Mac компьютеріңізде терезелерді басқару
Ондаған қолданбалар іске қосылып тұрған және жұмыс үстеліңізде әрбір қолданба үшін бір не бірнеше терезе ашық тұрған жағдай жиі кездеседі. Бақытымызға орай, ашқан терезелеріңізді көрудің және шарлаудың бірнеше тиімді жолдары бар. Зейініңізді шоғырландырғыңыз келгенде, бір қолданбаны бүкіл экранды толтыратын етіп кеңейтуіңізге немесе экранды бөлісу үшін екі қолданбаны таңдауыңызға болады. Жұмыс үстеліңізді таза ұстау және тапсырмалар арасында жылдам ауысу үшін қолданбаларыңыз бен терезелеріңізді Stage Manager көмегімен автоматты түрде реттеңіз. Жасырылған терезені табуыңыз керек болғанда, барлық ашық терезелеріңізді бір қабатта көрсету үшін Mission Control қолданбасын пайдаланыңыз. Жұмысыңызды түрлі жұмыс үстелдеріне жаю және олардың арасында оңай жылжу үшін бірнеше жұмыс үстелі кеңістіктерін пайдалануыңызға да болады.
![Экранның сол жағын толтырып тұрған Keynote көрсетілімі және оң жақты толтырып тұрған Pages құжаты. Қалқымалы мәзір Replace Tiled Window, Move Window to Desktop, және Make Window Full Screen параметрлерін көрсетіп тұрған жасыл түйменің төменгі жағында ашық тұр.](https://help.apple.com/assets/646BA1F028A6766AF70D82D8/646BE59EBEA5A171686C5564/kk_KZ/fa4116f109633e0bf08a361bfc00c7fb.png)
Бүкіл экранды пайдаланыңыз. Қолданбаңыздың бүкіл экраныңызды толтырғанын қалағанда толық экран көрінісін пайдаланыңыз. Mac компьютеріңіздегі Keynote, Numbers және Pages сияқты көптеген қолданбалар толық экран көрінісін қолдайды. Толық экранда мәзір жолағы меңзерді экранның жоғарғы жағына жылжытқанша жасырылады немесе мәзір жолағын әрқашан көрсетуді таңдауыңызға болады. Толық экран көрінісіне өту немесе одан шығу үшін меңзерді терезенің жоғарғы сол жақ бұрышындағы жасыл түйменің үстіне жылжытыңыз, одан кейін пайда болатын мәзірден Enter Full Screen параметрін таңдаңыз. macOS жүйесінің пайдаланушы нұсқаулығындағы Қолданбаларды толық экранда пайдалану бөлімін қараңыз.
Экранды бөліңіз. Split View мүмкіндігін екі қолданба терезесінде қатар жұмыс істеу үшін пайдаланыңыз. Толық экран сияқты екі терезе экранды толтырады. Меңзерді пайдаланғыңыз келетін терезенің жоғарғы сол жақ бұрышындағы жасыл түйменің үстіне жылжытыңыз, одан кейін пайда болатын мәзірден Tile Window to Left of Screen немесе Tile Window to Right of Screen параметрін таңдаңыз. Басқа терезені басыңыз, сонда ол экранның екінші жартысын автоматты түрде толтырады. Меңзер жасыл түйменің үстінде болғанда, пайда болатын мәнірде қолданбаларды ауыстыру, екі терезені толық экранға әкелу және т.б. үшін параметрлер бар. macOS жүйесінің пайдаланушы нұсқаулығындағы Қолданбаларды Split View көрінісінде пайдалану бөлімін қараңыз.
![Негізгі бетте Safari экранымен Stage Manager опциясын, ал сол жағында басқа қолданбаларды көрсетіп тұрған экран.](https://help.apple.com/assets/646BA1F028A6766AF70D82D8/646BE59EBEA5A171686C5564/kk_KZ/9f2788f3403c980fd1763cce8f6d22a5.png)
Stage Manager. Жұмыс үстеліңіз таза болуы үшін қолданбаларыңыз бен терезелеріңізді автоматты түрде реттеңіз. Назар аударғыңыз келетін нәрсе алдыңғы жақта және ортада бүйірде реттелген және бір басу арқылы қолжетімді басқа терезелермен бірге орналасқан. Control Center терезесін ашыңыз және Stage Manager түймесін басыңыз. macOS жүйесінің пайдаланушы нұсқаулығындағы Mac жұмыс үстеліңізді Stage Manager арқылы ұйымдастыру бөлімін қараңыз.
