Mac Studio компьютеріңізді жаңа Mac пайдаланушылары үшін орнату
Бұл нұсқаулық орнату процесінің әрбір қадамын қамтиды және Setup Assistant қолданбасымен бірге пайдалануға арналған.
Кеңес: Кейбір қадамдар опцияны таңдау үшін айналдыруыңызды талап етуі мүмкін. Егер сізде Magic Mouse немесе Magic Trackpad болса және Mac компьютерінде қалай айналдыру керектігін білмесеңіз, тек сенсорлық тақтаңызда екі саусағыңызды жоғары және төмен сырғытыңыз. Қимылдарды кейінірек реттегіңіз келсе, оны орындау жолын Magic Mouse немесе Magic Trackpad арқылы үйреніңіз.
Бастамастан бұрын
iPhone немесе iPad құрылғыңыз бар болса, орнату кезінде бұларды жақын жерде ұстаңыз, себебі кейбір қадамдар басқа құрылғыда растауды талап етуі мүмкін.
Дисплейді Mac Studio компьютеріңізге қосыңыз. Қандай порт пен кабельді пайдалануыңыз керектігін түсіну үшін мониторыңызбен келген құжатты қараңыз. Қосымша ақпаратты Мониторды Mac Studio компьютеріне қосу бөлімінен қараңыз.
Сізде орнату кезінде деректерді Windows сияқты басқа компьютерден тасымалдау мүмкіндігі бар. Егер мұны істегіңіз келсе, сізде ішінен деректерді тасымалдағыңыз келетін компьютер бар екенін және оның соңғы қолжетімді бағдарламалық жасақтама нұсқасына жаңартылғанын тексеріңіз.
Setup Assistant функциясы Mac Studio компьютеріңізді орнатуды оңайлатады және аяқтау үшін тым ұзақ уақыт кетпеуі керек. Дегенмен, деректерді тасымалдауды таңдасаңыз, қосымша уақыт бөліңіз.
Тінтуірді немесе трекпадты және пернетақтаны қосу
Орнатудың басында тінтуірді немесе трекпадты және пернетақтаны Mac Studio компьютеріңізге қоса аласыз.
Жаңа Mac компьютеріңіз Magic Mouse, Magic Trackpad немесе Magic Keyboard құралдарымен келсе, олар жұпталып қойған болуы керек. Қосу/өшіру қосқышын жасыл көрінетіндей етіп сырғыту арқылы Magic Mouse, Magic Trackpad немесе Magic Keyboard пернетақтасын қосыңыз.
Жаңа Mac компьютеріңізбен келмеген тінтуірді, трекпадты немесе пернетақтаны пайдаланып отырсаңыз, оларды жұптауыңыз керек. Кабельді қосалқы құралды Mac компьютеріңізге физикалық түрде қосу үшін пайдалануыңызға да болады. Қосалқы құралды жұптау немесе оны қосу жолын үйрену үшін онымен келген құжатты қараңыз.
Орнату кезінде тінтуірді, сенсорлық тақтаны немесе пернетақтаны қосу туралы қосымша сұрақтарыңыз болса, Mac компьютерін орнату кезінде пернетақтаңыз немесе тінтуіріңіз қосылмаса атты Apple Support мақаласын қараңыз.
Тіліңізді, еліңізді немесе аймағыңызды орнатыңыз және Wi-Fi желісіне қосылыңыз
Тіліңізді таңдау. Бұл Mac компьютеріңіз үшін тілді орнатады. Тілді кейінірек өзгерту үшін System Settings терезесін ашыңыз, бүйірлік жолақта Language & Region түймесін басыңыз, одан кейін опцияларыңызды таңдаңыз.
Еліңізді немесе аймағыңызды орнату. Бұл Mac компьютеріңіз үшін күндердің, валюталардың, температураның және т.б. пішімін орнатады. Бұл параметрлерді кейінірек өзгерту үшін System Settings терезесін ашыңыз, бүйірлік жолақтағы General түймесін басыңыз, Language & Region түймесін басыңыз, одан кейін опцияларыңызды таңдаңыз.
