તમારા બાળકના ડિવાઇસ પર વાલી નિયંત્રણ સેટ અપ કરો

પગલું 1 : શરૂ કરો

તમે અને તમારો પરિવાર તમારા ડિવાઇસ અપડેટ કરો તે પછી તમને તમારા બાળક માટે વાલી નિયંત્રણ સેટ અપ કરવા માટે આમંત્રિત કરવામાં આવશે. તમારું બાળક કઈ ઍપ એક્સપ્લોર કરી શકે, તેઓ કયા સંપર્ક સાથે સંચાર કરી શકે, તેઓ ક્યારે ઍપ અને વેબસાઇટ ઍક્સેસ કરી શકે વગેરે તમે સેટ અપ કરી શકશો.

શરૂ કરવા માટે “શરૂ કરો” પર ટૅપ કરો અથવા ક્લિક કરો. જો તમે હમણાં આ પગલાં પૂર્ણ કરી શકો તેમ ન હોવ તો તમે કોઈ પણ સમયે ફેમિલી શેરિંગ સેટિંગ્સ > (તમારા બાળકનું નામ) પર જઈને શરૂ કરી શકો છો.

પગલું 2 : તમારું બાળક કયા કૉન્ટેંટને ઍક્સેસ કરી શકે તે પસંદ કરો

તમારું બાળક કઈ ઍપ, વેબસાઇટ અને કૉન્ટેંટને ઍક્સેસ કરી શકે છે તે નક્કી કરો. તમે બે સેટિંગ્સ પસંદ કરશો :

• Safariમાં તેમનો વેબસાઇટનો ઍક્સેસ મૅનેજ કરવા માટે : ફક્ત મંજૂર કરેલી વેબસાઇટ અથવા બ્રાઉઝ કરવા માટે પૂછો સાથે તમારા બાળકને Safariમાં નવી સાઇટની મુલાકાત લેતા પહેલાં તમારી મંજૂરીની જરૂર પડશે. એક વાર મંજૂર થઈ ગયા પછી તે સાઇટ ઍક્સેસિબલ રહેશે. “ઍડલ્ટ વેબસાઇટ લિમિટ કરો”થી ઘણી ઍડલ્ટ વેબસાઇટનો ઍક્સેસ લિમિટ કરવામાં આવે છે. અથવા તમે ઇંટરનેટનો અનિયંત્રિત ઍક્સેસ આપી શકો છો.

  નોટ : બાળકનું અકાઉંટ ધરાવતા 13 વર્ષથી ઓછી ઉંમરના બાળકો માટે બ્રાઉઝ કરવા માટે પૂછો સેટિંગ ડિફૉલ્ટ રૂપે ચાલુ છે. 18 વર્ષથી ઓછી ઉંમરના બાળકનું અકાઉંટ ધરાવતા બાળકો માટે પુખ્ત વ્યક્તિ માટેની વેબસાઇટને લિમિટ કરો ડિફૉલ્ટ રૂપે ચાલુ હોય છે. 13 વર્ષથી ઓછી ઉંમરનાં બાળકોને નવી વેબસાઇટ બ્રાઉઝ કરવા માટે વિનંતી કરવી પડશે અને 18 વર્ષથી ઓછી ઉંમરના બાળકોને તમામ બ્લૉક કરેલી વેબસાઇટ બ્રાઉઝ કરવા માટે અનુમતિની જરૂર પડશે. (દેશ અથવા વિસ્તાર પ્રમાણે ઉંમર બદલાઈ શકે છે.)

• તેમનો કૉન્ટેંટનો ઍક્સેસ પસંદ કરવા માટે : પુસ્તકો ઍપ જેવી Apple ઍપ દ્વારા ઉપલબ્ધ પુસ્તકો, મૂવિ, ટીવી શો અને સંગીત માટે ઉંમર અનુરૂપ રેટિંગ સેટ કરો. ઉદાહરણ તરીકે, તમે ઉંમરનું રેટિંગ સિલેક્ટ કરી શકો અથવા વાંધાજનક કૉન્ટેંટ બ્લૉક કરી શકો છો.

  નોટ : બાળકનું અકાઉંટ ધરાવતા 18 વર્ષથી ઓછી ઉંમરનાં બાળકો માટે ઉંમર આધારિત કૉન્ટેંટ અને પ્રાઇવસી પ્રતિબંધો ડિફૉલ્ટ રૂપે ચાલુ હોય છે અને તેને કોઈ પણ સમયે ઍડજસ્ટ કરી શકાય છે. (દેશ અથવા વિસ્તાર પ્રમાણે ઉંમર બદલાઈ શકે છે.)

જ્યારે તમે પૂર્ણ કરો ત્યારે ચાલુ રાખો પર ટૅપ કરો અથવા ક્લિક કરો.

પગલું 3 : તમારું બાળક કોની સાથે વાતચીત કરી શકે છે તે પસંદ કરો

તમારું બાળક ફોન, મેસેજ અને FaceTime ઍપનો ઉપયોગ કરીને કોની સાથે સંચાર કરી શકે તે મૅનેજ કરો અને તેમને સંવેદનશીલ કૉન્ટેંટથી સુરક્ષિત રાખવામાં મદદ કરો.

• તેઓ કોની સાથે વાત કરી શકે તે નક્કી કરવા માટે : જ્યારે તમારું બાળક કોઈ નવા વ્યક્તિને મેસેજ અથવા કૉલ કરવા માંગે છે, ત્યારે તમે પહેલા તે સંપર્કને રિવ્યૂ કરશો અને મંજૂરી આપશો. તમે પસંદ કરી શકો છો કે ગ્રૂપમાં દરેકને મંજૂરીની જરૂર છે અથવા થ્રેડમાં ફક્ત એક મંજૂર કરેલા સંપર્કને મંજૂરીની જરૂર છે.

