మీ పిల్లల డివైజ్‌లో సున్నితమైన ఇమేజ్‌లు, వీడియోలు ఉన్నాయేమో అని చెక్ చేయడం
మీ పిల్లలు సున్నితమైన ఇమేజ్‌లు, వీడియోలను చూడకుండా లేదా షేర్ చేయకుండా కమ్యూనికేషన్ భద్రతతో సంరక్షించడంలో మీరు సహాయపడవచ్చు. పంపిన లేదా స్వీకరించిన ఇమేజ్‌లు లేదా వీడియోలలో నగ్నత్వం ఉన్నట్లు ‘కమ్యూనికేషన్ భద్రత’ గుర్తించినట్లయితే, అది ఆ ఇమేజ్‌లు లేదా వీడియోలను బ్లర్ చేసి, సహాయం పొందే ఎంపికలతో వారిని హెచ్చరిస్తుంది. కమ్యూనికేషన్ భద్రత, డివైజ్‌ను బట్టి సందేశాలు, AirDrop, కాంటాక్ట్స్ వంటి యాప్‌లలో పని చేస్తుంది. షేర్ చేయబడిన ఇమేజ్‌లు, వీడియోలలో గుర్తించబడిన ఏదైనా రక్తపాతం లేదా హింసాత్మక కంటెంట్ కూడా బ్లర్ చేయబడుతుంది.
గమనిక: కమ్యూనికేషన్ భద్రత అనేది 18 ఏళ్లలోపు పిల్లలకు డిఫాల్ట్‌గా ఆన్ చేయబడి ఉంటుంది (దేశం లేదా ప్రాంతాన్ని బట్టి వయస్సు మారుతుంది). కమ్యూనికేషన్ భద్రత గురించి మరింత సమాచారం కోసం, మీ పిల్లల Apple డివైజ్‌లో కమ్యూనికేషన్ భద్రత గురించిన వివరాలు అనే Apple మద్దతు ఆర్టికల్‌ను చూడండి.
మీ పిల్లల సెట్టింగ్‌లను ఇలా తెరవండి:
iPhone లేదా iPadలో: సెట్టింగ్స్ యాప్‌కి వెళ్ళి, ‘కుటుంబం’పై ట్యాప్ చేసి, ఆపై మీ పిల్లల పేరును ట్యాప్ చేయండి.
Macలో: సిస్టమ్ సెట్టింగ్స్‌కు వెళ్ళి, ‘కుటుంబం’పై క్లిక్ చేసి, ఆపై మీ పిల్లల పేరును క్లిక్ చేయండి.
‘కమ్యూనికేషన్ భద్రత’ను ట్యాప్ చేయండి లేదా క్లిక్ చేయండి, ఆపై దాన్ని ఆన్ లేదా ఆఫ్ చేయండి. మీరు మీ పిల్లల స్క్రీన్ టైమ్ పాస్‌కోడ్‌ను నమోదు చేయాల్సి రావచ్చు.
విశ్లేషణలు, వినియోగ డేటాను షేర్ చేసుకోవడం ద్వారా కమ్యూనికేషన్ భద్రతను మెరుగుపరచడంలో మీరు Appleకు సహాయం చేయవచ్చు. Appleతో ఎటువంటి సందేశాలు లేదా మీడియా షేర్ చేయబడదు. ‘కమ్యూనికేషన్ భద్రతను మెరుగుపరచండి’ని ఆన్ చేయండి.
చిట్కా: మీ పిల్లలతో డిజిటల్ భద్రత, లైంగిక విషయాలను పంపడం మరియు అశ్లీల చిత్రాల వంటి అంశాల గురించి ఎలా మాట్లాడాలో తెలియజేసే రిసోర్స్‌లను మీరు చూడవచ్చు. ‘పిల్లల భద్రతా వనరులను చూడండి’ని ట్యాప్ చేయండి లేదా క్లిక్ చేయండి.