Neðri hátalari fyrir iPhone 17 Pro Max

Áður en hafist er handa

Viðvörun

Lesið Öryggi með rafhlöðu og fylgið leiðbeiningum um vinnuumhverfi og meðhöndlun rafhlöðu áður en hafist er handa.

Verkfæri

Stillanlegur átaksmælir (10–34 Ncm)
ESD-örugg töng
44 mm hálfmánabiti með krosshaus
50 mm krosshausabiti
Nítrílhanskar eða lófríir hanskar
Nemi úr næloni (svartur teinn)
Átaksmælir (blár, 0,65 kgf. cm)
Átaksmælir (appelsínugulur, 0,85 kgf. cm) (fyrir gerðir með SIM-korti)
25 mm Torx Plus 4IP-biti (fyrir gerðir með SIM-korti)

Skoðið ítarlegan lista yfir verkfæri sem þarf fyrir allar viðgerðir.

Losun

Athugið: Ef sundurhlutunarskrefum er þegar lokið skal fara beint í samsetningu.

Mikilvægt

Ljúkið sundurhlutunarskrefum 1 til og með 5 fyrir skjá. Haldið síðan áfram í skref 1.

Notið átaksmæli og krosshausabita til að fjarlægja átta krosshausaskrúfur. Ljúkið síðan öllu skrefinu áður en haldið er í næsta skref.
- Athugið: Skrúfan sem er næst USB-C tenginu er staðsett á hliðarvegg hulstursins.
- Fjarlægið tengihlíf rafhlöðunnar og tengihlíf skjásins og geymið þær fyrir samsetningu.
- Lyftið enda sveigjanlega rafhlöðukapalsins af tenginu.
- Takið enda sveigjanlega skjákapalsins og sveigjanlega kapals birtuskynjarans af tengjunum.
- Haldið um brúnir skjásins. Togið í flipana á sogskálunum til að losa þær af skjánum. Leggið síðan framhlið skjásins á hreinan, sléttan flöt.
Fyrir gerðir með eSIM skal fara í sundurhlutunarskref 4. Fyrir gerðir með SIM-korti skal fjarlægja SIM-kortabakkann. Ljúkið síðan þeim sundurhlutunarskrefum sem eftir eru.
- Notið stillanlega átaksmælinn og 4IP-bita til að fjarlægja 14 4IP-skrúfur í þeirri röð sem sýnd er.
- Lyftið rafhlöðunni úr hulstrinu.
Notið átaksmæli og krosshausabita til að fjarlægja tvær krosshausaskrúfur úr SIM-samstæðunni. Ljúkið síðan öllu skrefinu áður en haldið er í næsta skref.
- Hallið SIM-samstæðunni upp til að komast að sveigjanlega kaplinum undir henni.
- Lyftið endanum á sveigjanlega kapli SIM-samstæðunnar af tenginu. Fjarlægið SIM-samstæðuna og geymið hana fyrir samsetningu.
Notið svarta teininn til að aðskilja rafhlöðuþynnu Taptic Engine frá neðri hátalaranum.
- Lyftið neðri hátalaranum varlega úr hulstrinu.
- Varúð: Ekki skemma fjaðrirnar á neðri hátalaranum.

Samsetning

Skýringarmyndir fyrir skrúfur

Gerðir með eSIM

Gerðir með SIM-korti

Gangið úr skugga um að hátalaratengið (1) og hátalaragatið (2) séu óskemmd og laus við aðskotahluti.
- Varúð: Óhreinindi í hátalaratenginu og hátalaragatinu geta haft áhrif á hljómgæði.
Látið hátalarann flútta við hátalaratengið þegar hann er látinn síga á sinn stað.
Fyrir gerðir með eSIM skal fara í samsetningarskref 4. Fyrir gerðir með SIM-korti skal ljúka öllu skrefinu áður en haldið er í næsta skref.
- Látið SIM-samstæðuna síga niður í hulstrið. Ýtið endanum á sveigjanlegum kapli SIM-samstæðunnar að tenginu.
- Hallið SIM-samstæðunni og látið hana síga niður í hulstrið. Gangið úr skugga um að skrúfufestingar SIM-samstæðunnar hvíli ofan á skrúfugötum neðri hátalarans.
- Notið appelsínugula átaksmælinn og krosshausabita til að skrúfa tvær nýjar krosshausaskrúfur í SIM-samstæðuna.
  - Ein skrúfa (923-13710) (1)
  - Ein skrúfa (923-13955) (2)
Stillið herslugildi 10–34 Ncm stillanlega átaksmælisins á 14 Ncm. Notið stillanlega átaksmælinn og krosshausabita til að skrúfa fjórar nýjar krosshausaskrúfur í neðri hátalarann.
- Tvær skrúfur (923-13953) (1, 2)
- Tvær skrúfur (923-13954) (3, 4)
Notið bláa átaksmælinn og krosshausabita til að skrúfa tvær nýjar krosshausaskrúfur (923-13946) í neðri hátalarann.
Ýtið á þynnuna til að líma hana aftur við neðri hátalarann.