Қолжетімділік мүмкіндіктерін қосыңыз. Vision, Motor, Hearing және Cognitive қабілеттері үшін қолжетімділік параметрлерін қараңыз немесе Not Now түймесін басыңыз. Қосымша мәліметтер алу үшін Mac компьютеріңіздегі Accessibility бөлімін қараңыз.
Wi-Fi желісіне қосылу. Wi-Fi желіңізді таңдаңыз және қажет болса, құпия сөзді енгізіңіз. Ethernet желісін пайдаланып отырсаңыз, Other Network Options параметрін түртіп, экрандағы нұсқауларды орындауыңызға да болады.
Wi-Fi желісін кейінірек өзгерту үшін System Settings терезесін ашыңыз, бүйірлік жолақтағы Wi-Fi түймесін басыңыз, одан кейін желіні таңдаңыз және қажет болса, құпия сөзді енгізіңіз.
Ақпаратты басқа компьютерден тасымалдау
Файлдар, контактілер, тіркелгілер және т.б. сияқты деректеріңізді Windows компьютерінен жаңа Mac компьютеріңізге көшіре аласыз. Ішінен тасымалдағыңыз келетін басқа Mac компьютеріңіз болса, Ақпаратты басқа Mac компьютерінен тасымалдау бөлімін қараңыз. Деректерді сымсыз тасымалдауыңызға болады немесе Windows компьютеріңізді Mac Studio компьютеріңізге Ethernet кабелімен қосуыңызға болады.
Бастамастан бұрын. Windows компьютеріңіздің бағдарламалық жасақтаманың ең соңғы қолжетімді нұсқасына жаңартылуын қамтамасыз етіңіз. Одан кейін Migration Assistant қолданбасын Windows компьютеріңізге жүктеп алыңыз. Операциялық жүйеңіз үшін дұрыс Migration Assistant нұсқасын жүктеп алу және осы процесс туралы қосымша мәліметтер алу үшін Компьютерден Mac компьютеріне Migration Assistant көмегімен тасымалдау бөлімін қараңыз.
Деректерді сымсыз тасымалдаңыз. Windows компьютеріңіз бен жаңа Mac компьютеріңіз бірдей Wi-Fi желісінде болуы тиіс. Орнату экранында Windows компьютеріңізді басып, нұсқауларды орындаңыз.
Деректерді Ethernet кабелін пайдаланып тасымалдаңыз. Windows компьютеріңізді Mac Studio компьютеріңізге Ethernet кабелін пайдаланып тікелей қосыңыз. Оларды қосқаннан кейін орнату экранында Windows компьютеріңізді басып, нұсқауларды орындаңыз.
Деректерді кейінірек тасымалдау. Сондай-ақ, деректерді қазір тасымалдамауды таңдауыңызға болады. Солай болса, Migration Assistant Window терезесіндегі Not Now түймесін басыңыз. Деректерді орнатудан кейін тасымалдау үшін Mac Studio компьютеріңізді орнату бөлімін қараңыз.
Apple ID идентификаторымен кіріңіз және компьютеріңіздің тіркелгісін орнатыңыз
Apple ID идентификаторыңызбен кіріңіз. iPhone немесе iPad сияқты басқа Apple құрылғыңыз бұрыннан бар болса, сізде Apple ID бар болғаны. Apple ID идентификаторыңыз болмаса, біреуін қазір (тегін) жасауыңызға болады.
Apple ID электрондық пошта мекенжайы мен құпия сөзден тұрады. Ол — Apple құрылғысымен—соның ішінде App Store, Apple TV қолданбасы, iCloud және т.б. қызметтерді пайдаланып орындайтын барлық нәрсе үшін пайдаланатын тіркелгіңіз. Apple ID идентификаторыңыз Mac компьютерінің тіркелгісіне кіру үшін пайдаланатын пайдаланушы атыңыз бен құпия сөзіңізбен бірдей емес. Қосымша мәліметтер алу үшін Mac компьютеріндегі Apple ID бөлімін қараңыз.
