iPhone 13 Skjár

Áður en hafist er handa

Viðvörun

• Lestu Öryggi rafhlöðu og fylgdu leiðbeiningum um vinnuumhverfi og meðhöndlun rafhlöðu áður en hafist er handa.

• Lestu Öryggi vegna brotins glers áður en hafist er handa.

Varúð

• Þetta ferli krefst kerfisstillingar. Eftir að lokið hefur verið við að fjarlægja allt og setja saman skal fylgja leiðbeiningunum til að ræsa kerfisstillingu.

• Ekki snerta bakhlið skjásins. Það getur haft áhrif á myndgæði ef komið er við bakhlið skjásins.

Mikilvægt

Lestu Hitabúnaður til að fjarlægja skjá ef verið er að setja upp hitabúnaðinn í fyrsta skipti.

Losun

1. Settu hulstrið í viðgerðarbakkann þannig að Lightning-tengið snúi að hakinu. Notaðu átaksskrúfjárn og Torx-öryggisbita til að fjarlægja öryggisskrúfurnar tvær, eina sitt hvorum megin við Lightning-tengið. Settu skrúfurnar til hliðar.

   

2. Snúðu rofanum aftan á hitabúnaðinum til að kveikja á honum. Það mun kvikna á innri viftunni. Bíddu eftir að gátmerki birtist á skjánum.

   • Athugaðu: Ef villukóði birtist á skjánum skal slökkva á búnaðinum og kveikja á honum aftur.

   

3. Taktu iPhone úr viðgerðarbakkanum. Settu síðan iPhone varlega í upphitaða skjávasann þannig að skjárinn snúi upp og Lightning-tengið snúi að botni vasans.

   • Mikilvægt: Gakktu úr skugga um að klemmunni á hlið vasans sé smellt upp.

   

4. Smelltu klemmunni á hlið vasans niður til að festa iPhone á sinn stað.

   

5. Farðu í hitaþolnu hanskana. Láttu útskurðinn á neðri hluta vasans passa við brautina á búnaðinum. Renndu vasanum með iPhone-símanum á brautina á búnaðinum.

   • Viðvörun: Ekki setja vasann í búnaðinn án þess að nota hitaþolna hanska.

   

6. Renndu vasanum inn í búnaðinn þar til vasinn smellur á sinn stað.

   

   • Athugaðu: Skjárinn á búnaðinum verður rauður og teljarinn telur niður frá 2 mínútum þar til vasinn nær réttu hitastigi. Þegar tímastillirinn endar sýnir skjárinn 0, búnaðurinn gefur frá sér hljóðmerki og skjárinn verður grænn.

     

7. Snúðu hnappinum á búnaðinum réttsælis til að lækka sogskálina eins nálægt iPhone og mögulegt er án þess að snerta hann.

   • Varúð: Til að koma í veg fyrir skemmdir á iPhone-símanum skal ekki snúa hnappinum fyrr en búnaðurinn gefur frá sér hljóðmerki, skjárinn verður grænn og tímastillirinn sýnir 0.

   • Athugaðu: Búnaðurinn gefur frá sér hljóðmerki þar til sogskálin er látin síga.

   

8. Taktu í handfangið og renndu sogskálinni beint út þar til brún hennar flúttar við neðri brún skjásins.

   • Varúð: iPhone-síminn getur skemmst ef brúnir sogskálarinnar flútta ekki við skjáinn.

   

9. Snúðu hnappinum á búnaðinum réttsælis til að lækka sogskálina á skjáinn (1). Smelltu síðan handfanginu á sogskálinni niður til að festa hana við skjáinn (2).

   • Mikilvægt: Eftir að sogskál hefur verið sett á iPhone byrjar skjárinn að telja niður úr 15 mínútum. Þegar tímastillirinn sýnir 0 slokknar á hitabúnaðinum. Gættu þess að ljúka skrefum 10 og 11 innan tímarammans.