Mission Control. Ашық терезелеріңізді бір қабатқа жылдам жылжытыңыз, одан кейін сол терезе алда және белсенді болып тұрғанда, қалыпты көрініске оралу үшін терезені басыңыз. Қосымша жұмыс үстелдеріңіз (кеңістіктер) немесе Split View көрінісінде қолданбаларыңыз болса, олар экранның жоғарғы жағындағы жолда пайда болады. Mission Control терезесіне кіру немесе одан шығу үшін пернетақтаңыздың жоғарғы жолындағы түймесін басыңыз немесе Control-Up Arrow түймесін басыңыз. Сондай-ақ, Mission Control белгішесін
Dock тақтасына қосуыңызға болады. macOS жүйесінің пайдаланушы нұсқаулығындағы Mission Control қолданбасында ашық терезелер мен кеңістіктерді көру бөлімін қараңыз.
Виджеттер. Виджеттерді виджет галлереясынан жұмыс үстеліңізге қойыңыз, сонда жиі қолданатын қолданбаларыңызға қажет кезде қатынай аласыз. Мәзір жолағында күн мен уақытты басыңыз немесе жұмыс үстелін Control пернесімен басыңыз, одан кейін виджеттерді қосу, жою немесе қайта реттеу үшін Edit Widgets түймесін басыңыз. Жаңа виджеттерді жұмыс үстеліңізде немесе Notification Center терезесінде кез келген жерге сүйрей аласыз. iPhone құрылғыңыз бен Mac компьютеріңізде бірдей Apple ID идентификаторымен кірсеңіз, Mac компьютеріңізде сәйкес қолданбаларды орнатпастан жұмыс үстеліңізге iPhone виджеттеріңізді қосуыңызға да болады.
Кеңес: Бірнеше терезе ашық тұрғанда жұмыс үстеліңіздің анық көрінісін алғыңыз келсе, бүйірдегі кез келген ашық терезелерге жылдам жылжу үшін жұмыс үстелінің тұсқағазында кез келген жерді басыңыз. Қолдағы тапсырманы жалғастыруға дайын болған кезде терезелерді қайта ашу үшін жұмыс үстелінің тұсқағазын қайтадан басыңыз.
Бір жұмыс үстелі жеткіліксіз кезде. Қолданба терезелеріңізді бірнеше жұмыс үстелі кеңістіктеріне ұйымдастырыңыз, одан кейін жұмыс істеу кезінде олардың арасында ауысыңыз. Кеңістік жасау үшін Mission Control терезесіне кіріңіз және Add Desktop түймесін басыңыз. Кеңістіктер арасында жылжу үшін пернетақта тіркесімдері мен Mission Control қолданбасын пайдаланыңыз. Терезелерді бір кеңістіктен басқасына жылжытуыңызға және жұмыс істеп жатқанда кеңістіктер қосуыңызға немесе жоюыңызға болады. macOS жүйесінің пайдаланушы нұсқаулығындағы Бірнеше орында жұмыс істеу бөлімін қараңыз.
Сол көлденең трафик шамы. Әрбір терезенің жоғарғы сол жақ бұрышындағы қызыл, сары және жасыл түймелер тек көрсету үшін емес. Қолданба терезесін жабу үшін қызыл түймені басыңыз. Кейбір қолданбалар үшін бұл қолданбаны жабады және қолданбаның барлық ашық терезелерін жабады. Басқалар үшін ол ағымдағы терезені жабады, бірақ қолданбаны ашық қалдырады. Сары түйме терезені уақытша жабады және оны Dock тақтасының оң жағына қояды. Оны қайта ашқыңыз келгенде, оны кеңейту үшін Dock тақтасында оны басыңыз. Ал жасыл түйме – терезелеріңізді толық экранға және Split View көрінісіне және т.б. өзгертудің жылдам жолы.