MacBook Neo – úrræðaleit vegna rafmagnsleysis

• Finna tengi á Mac

• Finna straumbreyti Mac-tölvunnar

• Um aflstillingar Mac-tölvunnar

• Notkun straumbreyta, kapla og millistykkja frá Apple með Apple-vörum

• Ef Mac-tölvan kveikir ekki á sér

• Um straumbreyti Mac-fartölvunnar

1. Leitið eftir vökvaskemmdum í tölvunni. Snerting við vökva getur valdið skammhlaupi í innri rafrásum og valdið bilun í tölvunni.

2. Gangið úr skugga um að straumbreytirinn og hleðslukapallinn séu af réttri gerð fyrir tölvuna. Annars konar straumbreytar eða hleðslukaplar kunna að vera svipaðir í útliti en gefa mögulega ekki nægt afl til að kveikja á eða hlaða tölvuna. Athugið að aðeins sumir straumbreytar og hleðslukaplar bjóða upp á hraðhleðslu. Skoðið hjálpargreinina hér að ofan til að fá frekari upplýsingar um hvernig bera má kennsl á straumbreyti og hraðhleðslu fyrir Mac-tölvur.

3. Skoðið öll USB-C-tengi og op á topphulstri tölvunnar í leit að aflögun, skemmdum eða óhreinindum sem gætu hindrað tenginguna. Hreinsið hvert tengi varlega með litlum mjúkum bursta sem er ekki úr málmi. Gangið úr skugga um að burstinn sé hreinn og þurr. Notið passlega mörg hár á burstanum til að komast inn í tengið. Snúið hárunum til að losa um og ná út óhreinindum. Burstið óhreinindi frá tenginu til að koma í veg fyrir að þau berist í tengið.

   • Varúð: Áður en tengi eru hreinsuð skal aftengja alla kapla og slökkva á tölvunni. Notið ekki úðabrúsa, leysiefni, slípiefni eða hreinsiefni sem innihalda vetnisperoxíð sem gætu valdið skemmdum á yfirborðinu. Ekki skal nota málmhluti til að hreinsa burt óhreinindi eða hindranir þar sem þeir geta valdið skammhlaupi í tenginu og valdið skemmdum. Forðist að raki komist í op og ekki úða vökva beint á tölvuna. Ekki nota þrýstiloft í op tengis þar sem það gæti keyrt óhreinindi lengra inn í tengið.

4. Mögulegt er að kveikt sé á tölvunni en að aðeins líti út fyrir að slökkt sé á henni. Gangið úr skugga um að slökkt sé á tölvunni. Ef ekki er ljóst hvort kveikt eða slökkt sé á tölvunni skal halda aflrofanum inni til að slökkva á henni. Bíðið í nokkrar sekúndur. Ýtið svo aftur á aflrofann til að kveikja aftur á tölvunni.

Ef vandamálið var ekki leyst með því að fylgja hjálpargrein eða með því að prófa skjót skref fyrir úrræðaleit skal keyra þessi handvirku próf til að einangra orsök vandamálsins:

1. Ákvarðið hvort afl sé á tölvunni með því að ganga úr skugga um eitthvað af eftirfarandi:

   • Tölvan gefur til kynna hvenær hleðslukapall er tengdur (til dæmis með hljóði)

   • Innbyggðar skjáaðgerðir

   • Athugið: MacBook Neo notar vélrænt snertiborð sem smellir alltaf hvort sem er kveikt eða slökkt á tölvunni. Ekki treysta á smelli á snertiborði til að staðfesta að kveikt sé á þessari gerð.

2. Ef tölvan sýnir einhver merki um að kveikt sé á henni skal skoða Úrræðaleit vegna vandamála með ræsingu.

Ef vandamálið var ekki leyst eða orsökin einangruð með því að fylgja hjálpargreinum eða keyra handvirk próf skal skoða viðgerðahandbók tölvunnar til að opna og skoða tölvuna. Hluti sem hefur skemmst eða færst til gæti verið að valda einhverju vandamálanna.

1. Fylgið leiðbeiningum um verkferli í viðgerðahandbókinni til að fjarlægja botnhulstrið og takið rafhlöðuna úr sambandi við móðurborðið.

2. Skoðið innri hluti og hulstrið í leit að vísbendingum um hnjask, vökvaskemmdir, óhreinindi eða brunnin eða sviðin svæði. Skoðið alla viðeigandi sveigjanlega kapla og innri tengi með tilliti til ummerkja um skemmdir eða breytingar, svo sem filmur eða aðskotahluti sem gætu truflað virkni tengis.