   

10. Snúðu hnappinum á búnaðinum rólega rangsælis þar til skjárinn byrjar að losna frá hulstrinu.

    • Mikilvægt: Ef þú sérð ekki strax bil á milli skjásins og hulstursins skaltu bíða í 30 sekúndur. Ef þú sérð enn ekki bil skaltu snúa silfurlita hluta hnappsins rangsælis þar til skjárinn byrjar að losna frá hulstrinu.

    

11. Stingdu brún límbandsskerans á milli skjásins og hulstursins. Renndu skeranum á milli skjásins og hulstursins til hægri og vinstri eins og sýnt er þar til skjárinn losnar úr hulstrinu að hluta til.

    

    • Varúð: Til að koma í veg fyrir skemmdir á snúrum skal ekki halla skjánum upp á við um meira en 5 gráður.

    

12. Smelltu handfanginu upp til að losa sogskálina. Renndu slétta enda svarta teinsins varlega undir brún sogskálarinnar til að losa hana frá skjánum (2).

    • Varúð: Ekki snúa hnappinum. Ef hnappinum er snúið getur það skemmt snúrurnar.

    

13. Ýttu á losunarhnappinn á hlið vasans til að losa vasann úr búnaðinum.

    

14. Haltu um báðar hliðar vasans og renndu honum beint út úr búnaðinum.

    

15. Smelltu upp klemmunni á hlið vasans til að losa iPhone (1). Haltu um svæðið sem er merkt með bláu og taktu iPhone varlega úr vasanum (2).

    

16. Settu iPhone í viðgerðarbakkann þannig að skjárinn snúi upp og Lightning-tengið snúi að hakinu. Farðu úr hönskunum.

17. Renndu skjánum örlítið að neðri hluta iPhone-símans.

18. Stingdu brún límbandsskerans í efri hluta iPhone á milli skjásins og hulstursins. Haltu límbandsskeranum í 45 gráðu horni. Byrjaðu í miðjunni og skerðu meðfram toppi og hliðum iPhone þar til skjárinn er laus.

    

    • Varúð: Til að koma í veg fyrir skemmdir á snúrum skal ekki halla skjánum upp á við um meira en 5 gráður.

    

19. Settu sogskálarnar á viðgerðarbakkanum í raufarnar á viðgerðarbakkanum.

    

20. Hallaðu skjánum upp í átt að sogskálunum. Ýttu á efri og neðri brúnir skjásins til að festa hann við sogskálarnar.

    • Varúð

      • Til að koma í veg fyrir að hulstrið eða skjárinn skemmist skal ganga úr skugga um að innri skjáklemmurnar séu losaðar áður en skjánum er lyft.

      • Ekki skemma snúrurnar þegar skjánum er hallað upp.

    • Viðvörun: Ef rafhlaðan er beygluð, götótt eða skemmd á annan hátt skal hætta viðgerðinni. Þú finnur þjónustuvalkost á support.apple.com/repair.

    

21. Notaðu átaksskrúfjárn og JCIS-bitann til að fjarlægja stjörnuskrúfurnar þrjár úr neðri hlífinni. Settu skrúfurnar til hliðar.

    

22. Notaðu ESD-töng til að fjarlægja neðri hlífina. Geymdu hlífina fyrir samsetningu.

23. Notaðu átaksskrúfjárn og JCIS-bita til að fjarlægja tvær stjörnuskrúfur úr efri hlífinni. Settu skrúfurnar til hliðar.

    

24. Haltu efri hlífinni á sínum stað. Notaðu átaksskrúfjárn og Micro stix-bitann til að fjarlægja þríblaða skrúfuna úr efri hlífinni. Settu skrúfuna til hliðar.

    

25. Notaðu ESD-örugga töng til að lyfta upp efri hlífinni (1). Renndu síðan hlífinni út og undan snúru skynjarans fyrir umhverfislýsingu (2). Geymdu hlífina fyrir samsetningu.

