Skjár fyrir iPhone 17

Áður en hafist er handa

Viðvörun

• Lesið Öryggi með rafhlöðu og fylgið leiðbeiningum um vinnuumhverfi og meðhöndlun rafhlöðu áður en hafist er handa.

• Lesið Öryggi vegna brotins glers áður en hafist er handa.

Verkfæri

• 6,1 tommu viðgerðarbakki með satúrnusartákni

• Límskeri

• Verkfæri til að fjarlægja lím

• Skjápressa

• ESD-örugg töng

• Etanólþurrkur eða IPA-þurrkur (ísóprópýlalkóhól)

• Hitabúnaður til að fjarlægja skjá

• Kapton-límband

• Nælonnemi (svartur teinn)

• 44 mm pentalobe PL1.1-hálfmánabiti

• Átaksmælir (blár, 0,65 kgf. cm)

• Átaksmælir (grænn, 0,45 kgf. cm)

• 44 mm trilobe-hálfmánabiti

Skoðið ítarlegan lista yfir verkfæri sem þarf fyrir allar viðgerðir.

Varúð

• Ekki snerta fremri myndavélina eða nálæga íhluti til að forðast skemmdir á linsunum.

• Ekki snerta bakhlið skjásins. Það getur haft áhrif á myndgæði ef komið er við bakhlið skjásins.

Mikilvægt

• Lesið Hitabúnaður til að fjarlægja skjá ef verið er að setja upp hitabúnaðinn í fyrsta skipti.

• Ef skipt er um þennan íhlut er ráðlagt að keyra viðgerðaraðstoð til þess að ljúka viðgerðinni. Viðgerðaraðstoðin er í boði í tækinu þegar öllum samsetningarskrefum er lokið.

Losun

Athugið: Ef sundurhlutunarskrefum er þegar lokið skal fara beint í samsetningu.

Varúð

Áður en þessi viðgerð er hafin verður að slökkva á iPhone-símanum. Sé það ekki gert veldur það skemmdum á skjánum og íhlutum hans. Ef ekki er hægt að slökkva á iPhone-símanum skal fylgja skrefunum sem tilgreind eru í Annað verkferli áður en viðgerð er hafin.

1. Notið átaksmæli og PL1.1-bitann til að fjarlægja PL1.1-skrúfurnar tvær, eina sitt hvorum megin við USB-C tengið.

   

2. Notið hitabúnaðinn til að fjarlægja skjá til að hita skjálímið. Frekari leiðbeiningar er að finna í notkunarhandbók hitabúnaðar til að fjarlægja skjá.

3. Fjarlægið iPhone úr hitabúnaði til að fjarlægja skjá. Setjið iPhone svo aftur í viðgerðarbakkann þannig að skjárinn vísi upp og USB-C tengið snúi að hakinu.

4. Notið límskerann til að skera meðfram hliðum og toppi iPhone-símans þar til skjárinn hefur losnað frá.

   • Stingið brún límskerans á milli skjásins og hulstursins. Haldið límskeranum í 45 gráðu horni eða meira og skerið meðfram báðum hliðum.

   • Varúð

     • Nota verður nýjan límskera.

     • Sé límskeranum haldið í undir 45 gráðu horni getur það valdið skemmdum.

       

   • Rennið skjánum niður að neðsta hluta iPhone-símans þar til sést í svolitla glufu. Stingið límskeranum inn í efsta hluta iPhone-símans í 45 gráðu horni og skerið meðfram efsta hlutanum þar til skjárinn losnar frá.

     

   • Varúð: Til að forðast að skemma sveigjanlega kapla skjásins skal ekki halla neðri hluta skjásins upp meira en sem nemur 5 gráðum.

   • Setjið sogskálarnar á viðgerðarbakkanum í raufarnar á viðgerðarbakkanum.

     

   • Athugið: Táknið neðst á bakkanum gefur til kynna í hvaða átt á að lyfta glerbakstykkinu og hvorum megin eigi að setja sogskálarnar.

   • Hallið skjánum í átt að sogskálunum. Ýtið á efri og neðri brúnir skjásins til að festa hann við sogskálarnar.

   • Varúð

     • Til að koma í veg að hulstrið eða skjárinn skemmist skal ganga úr skugga um að innri skjáklemmurnar séu losaðar áður en skjánum er lyft.

     • Ekki skemma sveigjanlegu kaplana þegar skjánum er hallað upp.

5. Notið átaksmæli og trilobe-bitann til að fjarlægja trilobe-skrúfurnar tvær, eina úr tengihlíf skjásins og eina úr tengihlíf birtuskynjarans. Ljúkið síðan öllu skrefinu áður en haldið er í næsta skref.

   

   • Fjarlægið tengihlíf skjásins og tengihlíf birtuskynjarans. Geymið hlífarnar fyrir samsetningu.