Кеңес: Жеке Apple ID идентификаторыңыз болғаны және оны бөліспегеніңіз дұрыс.
Бұл экранда келесі әрекеттердің кез келгенін орындаңыз:
Егер сізде Apple ID болса: Apple ID идентификаторыңыз үшін электрондық пошта мекенжайыңыз бен құпия сөзіңізді енгізіңіз. Егер сізде iPhone немесе iPad болса, растау коды осы құрылғыға жіберіледі. Егер сізде iPhone немесе iPad болмаса, растау коды Apple ID идентификаторыңызбен байланысқан телефон нөмірге жіберіледі. Егер растау кодын алмасаңыз немесе мәтіндік хабарды алмасаңыз, экрандағы нұсқауларды орындаңыз.
Егер сізде Apple ID болмаса: «Create new Apple ID» түймесін басыңыз.
Apple ID идентификаторыңызды немесе құпия сөзіңізді ұмытсаңыз: «Forgot Apple ID or password» түймесін басыңыз.
Қазір Apple ID идентификаторымен кіргіңіз келмесе немесе оны жасағыңыз келмесе: Set Up Later түймесін басыңыз. Орнатқаннан кейін Apple ID идентификаторымен кіруіңізге немесе жаңа Apple ID идентификаторын жасауыңызға болады. System Settings терезесін ашыңыз, одан кейін бүйірлік тақтада «Sign in with your Apple ID» түймесін басыңыз.
Ескертпе: Apple ID идентификаторыңызбен кіргеннен кейін шарттар мен талаптарды оқып шығыңыз. Қабылдау үшін ұяшықты басыңыз, одан кейін Agree түймесін басып, жалғастырыңыз.
Компьютер тіркелгісін жасаңыз. Атыңызды қосыңыз, одан кейін кейінірек Mac Studio құлпын ашу немесе басқа әрекеттерді мақұлдау үшін пайдалануға болатын тіркелгі атауы мен құпия сөзді жасаңыз. Компьютер тіркелгісінің құпия сөзін ұмытып қалсаңыз, оны қалпына келтіруге көмектесетін қосымша кеңес қосуыңызға болады. Тіркелгіңіздің кіру суретін өзгерту үшін оны басыңыз, одан кейін опцияны таңдаңыз.
Ескертпе: Компьютер тіркелгісі Apple ID идентификаторымен бірдей емес, дегенмен Mac компьютерінің құлпын ашу үшін құпия сөзді ұмытып қалсаңыз, орнату кезінде осы опцияны таңдасаңыз, құпия сөзді қалпына келтіру үшін Apple ID идентификаторыңызды пайдалана аласыз.
Мұны жаңа Mac компьютеріңіз ету
iOS 15 немесе одан кейінгі жүйесі, iPadOS 15 немесе одан кейінгі жүйесі бар басқа құрылғыны орнатып қойған болсаңыз, Make This Your New Mac атты жылдам орнату экраны пайда болады. Егер сізде дұрыс бағдарламалық жасақтама нұсқасымен iPhone немесе iPad құрылғысы болмаса, бұл қадамды көрмейсіз. (iPhone немесе iPad құрылғыңызда бағдарламалық жасақтаманың қай нұсқасы бар екенін білмейсіз бе? iPhone, iPad немесе iPod құрылғыңыздағы бағдарламалық жасақтама нұсқасын табу бөлімін қараңыз.)
Make This Your New Mac опциясын пайдаланған кезде, iCloud тіркелгіңіздегі параметрлерді пайдалану арқылы орнату қадамдарының бірнешеуін өткізесіз. Қазіргі параметрлеріңізді пайдалану үшін Continue түймесін басыңыз. Touch ID бар Magic Keyboard пернетақтасын жұптап қойсаңыз, орнату процесі Touch ID функциясы мен Apple Pay қызметін орнату қадамына өтеді. Ағымдағы параметрлерді пайдалансаңыз және Touch ID бар Magic Keyboard пернетақтасын жұптамаған болсаңыз, орнату процесі аяқталды; Mac Studio компьютеріңізді орнатуды аяқтаған кезде бөлімін қараңыз.