    • Varúð: Ekki rífa snúru skynjara fyrir umhverfislýsingu á meðan hlífin er fjarlægð.

    

26. Notaðu svarta teininn til að lyfta enda rafhlöðusnúrunnar af tenginu.

    • Varúð: Fyrst verður að aftengja rafhlöðusnúruna til að tryggja að áfram sé slökkt á iPhone.

    

27. Notaðu svarta teininn til að lyfta enda skjásnúrunnar af tenginu.

    

28. Notaðu svarta teininn til að lyfta enda snúru skynjarans fyrir umhverfislýsingu af tenginu.

    

29. Haltu um brúnir skjásins. Togaðu í flipana á sogskálunum til að losa þær frá skjánum. Leggðu síðan framhlið skjásins á hreinan, sléttan flöt.

30. Fjarlægðu sogskálarnar úr viðgerðarbakkanum.

31. Notaðu ESD-töng til að taka upp límið. Togaðu síðan í límið til að fjarlægja það úr hulstrinu. Endurtaktu þetta ferli þar til allt lím hefur verið fjarlægt af brúnum hulstursins.

    • Varúð: Ekki snerta TrueDepth-myndavélarsamstæðuna, fjaðrirnar eða nálæga hluti.

    

32. Notaðu ESD-töngina til að fjarlægja jarðtengingarfrauðið af efsta hluta hulstursins eins og sýnt er.

    

33. Notaðu etanól- eða ísóprópýlalkóhólþurrkur til að hreinsa allar límleifar úr hulstrinu.

    • Varúð: Ekki nota etanólþurrkur eða IPA-þurrkur á skjáinn. Etanól eða ísóprópýlalkóhól getur skemmt skjáinn og haft áhrif á myndgæði.

Samsetning

1. Skoðaðu innri skjáklemmurnar í leit að skemmdum fyrir samsetningu. Gakktu úr skugga um að innri skjáklemmurnar séu í 90 gráðu horni og séu ekki bognar eða skemmdar.

   

   • Mikilvægt

     • Ef innri skjáklemmurnar eru skemmdar gæti þurft að skipta um skjá.

     • Ef nýr skjár er settur í skal fletta filmuhlífinni af efri hlutanum og undirhliðinni.

2. Settu hulstrið í viðgerðarbakkann þannig að Lightning-tengið snúi að hakinu.

3. Skoðaðu TrueDepth-myndavélina. Gakktu úr skugga um að efri brún TrueDepth-myndavélarinnar sé undir brún hulstursins.

   • Varúð: Ef TrueDepth-myndavélin er ekki á réttum stað skal nota svarta teininn til að koma henni fyrir á sínum stað.

     

   • Viðvörun: Skoðaðu hulstrið í leit að lausum skrúfum eða aukaskrúfum og litlum hlutum sem geta skemmt rafhlöðuna og valdið öryggishættu.

4. Settu límfilmuna yfir hulstrið með jarðtengingarfrauðið efst og neðri flipann hægra megin.

   • Varúð: Gakktu úr skugga um að þú hafir fjarlægt allar límleifar af skjánum og hulstrinu áður en þú setur nýju límfilmuna á.

5. Lím nýja skjásins er með losunarfilmu á efri hlutanum, fyrir miðju og neðri hlutanum. Gríptu um flipann á neðstu losunarfilmunni. Dragðu síðan neðstu losunarfilmuna (1) varlega af líminu (2) á meðan líminu er þrýst inn í hulstrið.

   • Mikilvægt: Ekki fjarlægja efstu losunarfilmuna strax.

     

     • Neðsta losunarfilma (1)

     • Lím (2)

   • Athugaðu: Límfilman fyrir þína gerð gæti litið öðruvísi út en á myndinni, en aðferðin er sú sama.

