MacBook Air (15 tommu, M2, 2023) Skjár

Áður en hafist er handa

  Varúð

• Þetta ferli krefst kerfisstillingar. Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.

• Ef skipt er um skjá þarf einnig að setja upp nýjan hornskynjara fyrir lok.

Losun

1. Notið 10–34 Ncm stillanlega átaksmælinn og 3IP bita til að fjarlægja tvær 3IP skrúfur (923-09230) úr hlíf fyrir sveigjanlega kapla skjásins.

   

2. Notið ESD-örugga töng til að fletta svampinum varlega af báðum endum tengihlífar skjátengjanna til að komast að miðjuskrúfunum tveimur.

   • Mikilvægt: Ekki fjarlægja svampinn úr tengihlífinni.

3. Notið bláa átaksmælinn og 3IP hálfmánabita til að fjarlægja fjórar 3IP skrúfur (923-08925) úr tengihlíf fyrir skjáinn.

   

4. Fjarlægið tengihlíf skjátengjanna og geymið hana fyrir samsetningu.

   

5. Notið svartan tein til að lyfta endum sveigjanlegu skjákaplanna tveggja (1) og sveigjanlega kapals hornskynjara fyrir lok (2) af tengjunum.

   

6. Opnið skjáinn. Leggið síðan tölvuna á borðbrúnina með skjáinn hangandi niður.

   • Varúð: Gangið úr skugga um að sveigjanlegu skjákaplarnir festist ekki í móðurborðinu þegar skjáinn er opnaður.

   

7. Notið 0,3–1,2 Nm stillanlega átaksmælinn og 8IP bita til að fjarlægja átta 8IP skrúfur (923-09561) úr skjálömunum.

   

8. Hallið skjánum alveg upp.

   • Varúð: Gangið úr skugga um að sveigjanlegi kapall hornskynjara fyrir lok festist ekki í topphulstrinu (1) þegar skjánum er lyft úr topphulstrinu (2).

   

Samsetning

1. Setjið skjáinn á topphulstrið eins og sýnt er.

   • Varúð: Gangið úr skugga um að sveigjanlegi kapall hornskynjara fyrir lok (1) og sveigjanlegu skjákaplarnir (2) festist ekki í topphulstrinu eða móðurborðinu.

   

2. Notið 0,3–1,2 Nm stillanlega átaksmælinn og 8IP bita til að skrúfa átta 8IP skrúfur (923-09561) lauslega í skjálamirnar.

   

3. Lyftið topphulstrinu af borðinu til að loka skjánum undir því. Gangið úr skugga um að skjárinn flútti við topphulstrið.

   

4. Stillið herslugildi 0,3–1,2 Nm stillanlega átaksmælisins á 0,75 Nm. Notið stillanlega átaksmælinn og 8IP bita til að skrúfa 8IP skrúfurnar átta í þeirri röð sem sýnd er.

   

5. Ýtið endum tveggja sveigjanlegra skjákapla í tengin á móðurborðinu.

   • Mikilvægt

     • Ef skipt er um skjá skal skipta um hornskynjara fyrir lok. Því næst skal setja hina hlutana aftur í til að ljúka samsetningu.

     • Farið í skref 6 ef sami skjárinn er settur á.

   

6. Þrýstið endanum á sveigjanlegum kapli hornskynjara fyrir lokið á tengið á hljóðspjaldinu.

   

7. Setjið tengihlíf skjátengjanna yfir endana á sveigjanlegu skjáköplunum.

   

8. Notið bláa átaksmælinn og 3IP hálfmánabita til að skrúfa tvær 3IP skrúfur (923-08925) aftur í ytri enda tengihlífar skjátengjanna (1).

9. Notið ESD-örugga töng til að fletta svampinum af við enda tengihlífar skjátengjanna til að komast að miðjuskrúfgötunum.

10. Notið bláa átaksmælinn og 3IP hálfmánabita til að skrúfa tvær 3IP skrúfur (923-08925) (2) í miðja tengihlíf skjátengjanna. Þrýstið síðan svampinum varlega yfir báðar skrúfurnar.

    

11. Stillið herslugildi 10–34 Ncm stillanlega átaksmælisins á 11,5 Ncm. Notið stillanlega átaksmælinn og 3IP bita til að skrúfa tvær 3IP skrúfur (923-09230) aftur í tengihlíf sveigjanlegu skjákaplanna.

    

Setjið eftirfarandi hluti aftur í til að ljúka samsetningu:

• Loftnet

• Hægri hátalari

• Vinstri hátalari

• Hlífar fyrir skjálöm

• Botnhulstur

Varúð

Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.