pay қызметін орнатыңыз. iPhone немесе Apple Watch құрылғыңызда несие немесе дебет карталарын орнатып қойған болсаңыз, қосымша орнату қажет болмайды. Ешқандай дебет немесе несие картаңыз орнатылмаған болса, оны iPhone құрылғыңызда Settings > Wallet & Apple Pay тармағында орнатуыңызға болады. iPhone немесе Apple Watch құрылғыңызға Mac Pro компьютеріңізде пайдаланатын бірдей Apple ID идентификаторыңызбен кіргеніңізді тексеріңіз.
iPhone немесе Apple Watch құрылғысымен сауда жасаңыз. Веб-тораптағы Apple Pay түймесін басыңыз, одан кейін төлемді растау үшін iPhone құрылғысындағы Face ID, Touch ID идентификаторын немесе құпия кодты пайдаланыңыз, не болмаса, құлпы ашылған Apple Watch құрылғысындағы бүйірлік түймені екі рет басыңыз. Apple Pay қызметі орнатылған iPhone немесе Apple Watch құрылғысына Mac Pro компьютеріңізде пайдаланатын бірдей Apple ID идентификаторыңызбен кіруіңіз керек.
Қосымша мәліметтер. Apple Pay қызметін орнату, Apple Pay қызметін пайдаланып сатып алу және Apple Pay қызметімен пайдаланатын карталарыңызды басқару атты Apple Support мақалаларын қараңыз.