  નોટ : 13 વર્ષથી ઓછી ઉંમરનાં બાળકનું અકાઉંટ ધરાવતા બાળકો માટે સંપર્ક મૅનેજમેંટ ડિફૉલ્ટ રૂપે ચાલુ છે અને 13 અને તેનાથી વધુ ઉંમરનાં બાળકનું અકાઉંટ ધરાવતા બાળકો માટે ચાલુ કરી શકાય છે. (દેશ અથવા વિસ્તાર પ્રમાણે ઉંમર બદલાઈ શકે છે.)

• સંવેદનશીલ ઇમેજ અને વીડિયોથી તેમને સુરક્ષિત રાખવામાં મદદ કરવા માટે : તમારા બાળકને એવા ફોટો મોકલવા અથવા પ્રાપ્ત કરવાથી સુરક્ષિત રાખવામાં મદદ કરો કે જેમાં ડિટેક્ટ થયેલ નગ્નતા અથવા હિંસા હોઈ શકે છે.

જ્યારે તમે પૂર્ણ કરો ત્યારે ચાલુ રાખો પર ટૅપ કરો અથવા ક્લિક કરો.

પગલું 4 : તમારું બાળક તેમનું ડિવાઇસ ક્યારે વાપરી શકે તે પસંદ કરો

અઠવાડિયાના દિવસો અને સપ્તાહાંત માટે અલગ-અલગ શેડ્યૂલ સાથે કયા કલાકોમાં તમારું બાળક ઍપ અને વેબસાઇટનો ઉપયોગ કરી શકે તે સેટ કરો. આ કલાકો સિવાય, મોટાભાગની ઍપ અને સૂચનાઓ પૉઝ કરેલી હોય છે—આ તે ફીચર છે જેને અગાઉ ડાઉનટાઇમ કહેવામાં આવતું હતું—હવે તમારા બાળકના દૈનિક શેડ્યૂલમાં બિલ્ટ ઇન છે. દરેક માટે “ઉપલબ્ધતા શરૂ” અને “ઉપલબ્ધતા સમાપ્ત” સમય પસંદ કરો.

જ્યારે તમે પૂર્ણ કરો ત્યારે ચાલુ રાખો પર ટૅપ કરો અથવા ક્લિક કરો.

પગલું 5: તમારા બાળકને ફોકસ કરવામાં મદદ કરવા માટે સ્કૂલના કલાકો સેટ અપ કરો

તમે સ્કૂલના સમય દરમિયાન તમારા બાળકને સ્કૂલમાં ફોકસ કરવામાં મદદ કરવા માટે મનોરંજન, ગેમ અને સોશિયલ મીડિયા જેવી ઍપ શ્રેણીઓ પૉઝ કરી શકો છો. અન્ય ઍપ અને વેબસાઇટ સંપૂર્ણપણે ઍક્સેસિબલ રહે છે.

“સ્કૂલના કલાકો દરમિયાન પૉઝ કરો” ચાલુ કરો પછી સ્કૂલના દિવસ માટે શરૂ થવાનો સમય અને સમાપ્ત થવાનો સમય સેટ કરો.

જ્યારે તમે પૂર્ણ કરો ત્યારે ચાલુ રાખો પર ટૅપ કરો અથવા ક્લિક કરો.

પગલું 6 : ટાઇમ અલાઉંસ સેટ કરો

ટાઇમ અલાઉંસ, જેને પહેલાં ઍપ લિમિટ કહેવામાં આવતું હતું, હવે પરિવારો મોટાભાગે મૅનેજ કરવા માંગતા હોય તેવી ઍપની શ્રેણીઓ પર લાગુ પડે છે : મનોરંજન, ગેમ અને સોશિયલ મીડિયા. તમે ત્રણેય માટે કુલ સમય સેટ કરી શકો છો, પછી કોઈ પણ એક શ્રેણી માટે સમય ઍડજસ્ટ કરી શકો છો.

જ્યારે તમે મર્યાદા સેટ કરો છો, ત્યારે તમને તમારા બાળકની ઉંમરના આધારે માર્ગદર્શન દેખાય છે જે ક્લિનિકલ અને બાળ વિકાસ નિષ્ણાતોના સંશોધન પર આધારિત હોય છે. સમયને ઍડજસ્ટ કરવા માટે સ્લાઇડરને ડ્રૅગ કરો અને જુઓ કે તે સૂચવેલી રેંજમાં આવે છે કે નહિ.

તમે તમારા પરિવાર માટે યોગ્ય હોય તે મુજબ શ્રેણી ઉમેરી પણ શકો છો અથવા કઈ ઍપ કઈ શ્રેણીમાં આવે છે તે બદલી પણ શકો છો.

જ્યારે તમે પૂર્ણ કરો ત્યારે ચાલુ રાખો પર ટૅપ કરો અથવા ક્લિક કરો.

પગલું 7 : પાસકોડ બનાવો

તમારું બાળક અનુમાન ન લગાવી શકે તેવો 4 અંકનો પાસકોડ બનાવો. જ્યારે પણ તમે વાલી નિયંત્રણ અથવા બાળકોની સુરક્ષાને લગતા ફીચર બદલો ત્યારે તમારે આ પાસકોડ એંટર કરવો પડશે.

જ્યારે તમે પૂર્ણ કરો ત્યારે ચાલુ રાખો પર ટૅપ કરો અથવા ક્લિક કરો.