Mac компьютеріңіздегі Finder
Файлдарды реттеу және табу үшін Finder мүмкіндігін пайдаланыңыз. Finder терезесін ашу үшін экранның төменгі жағындағы Dock тақтасында Finder белгішесін басыңыз. Файлдың мазмұндарын жылдам қарау үшін файл белгішесін күштеп басыңыз, ал оны өңдеу үшін файл атауын күштеп басыңыз.
Finder тапсырмалары үшін Touch Bar құралын пайдалану туралы ақпаратты MacBook Pro компьютеріңізде Touch Bar бөлімінен қараңыз.
Gallery View. Gallery View көрінісімен таңдаған файлыңыздың үлкен алдын ала қарау көрінісін көре аласыз, ол суреттерді, бейне клиптерді және басқа құжаттарды визуалды түрде анықтаудың жылдам жолын береді. Алдын ала қарау тақтасы қажетті файлыңызды анықтауға көмектесу үшін ақпаратты көрсетеді. Іздеп жатқан нәрсеңізді жылдам табу үшін төменгі жақтағы скрабер жолағын пайдаланыңыз.
Quick Actions. Preview тақтасының төменгі оң жағында — файлдарды тікелей Finder терезесінде басқаруыңызға және өңдеуіңізге мүмкіндік беретін таңбашалар. Markup қолданбасында суретті бұруға, суретке түсініктеме қосуға немесе оны қиып алуға, суреттерді және PDF файлдарын бір файлға біріктіруге, дыбыстық және бейне файлдарды кесуге және Automator жұмыс ағындары арқылы өзгертпелі әрекеттерді жасауға (мысалы, файлға су белгісін қосу) болады.
Preview тақтасының параметрлерін Finder терезесінде көрсету үшін View > Show Preview тармағын таңдаңыз. Көрсетілген нәрсені теңшеу үшін View > Show Preview Options тармағын таңдаңыз, одан кейін файл түріңіз үшін параметрлерді таңдаңыз. macOS жүйесінің пайдаланушы нұсқаулығындағы Mac компьютеріндегі Finder қолданбасында жылдам әрекеттерді орындау бөлімін қараңыз.