MacBook Pro компьютеріңізбен сыртқы дисплейді пайдалану
MacBook Pro компьютеріңіздегі Thunderbolt 3 порттары бейне шығысын қолдайды. MacBook Pro компьютеріңізбен сыртқы дисплейді, проекторды немесе HDTV теледидарын пайдалана аласыз.
VGA дисплейін немесе проекторды қосыңыз: Дисплейді MacBook Pro компьютеріндегі USB-C портына қосу үшін USB-C VGA Multiport Adapter адаптерін пайдаланыңыз.
HDMI дисплейін немесе HDTV теледидарын қосыңыз: HDMI дисплейін немесе HDTV теледидарын MacBook Pro компьютеріндегі USB-C портына қосу үшін USB-C Digital AV Multiport Adapter адаптерін пайдаланыңыз.
USB-C дисплейін қосу: Дисплейді MacBook Pro компьютеріңіздегі Thunderbolt 3 (USB-C) портына қосыңыз.
Адаптерлер мен басқа қосалқы құралдар бөлек сатылады. Қосымша ақпарат пен қолжетімділік үшін apple.com торабына кіріңіз, жергілікті Apple Store дүкеніне немесе басқа сатушыларға барыңыз. Дұрыс өнімді таңдағаныңызды тексеру үшін құжаттаманы қарап шығыңыз немесе өндірушіден сұраңыз.
Apple TV теледидарына қосылған HDTV теледидарыңыз болса, теледидарда MacBook Pro экранын 1080p HD мәніне дейінгі ажыратымдылықта көрсету үшін AirPlay мүмкіндігін пайдалануыңызға да болады. Мәліметтерді Mac компьютеріңізде AirPlay қызметін пайдалану бөлімінен қараңыз.