     

6. Notaðu svarta teininn til að festa jarðtengingarfrauðið við eins og sýnt er.

   • Varúð: Ef ekki tekst að festa jarðtengingarfrauðið getur það skemmt skjáinn, Wi-Fi eða TrueDepth-myndavélina.

   

7. Settu skjálímspressuplötuna ofan á hulstrið með táknið efst í hægra horninu eins og sýnt er.

   

8. Settu viðgerðarbakkann með iPhone-símanum í skjápressuna. Dragðu niður arminn þar til skjápressan læsist.

   

9. Bíddu þar skjápressan gefur frá sér hljóðmerki og tímastillirinn sýnir 0. Dragðu niður arminn (1) og togaðu losunarhnappinn út (2). Lyftu síðan arminum (3).

   

10. Taktu viðgerðarbakkann úr skjápressunni og fjarlægðu pressuplötuna.

11. Fjarlægðu fyrst vinstri hluta efstu losunarfilmunnar (1). Fjarlægðu síðan hlutana þrjá sem liggja efst (2), til hægri (3) og neðst (4).

    • Mikilvægt: Ekki fjarlægja miðjufilmuna strax.

      

      • Efsta losunarfilma

    

12. Settu sogskálarnar í viðgerðarbakkann.

13. Láttu vinstri brún skjásins mæta vinstri brún hulstursins eins og sýnt er. Ýttu varlega á skjábrúnirnar til að festa skjáinn við sogskálarnar.

14. Þrýstu endum skjásnúrunnar (1) og snúru skynjara fyrir umhverfislýsingu (2) að tengjunum. Þrýstu jafnt eftir endilöngum tengjunum.

15. Ýttu enda rafhlöðusnúrunnar að tenginu (3). Þrýstu jafnt eftir endilöngu tenginu.

    

16. Notaðu ESD-töng til að staðsetja neðri hlífina yfir endunum á skjá- og rafhlöðusnúrunum.

    

17. Notaðu ESD-töngina til að renna flipanum á efri hlífinni á bak við snúru skynjara fyrir umhverfislýsingu. Leggðu síðan hlífina yfir endann á snúrunni.

    • Varúð: Gættu þess að rífa ekki snúru skynjarans fyrir umhverfislýsingu þegar hlífin er sett aftur í.

    

18. Notaðu svarta átaksskrúfjárnið og JCIS-bitann til að skrúfa fimm nýjar stjörnuskrúfur (923-06249) (1) (923-06248) (2) í efri og neðri hlífarnar.

19. Notaðu græna átaksskrúfjárnið og Micro stix-bitann til að setja eina nýja þriblaða skrúfu (923-06664) í efri hlífna.

    

20. Flettu fyrsta borðanum réttsælis af losunarfilmunni í miðjunni (1), byrjaðu neðst til hægri á hulstrinu. Flettu öðrum borðanum (2) af rangsælis og byrjaðu neðst til hægri á hulstrinu. Flettu þriðja borðanum (3) af réttsælis, byrjaðu neðst til vinstri á hulstrinu.

    • Varúð: Þriðji borðinn á miðjufilmunni liggur undir tveimur snúrum. Ekki skemma snúrurnar þegar losunarfilman er fjarlægð.

      

      • Losunarfilma í miðju

    

21. Skoðaðu skjálímið til að tryggja að það sé á réttum stað og sé ekki skemmt eða krumpað. Ef límið er skemmt skal fjarlægja það og setja nýtt lím á.

22. Endurtaktu skref 3 til að tryggja að TrueDepth-myndavélin sé á réttum stað. Haltu svo áfram að skrefi 23.

    • Viðvörun: Skoðaðu hulstrið í leit að lausum skrúfum eða aukaskrúfum og litlum hlutum sem geta skemmt rafhlöðuna og valdið öryggishættu.