Жаңа Mac Studio компьютеріңіз үшін параметрлеріңізді теңшегіңіз келсе, Customize Settings түймесін басыңыз және келесі қадамға өтіңіз.
Mac компьютеріңіздің құпиялылық және қауіпсіздік параметрлерін теңшеңіз, Screen Time параметрін қосыңыз және т.б. әрекеттерді орындаңыз
Орын қызметтері параметрін қосыңыз. Maps сияқты қолданбалардың Mac компьютеріңіздің орнын пайдалануға рұқсат ету-етпеуді таңдаңыз. Location Services параметрлеріңізді кейінірек өзгерту үшін System Settings терезесін ашыңыз, бүйірлік жолақтағы Privacy & Security түймесін басыңыз, одан кейін Location Services түймесін басыңыз және опцияларыңызды таңдаңыз.
Location Services параметрін қоспасаңыз, келесі уақытта уақыт белдеуін таңдауға арналған экранды көресіз.
Талдау деректерін Apple корпорациясымен және Әзірлеушілермен бөлісіңіз. Apple корпорациясына диагностика мен деректерді жіберу керек не керек еместігін және Apple корпорациясының бұзылу және қолданыс деректерін әзірлеушілермен бөлісе алатындығын таңдаңыз. Бұл параметрлерді кейінірек өзгерту үшін System Settings терезесін ашыңыз, бүйірлік жолақтағы Privacy & Security түймесін басыңыз, Analytics & Improvements түймесін басыңыз (айналдыруыңыз керек болуы мүмкін)және опцияларды таңдаңыз.
Screen Time функциясын орнатыңыз. Screen Time функциясы Mac Studio компьютеріңізді күнделікті және апта сайынғы пайдалануыңызды көруіңізге, белгілі бір қолданбаларды пайдалану ұзақтығына шектеу орнатуыңызға, балалардың экран уақытын басқаруыңызға және т.б. мүмкіндік береді. Қосу үшін Continue түймесін басыңыз; болмаса, Set Up Later түймесін басыңыз. Кейінірек орнатуды таңдасаңыз, System Settings терезесін ашыңыз және опцияларыңызды таңдау үшін бүйірлік жолақтағы Screen Time түймесін басыңыз. Көбірек параметрлер мен мәліметтер үшін Mac компьютеріндегі Screen Time бөлімін қараңыз.
Деректеріңізді FileVault арқылы қорғаңыз. FileVault деректеріңізді қауіпсіз сақтауыңызға көмектеседі. Орнату кезінде деректеріңізді қорғау үшін FileVault қолданбасын қосуды таңдауыңызға болады және құпия сөзіңізді ұмытқан жағдайда iCloud тіркелгіңізге дискінің құлпын ашуға рұқсат беруді таңдауыңызға болады. FileVault туралы қосымша мәліметтерді және оны кейінірек орнату жолын Mac деректерін FileVault арқылы шифрлау бөлімінен қараңыз.
Siri көмекшісін және «Hey Siri» параметрін қосу. Siri көмекшісі мен «Hey Siri» параметрін (Siri сұрауларыңызды айта алу үшін) орнату кезінде қосуыңызға болады. Siri көмекшісін орнату үшін Enable Ask Siri түймесін басыңыз. «Hey Siri» параметрін орнату үшін сұралған кезде бірнеше Siri пәрмендерін айтыңыз. Siri және «Hey Siri» функцияларын кейінірек қосу үшін System Settings терезесін ашыңыз, бүйірлік жолақтағы Siri & Spotlight түймесін басыңыз және опцияларыңызды таңдаңыз. Siri туралы қосымша мәліметтер алу үшін Mac компьютеріңіздегі Siri көмекшісі бөлімін қараңыз.