     

   • Takið enda sveigjanlegu kaplanna fyrir skjáinn og birtuskynjarann úr sambandi við tengin.

     

   • Haldið um brúnir skjásins. Togið í flipana á sogskálunum til að losa þær af skjánum. Leggið síðan framhlið skjásins á hreinan, sléttan flöt.

Samsetning

Skýringarmynd fyrir skrúfur

1. Fjarlægið sogskálarnar af viðgerðarbakkanum.

2. Notið ESD-örugga töng eða verkfærið til að fjarlægja lím til að fjarlægja skjálímfilmuna. Togið síðan í límið í 45 gráðu horni til að fjarlægja það. Endurtakið þetta ferli þar til allt lím hefur verið fjarlægt af brúnum hulstursins.

   

   • Varúð: Ekki snerta fremri myndavélina, fjaðrirnar eða nálæga íhluti.

3. Notið etanólþurrkur eða IPA-þurrkur til að hreinsa límleifar af hulstrinu og skjánum, en þó aðeins af brúnum skjásins.

   

   • Varúð

     • Ekki snerta neinn annan hluta skjáglersins með etanól- eða IPA-þurrkum. Etanól eða ísóprópýlalkóhól getur skemmt skjáinn og haft áhrif á myndgæði.

     • Ekki nota verkfærið til að fjarlægja lím til að þrífa skjáinn.

4. Skoðið fjaðrirnar á þeim stöðum sem sýndir eru í skrefi 6. Ef fjöður er bogin eða skemmd skal halda áfram í skref 5. Annars skaltu fara í skref 9.

5. Athugið stefnu fjaðrarinnar sem á að skipta um. Notið ESD-örugga töng til að halda beygðu eða skemmdu fjöðrinni. Notið síðan átaksmæli og trilobe-bitann til að fjarlægja trilobe-skrúfuna úr fjöðrinni.

   • Athugið: Fjarlægið tvær trilobe-skrúfur úr fjöðrinni efst hægra megin.

6. Finnið nýja fjöður af réttri gerð í stað þeirrar fyrri, í samræmi við teikninguna.

   

   • 923-13668 (1)

   • 923-13669 (2)

   • 923-13670 (3)

   • 923-13671 (4)

   • 923-13672 (5)

   • 923-13673 (6)

   • 923-14031 (7)

7. Notið ESD-örugga töng til að koma nýju fjöðrinni fyrir. Notið síðan græna átaksmælinn og trilobe-bita til að skrúfa nýju trilobe-skrúfuna eða -skrúfurnar (923-13674) í fjöðrina.

8. Ef aðrar fjaðrir eru bognar eða skemmdar skal endurtaka skref 5 til 7 til að skipta um þær. Haldið svo áfram að skrefi 9.

9. Skoðið innri skjáklemmurnar í leit að skemmdum fyrir samsetningu. Gangið úr skugga um að innri skjáklemmurnar séu í 90 gráðu horni og séu ekki bognar eða skemmdar.

   • Mikilvægt

     • Ef innri skjáklemmurnar eru skemmdar gæti þurft að skipta um skjá.

     • Ef verið er að setja upp nýjan skjá skal fjarlægja hlífðarfilmuna ofan og neðan af honum.

       

10. Ef ristin á efri hátalaranum er skemmd þarf að skipta henni út. Notið ESD-örugga töng til að fjarlægja ristina á efri hátalaranum af hulstrinu. Notið verkfærið til að fjarlægja lím til að hreinsa allar límleifar af hulstrinu.

    

11. Fjarlægið filmuna af bakhlið nýju ristarinnar á efri hátalaranum og látið hana flútta við hakið á hulstrinu.

12. Notið svarta teininn eða ESD-örugga töng til að slá létt á nýju ristina yfir efri hátalaranum þar til hún fellur á réttan stað.

13. Látið nýja skjálímið vera í flútti við hulstrið. Gangið úr skugga um að efstu götin á límfilmunni flútti við fremri myndavélina.

    • Varúð: Gangið úr skugga um að allar límleifar hafi verið fjarlægðar af skjánum og hulstrinu áður en nýja skjálímið er sett á.

14. Lím nýja skjásins er með filmu á efri hlutanum, fyrir miðju og neðri hlutanum. Grípið um flipann á botnfilmunni. Togið svo neðstu filmuna hægt út undan límfilmunni á meðan límfilmunni er þrýst í hólfið.

    

    • Mikilvægt: Ekki fjarlægja efstu filmuna strax.

    • Athugið: Límfilman fyrir gerðina gæti litið öðruvísi út en á myndinni en aðferðin er sú sama.

