Mac Pro компьютерінде SSD модульдерін жою және орнату
Mac Pro компьютеріңізде SSD молульдерін жою және орнату үшін мына қадамдарды орындаңыз. Процесті орындау үшін сізде келесі нәрселер болуы керек:
Кез келген Mac компьютерінде орнатылған Apple Configurator 2.12 немесе одан кейінгі нұсқасы macOS Catalina 10.14.6 немесе одан кейінгі жүйені қолдайды, қуат көзіне қосылады және онда Интернет қатынасы болады. macOS Catalina жүйесі осы компьютерлермен үйлесімді атты Apple Support мақаласын қараңыз.
Apple құрылғыларынан Apple компаниясының 17.0.0.0/8 желісіне барлық желі трафигіне рұқсат ету үшін веб-проксиіңізді немесе брандмауэр порттарын теңшеуіңіз керек болуы мүмкін. Apple өнімдері пайдаланатын порттар туралы қосымша ақпаратты Кәсіпорындық желілерде Apple өнімдерін пайдалану атты Apple Support мақаласынан қараңыз.
Қолдау көрсетілген USB-C – USB-C зарядтау кабелі
USB-C кабелі қуат пен деректердің екеуін де қолдауы тиіс. Thunderbolt 3 кабельдеріне қолдау көрсетіледі.
ЕСКЕРТУ: Бар SSD картасынан барлық деректердің сақтық көшірмеленгенін тексеріңіз. Жаңа SSD жұптау операциясы басталғаннан кейін, бар SSD модуліндегі деректер қалпына келтірілмейді.
Ескертпе: Mac Pro рамалы жұмыс станцияңыз болса, Mac Pro (Rack) үшін Mac Pro негіздері нұсқаулығындағы Mac Pro компьютерінен SSD модульдерін жою және орнату бөлімін қараңыз.
Mac Pro компьютеріңізді Apple мәзірі
> Shut Down тармағын таңдау арқылы өшіріңіз.Ыстық болуы мүмкін ішкі компоненттерді ұстамастан бұрын компьютердің 5-10 минут бойы салқындауын күтіңіз.
Mac Pro компьютерінен қуат сымынан басқа барлық кабельдерді ажыратыңыз.
Барлық статикалық электр тогын кетіру үшін Mac Pro компьютеріңіздің сыртындағы металды түртіңіз.
Ескертпе: Mac Pro компьютеріңіздің ішіндегі бөліктерді ұстау немесе компоненттерді орнату алдында әрқашан статикалық электр тогын кетіріңіз. Статикалық электр тогын шығаруды болдырмау үшін кеңейту карталарын орнатуды аяқтамайынша бөлмеде жүрмеңіз.
Қуат сымын ажыратыңыз.
Компьютер корпусының құлпын ысырманы 90 градус сағат тілінің бағытына қарсы бұрау арқылы ашыңыз.
ЕСКЕРТУ: Компьютер қосылып тұрғанда ысырманы бұрамаңыз; олай істеу компьютердің өшуіне әкелуі мүмкін.
Компьютердің корпусын оны ысырма арқылы жоғары тарту арқылы шығарып алыңыз.
Ескертпе: Mac Pro корпусы алынған жағдайда іске қосылмайды.
Mac Pro компьютерін қырынан, сырмайтын бетке қойыңыз.
SSD қақпағының үстінен басып, оны сыртқа сырғытыңыз.
Ескертпе: Кейбір Mac Pro компьютерлерінде төменгі DIMM дефлекторын шығарып алып, одан кейін SSD қақпағын ішке итеруіңіз керек болуы мүмкін. PCIe дефлекторы шыққаннан кейін, SSD қақпағын сыртқа тартыңыз.
Екі бұранданы алып тастау үшін T8 бұрағышын пайдаланыңыз.
SSD модулін тікелей сыртқа тартыңыз. Басқа модульдер үшін де қайталаңыз.
Әрбір модульді дұрыс ұяға орналастырғаныңызды тексере отырып, жаңа модульді орнына сырғытыңыз.
Маңызды: Модульдер «1» және «2» нөмірлерімен белгіленген. «1» нөмірімен белгіленген модуль «1» нөмірімен белгіленген ұяға орнатыдуы, ал «2» нөмірімен белгіленген модуль «2» нөмірімен белгіленген ұяға орнатылуы тиіс.
Жаңа модульдермен келген екі бұранданы орнату үшін T8 бұрағышын пайдаланыңыз.
SSD қақпағын ішке итеріңіз. SSD қақпағын дұрыс орнату үшін PCIe дефлекторын көтеруіңіз керек болуы да мүмкін.
Маңызды: SSD қақпағы мен дефлектордың қоршаған компоненттермен бір деңгейде болуын тексеріңіз.
Mac Pro компьютерін оның аяқтарына немесе дөңгелектеріне орналастырыңыз, корпусты компьютердің үстінен сырғытыңыз, одан кейін корпусты құлыптау үшін ысырманы 90 градусқа сағат тілінің бағытымен бұраңыз.
Компьютер корпусы орнына салынбаған және ысырма өзінің бастапқы позициясына бұралмаған жағдайда іске қосылмайды.
Mac Pro компьютеріңізге қуат сымынан басқа барлық кабельдерді қайта қосыңыз.
Микробағдарламаны қалпына келтіру процесінің аяқталған уақытын көре алуыңыз үшін мониторды қосыңыз.
USB-C кабелін қуат түймесінен ең алыс Thunderbolt портына қосыңыз. Кабельдің екінші ұшын Mac Pro компьютерін қалпына келтіру үшін пайдаланатын Mac компьютеріне қосыңыз.
Қуат түймесін басып тұрып, Mac Pro компьютерін қуат көзіне қосыңыз және қуат түймесін басып тұруды шамамен 3 секунд бойы жалғастырыңыз.
Ескертпе: Mac Pro компьютерінен ешқандай экран әрекетін көрмейсіз.
Mac Pro компьютеріндегі микробағдарламаны қалпына келтіру үшін Apple Configurator пайдаланушы нұсқаулығындағы Intel негізіндегі Mac компьютерін Apple Configurator 2 көмегімен қайта жандандыру немесе қалпына келтіру бөлімінде көрсетілген қадамдарды орындаңыз.