Орнату кезінде Siri көмекшісін жақсарту үшін дыбысты Apple корпорациясымен бөлісуді тадауыңызға да болады. Кейінірек аудионы бөлісу не бөліспеуді әрқашан өзгерте аласыз. System Settings терезесін ашыңыз, бүйірлік жолақтағы Privacy & Security түймесін басыңыз, Analytics & Improvements түймесін басыңыз (айналдыруыңыз керек болуы мүмкін)және опцияларыңызды таңдаңыз.
Touch ID және Apple Pay функцияларын орнату
Ескертпе: Бұл қадамдар Magic Keyboard пернетақтаңызды Touch ID функциясымен жұптаған жағдайда пайда болады.
Touch ID қызметін орнатыңыз. Орнату кезінде Touch ID жүйесіне (пернетақтадағы жоғарғы оң жақ түйме) саусақ ізін қосуыңызға болады, оны Mac Studio құлпын ашу, Apple Pay арқылы сатып алуға рұқсат беру және кейбір үшінші тарап қолданбаларына кіру үшін пайдалануыңызға болады. Touch ID функциясын орнату үшін экрандағы нұсқауларды орындаңыз. Touch ID функциясын кейінірек орнату үшін немесе қосымша саусақ іздерін қосу үшін System Settings терезесін ашыңыз, одан кейін бүйірлік жолақтағы Touch ID & Password түймесін басыңыз. Саусақ ізін қосу үшін 
түймесін басыңыз және экрандағы нұсқауларды орындаңыз.
Қосымша мәліметтерді macOS жүйесінің пайдаланушы нұсқаулығындағы Mac компьютеріндегі Touch ID идентификаторын пайдалану бөлімінен қараңыз.
Apple Pay қызметін орнатыңыз. Егер Touch ID функциясын орнатсаңыз, Apple Pay жүйесін орнатуыңызға және Touch ID арқылы сатып алу үшін пайдалануға болатын дебет, несие немесе дүкен картасын қосуыңызға болады. Карта мәліметтеріңізді енгізіңіз және экрандағы нұсқауларды орындаңыз. Картаны мультимедиа сатып алулары үшін бұрыннан пайдалансаңыз, сізден алдымен осы картаны растау сұралуы мүмкін.
Apple Pay қызметін орнату немесе қосымша карталарды кейінірек қосу үшін System Settings терезесін ашыңыз, одан кейін Wallet & Apple Pay түймесін басыңыз. Apple Pay қызметін орнату үшін экрандағы нұсқауларды орындаңыз.
Ескертпе: Карта шығарушысы картаның Apple Pay қызметімен пайдалануға жарамды екенін анықтайды және растау процесін аяқтау үшін сізден қосымша ақпарат беруді сұрауы мүмкін. Көптеген несие және дебет карталарын Apple Pay қызметімен пайдалануға болады. Apple Pay қолжетімділігі және ағымдағы несиелік карта шығарушылары туралы ақпаратты Apple Pay қатысушы банктері атты Apple Support мақаласынан қараңыз.
Жұмыс үстелі көрінісін орнату
Көрінісіңізді таңдау. Жұмыс үстелі көрінісіңіз үшін Light, Dark немесе Auto параметрін таңдаңыз. Кейінірек орнату кезінде жасаған таңдауыңызды өзгерткіңіз келсе, System Settings терезесін ашыңыз, Appearance түймесін басыңыз, одан кейін параметрді таңдаңыз. Бөлектеу түсі немесе бүйірлік жолақтың белгіше өлшемі сияқты басқа көрініс параметрлерін орнатуыңызға да болады. Make This Your New Mac мүмкіндігімен жылдам орнатуды таңдасаңыз, бұл қадамды өткізіп жібересіз.
Ескертпе: Make This Your New Mac мүмкіндігімен жылдам орнатуды таңдасаңыз, бұл қадамды өткізіп жібересіз.
Орнату аяқталды
Жаңа Mac Studio компьютеріңіз пайдалануға дайын. Келесі қадамдарды Mac Studio компьютеріңізді орнатуды аяқтаған кезде бөлімінен қараңыз.