Touch ID бар MacBook Air Magic Keyboard пернетақтасы
Magic Keyboard пернетақтасының жоғарғы шетіндегі функция пернелері дыбыс деңгейін немесе экран жарықтығын арттыру сияқты негізгі функциялардың пернелер тіркесімдерін береді. Touch ID (қуат түймесі) функция пернелерінің оң жақ бүйірінде орналасқан. Touch ID құралын орнатқаннан кейін MacBook Air компьютерінің құлпын ашу және App Store, Apple TV қолданбасынан және Book Store дүкендерінен және Apple Pay қызметін пайдаланатын веб-тораптарда сатып алу үшін саусақ ізіңізді пайдалануыңызға болады.
Touch ID (қуат түймесі): MacBook Air компьютеріңізді қосу үшін басыңыз (немесе қақпағын көтеріңіз немесе кез келген пернені басыңыз). Компьютерді бірінші рет іске қосқанда немесе қайта іске қосқанда құпия сөзіңізді теру арқылы кіруіңіз керек. Touch ID құралын орнату кезінде немесе кейінірек System Preferences терезесінің Touch ID тақтасында орнатуыңызға болады. Орнатудан және бастапқы кіруден кейін, құпия сөзіңіз сұралған кезде, түпнұсқалықты растау үшін тек саусағыңызды Touch ID сенсорына жайлап қоюыңызға болады.
Желіде Apple Pay қызметімен қауіпсіз сатып алу үшін Touch ID құралын пайдалануыңызға да болады. Touch ID туралы қосымша ақпаратты Mac компьютеріңізді іске қосу бөлімінен қараңыз. Apple Pay туралы қосымша ақпаратты Mac компьютеріңізде Apple Pay қызметін пайдалану бөлімінен қараңыз.
Ескертпе: MacBook Air компьютеріңізді өшіру үшін Apple мәзірі > Shut Down тармағын таңдаңыз. MacBook Air компьютеріңізді ұйқы режиміне қою үшін Apple мәзірі > Sleep тармағын таңдаңыз.
Көптеген жүйе функцияларына функция пернелері арқылы қатынауға болады.
Жарықтық пернелері (F1, F2): Экранның жарықтығын азайту немесе көбейту үшін немесе түймесін басыңыз.
Mission Control пернесі (F3): MacBook Air компьютеріңізде не іске қосылып тұрғанын, соның ішінде барлық бос орындар мен ашық терезелерді көру үшін түймесін басыңыз.
Launchpad пернесі (F4): MacBook Air компьютеріңіздегі барлық қолданбаларды бірден көру үшін түймесін басыңыз. Ашу үшін қолданбаны басыңыз.
Keyboard illumination пернелері (F5, F6): Пернетақта жарықтығын азайту немесе көбейту үшін немесе түймесін басыңыз.
Media пернелері (F7, F8, F9): Кері айналдыру үшін түймесін, ойнату немесе кідірту үшін түймесін немесе әнді, фильмді немесе слайдшоуды алға жылдам айналдыру үшін түймесін басыңыз.
Mute пернесі (F10): Кірістірілген динамиктерден немесе 3,5 мм құлақаспап ұясынан шыққан дыбысты өшіру үшін түймесін басыңыз.
Дыбыс деңгейі пернелері (F11, F12): Кірістірілген динамиктерден немесе 3,5 мм құлақаспап ұясынан шыққан дыбыстың деңгейін көтеру немесе төмендету үшін немесе түймесін басыңыз.
Function (Fn) пернесі: Әрбір функция пернесі (жоғарғы жолда) басқа функцияларды да орындай алады—мысалы, F11 пернесі барлық ашық терезелерді жасырып, жұмыс үстелін көрсете алады. Пернемен байланысты әрекетті іске қосу үшін функция пернесін басу кезінде Fn пернесін басып тұрыңыз.
Кеңес: Айтуды қосу үшін Fn пернесін басыңыз, айту теріп жатқанда мәтінді айтуыңызға мүмкіндік береді (мысалы, Messages, Mail, Pages және көптеген басқа қолданбаларда).
Пернетақта теңшелімдерін орнатыңыз. System Preferences терезесінде Keyboard түймесін басыңыз, одан кейін қолжетімді параметрлерді көру үшін жоғарыдағы түймелерді басыңыз.
Пернетақта тіркесімдері туралы мәліметтер алыңыз. Әдетте сенсорлы тақтамен, тінтуірмен немесе басқа құрылғымен орындайтын әрекеттерді MacBook Air компьютеріңізде орындау үшін пернелер тіркесімдерін басуыңызға болады. Жиі пайдаланылатын тіркесімдер тізімін Mac компьютеріңіздегі пернелер тіркесімдері бөлімінен қараңыз.