3. Finnið tengið fyrir sveigjanlegan kapal USB-C-spjaldanna og gangið úr skugga um að sveigjanlegi kapallinn sé til staðar og tengdur. Ef sveigjanlega kapalinn vantar gæti hann verið undir móðurborðinu. Fjarlægið móðurborðið til að finna sveigjanlega kapalinn. Aftengið og setjið tengi sveigjanlegs kapals USB-C-spjaldanna aftur í samband við móðurborðið til að staðfesta tenginguna.

4. Prófið hvort rafhlaðan komi í veg fyrir að kveikt sé á tölvunni. Hafið rafhlöðuna aftengda og reynið að kveikja á tölvunni með hleðslukapalinn tengdan. Hafið síðan hleðslukapalinn áfram tengdan, tengiða rafhlöðuna aftur og reynið að kveikja á tölvunni. Ef kviknar á tölvunni meðan rafhlaðan er aftengd og ekki er hægt að kveikja á henni rafhlaðan er tengd er mælt með að skipta um rafhlöðu. Haldið áfram í næsta hluta. Ef ekki kviknar á tölvunni hvort sem rafhlaðan er tengd eða ekki má ætla að vandamál sé til staðar í tengslum við USB-C-spjöld eða móðurborð. Haldið áfram í næsta hluta. Ef kviknar á tölvunni en hún lýkur ekki ræsingarferlinu skal skoða úrræðaleit vegna vandamála með ræsingu. Ef kviknar á tölvunni og hún lýkur ræsingarferlinu gæti orsök aflvandamálsins hafa verið að það þurfti að hagræða rafhlöðutengingunni.

5. Valfrjálst: Prófið hvort rafhlaðan hlaði sig. Tengið tölvuna við viðeigandi Apple USB-C straumbreyti og hleðslukapal. Hlaðið í að minnsta kosti 30 mínútur. Hafið hleðslukapalinn tengdan og reynið að kveikja á tölvunni. Ef ekki kviknar á tölvunni eftir hleðslu er mælt með viðgerð. Haldið áfram í næsta hluta. Ef kviknar á tölvunni en hún lýkur ekki ræsingarferlinu skal skoða úrræðaleit vegna vandamála með ræsingu. Ef kviknar á tölvunni og hún lýkur ræsingarferlinu gæti verið að aflvandamálið hafi stafað af því að rafhlaðan hafi verið tóm.

6. Ef kviknaði á tölvunni við innri skoðun og prófun gæti vandamálið hafa verið leyst með því að hagræða sveigjanlegum kapli USB-C-spjaldanna aftur í eða hlaða rafhlöðuna. Tengið rafhlöðuna aftur (ef hún er aftengd), ljúkið samsetningu og staðfestið virkni.

Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um íhlut. Aðra þjónustuvalkosti er að finna á support.apple.com/repair.

Ef vandamálið var ekki leyst eða orsökin einangruð með því að fylgja fyrri skrefum skal skipta um eftirfarandi íhluti fyrir hvert vandamál sem við á:

Mikilvægt: Reynið alltaf að endurvekja eða endurheimta tölvuna með því að fylgja skrefunum í hvernig á að endurvekja eða endurheimta Mac-fastbúnað áður en vélbúnaðarviðgerð er reynd.

• Ef skemmdir finnast á hleðslutengjunum skal skipta um USB-C-spjöldin.

• Ef prófun bendir til rafhlöðuvandamála skal skipta um rafhlöðuna.

• Ef enginn tiltekinn bilaður íhlutur greindist hér fyrir ofan skal skipta um móðurborðið.

Viðgerð lokið

Viðgerðaraðstoð kann að vera í boði í tækinu til að ljúka viðgerðinni, allt eftir því hvaða íhlut er skipt út. Upplýsingar um hvernig á að ræsa viðgerðaraðstoð.

Staðfesting eftir viðgerð

Keyrið eftirfarandi greiningarpakka eftir viðgerðina:

• Skoðunarbúnaður fyrir Mac-tölvu (MRI) (til að prófa heildarvirkni)

Að viðgerð lokinni skal kveikja á tölvunni og ganga úr skugga um að leyst hafi verið úr vandamálinu.

Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um íhlut. Aðra þjónustuvalkosti er að finna á support.apple.com/repair.