23. Togaðu í flipana á sogskálunum til að losa þær frá skjánum. Hallaðu skjánum niður þannig að hann hvíli á hulstrinu.

    

24. Fjarlægðu sogskálarnar úr viðgerðarbakkanum.

25. Þrýstu öllum hornum skjásins niður samtímis. Ýttu síðan meðfram brúnum skjásins þar til hann smellur á sinn stað og flúttar við hulstrið.

    

    • Upphækkaðar brúnir

      

    • Brúnir í réttri stöðu

      

    •  Varúð: Gakktu úr skugga um að snúrurnar séu ekki klemmdar á milli skjásins og hulstursins. Þreifaðu meðfram brúnum skjásins til að leita að misfellum eða bilum. Ef skjárinn flúttar ekki skaltu endurtaka allt ferlið við að taka í sundur og athuga hvort snúrurnar séu skemmdar. Endurtaktu síðan samsetningarskref 1 til 25.

26. Settu viðgerðarbakkann með iPhone-símanum í skjápressuna. Dragðu niður arminn þar til skjápressan læsist.

    

27. Bíddu þar skjápressan gefur frá sér hljóðmerki og tímastillirinn sýnir 0. Dragðu niður arminn (1) og togaðu losunarhnappinn út (2). Lyftu síðan arminum (3).

    

28. Fjarlægðu viðgerðarbakkann úr skjápressunni.

29. Notaðu gráa átaksskrúfjárnið og Torx-öryggisbitann til að setja tvær nýjar öryggisskrúfur í, eina sitt hvorum megin við Lightning-tengið. Þegar skrúfurnar eru settar í skal þrýsta létt á skjáinn nálægt Lightning-tenginu.

    • Athugið:: Notaðu réttan skrúfulit fyrir gerðina.

      • Miðnætti (923-05080)

      • Blár, bleikur, rauður, drapplitaður (923-05081)

    • Varúð: Ef skrúfurnar flútta ekki skal fjarlægja þær og setja til hliðar. Endurtaktu skref 29 til að setja í annað nýtt skrúfusett. Ef nýju skrúfurnar eru enn ekki í flútti skaltu endurtaka öll skref til að taka í sundur og setja saman aftur.

    

Varúð

• Kerfisstillingar er krafist ef þú hefur sett í nýja rafhlöðu, myndavél eða skjá. Stilling á TrueDepth-myndavél er nauðsynleg ef þú hefur sett upp nýja TrueDepth-myndavél. Hunsaðu tilynningar um iPhone-eiginleika á lásskjánum þar til þú hefur lokið stillingu.

• Eftir að öllum fjarlægingar- og samsetningarskrefum er lokið skal hefja nauðsynlegt stillingarferli. Aðferðin við að hefja stillingu er mismunandi eftir því hvaða íhlut eða íhlutum er skipt út.

  • Ef skipt er um rafhlöðu, myndavél eða skjá skal hefja kerfisstillingu með því að setja tækið í greiningarham. Ýttu á Start Session (hefja lotu) og fylgdu leiðbeiningunum á skjánum.

    • Þú færð eina tilraun til að ljúka kerfisstillingu. Ef tilraunin er trufluð, hætt er við eða villa kemur upp mun tækið birta skilaboð þar sem þér er bent á að hafa samband við verkstæði með sjálfsafgreiðslu til að fá aðstoð.

  • Ef skipt er um TrueDepth-myndavél þarf eftirfarandi:

    • Mac-tölvu með nýjustu útgáfu af Apple Service Utility uppsetta. Þú þarft líka að setja upp „iPhone Repair – TrueDepth Camera Resources“ í Apple Service Utility Resources-glugganum.

    • Tækið verður að keyra nýjustu útgáfuna af iOS.

    • Internetaðgangur

    • Lightning-snúra

    • Eftir að þú hefur sett Apple Service Utility upp á Mac-tölvu skaltu læra hvernig á að hefja stillingarferli TrueDepth-myndavélar á support.apple.com/self-service-repair.