15. Skoðið skjálímfilmuna til að tryggja að það sé staðsett á syllu hulstursins. Ef líminu er ekki komið rétt fyrir á hulstrinu skal endurtaka samsetningarskref 2 til og með 12. Endurtakið síðan samsetningarskref 13 til og með 15 með nýju skjálími.

16. Notið svarta teininn til að festa skjálímið við hulstrið. Færið slétta enda svarta teinsins eftir brún hulstursins að minnsta kosti þrisvar sinnum til að tryggja að límið festist jafnt.

    • Varúð

      • Ekki snerta fremri myndavélina á meðan skjálímið er sett á.

      • Ekki skemma ristina yfir efri hátalaranum eða svampana. Ef ristin eða svamparnir eru skemmd skal skipta um ristina.

        

17. Fjarlægið efstu filmuna.

    

    • Mikilvægt: Ekki fjarlægja miðfilmuna strax.

18. Setjið sogskálarnar í viðgerðarbakkann.

19. Látið vinstri brún skjásins nema við vinstri brún hulstursins. Þrýstið svo létt eftir brúnum skjásins til að festa hann við sogskálarnar.

20. Þrýstið endum sveigjanlega skjákapalsins og sveigjanlega birtuskynjarakapalsins á tengin. Þrýstu jafnt eftir endilöngum tengjunum.

    

21. Setjið tengihlíf skjásins og tengihlíf birtuskynjarans yfir endana á sveigjanlegu köplunum.

    

22. Notið græna átaksmælinn og trilobe-bita til að skrúfa eina nýja trilobe-skrúfu (923-13862) í tengihlíf skjásins.

    

23. Notið græna átaksmælinn og trilobe-bita til að skrúfa eina nýja trilobe-skrúfu (923-13856) í tengihlíf birtuskynjarans.

    

24. Flettið fyrstu ræmunni af losunarfilmunni í miðjunni (1) af rangsælis, byrjið neðst á hulstrinu. Flettið annarri ræmunni (2) af réttsælis. Flettið þriðju ræmunni (3) réttsælis.

    • Varúð: Þriðji borðinn á miðfilmunni fer undir tvo sveigjanlega kapla. Ekki skemma sveigjanlegu kaplana þegar filman er fjarlægð.

    • Mikilvægt: Forðist að snerta íhluti fremri myndavélarinnar og nálæga íhluti.

      

25. Skoðið skjálímið til að ganga úr skugga um að það sé á réttum stað og sé ekki skemmt eða krumpað. Ef límið er skemmt skal fjarlægja það og setja nýtt lím á.

    • Viðvörun: Athugið hvort lausar skrúfur eða aðrir smáhlutir, sem gætu skemmt rafhlöðuna eða valdið annars konar skemmdum, séu í hulstrinu.

26. Togið í flipana á sogskálunum til að losa þær af skjánum. Fjarlægið sogskálarnar af viðgerðarbakkanum. Hallið skjánum niður á við þannig að hann hvíli á hulstrinu.

    

27. Þrýstið öllum hornum skjásins niður samtímis. Ýtið síðan eftir brúnum skjásins þar til smellur finnst og hann flúttar við hólfið.

    • Varúð: Gangið úr skugga um að sveigjanlegu kaplarnir séu ekki fastir á milli skjásins og hulstursins. Þreifið á skjábrúnunum í leit að misfellum. Ef skjárinn stenst ekki á skal endurtaka öll sundurhlutunarskrefin og athuga hvort sveigjanlegu kaplarnir séu skemmdir. Endurtakið síðan samsetningarskref 1 til 27.

      

28. Setjið viðgerðarbakkann með iPhone-símanum í skjápressuna og látið skjáinn vísa upp. Dragið niður arminn þar til skjápressan læsist.

    

29. Bíðið þar skjápressan gefur frá sér hljóðmerki og tímastillirinn sýnir 0. Ýtið handfanginu niður (1) og togið losunarhnúðinn út (2). Lyftið síðan arminum (3).

    

30. Fjarlægið viðgerðarbakkann úr skjápressunni.

31. Notið bláa átaksmælinn og PL1.1-bita til að skrúfa tvær nýjar PL1.1-skrúfur í, sitt hvorum megin við USB-C tengið. Þegar skrúfurnar eru skrúfaðar í skal ýta létt á skjáinn nærri USB-C tenginu. Teljið fimm smelli þegar hver skrúfa er sett í til að tryggja að hún sé alveg föst.

    

    • Athugið: Notið réttan skrúfulit fyrir gerðina.

      • Svartur (923-13963)

      • Hvítur, misturblár, ljósfjólublár, grágrænn (923-13964)

    • Varúð: Ef skrúfurnar flútta ekki skal fjarlægja þær. Setjið því næst upp nýtt sett af öryggisskrúfum. Ef nýju skrúfurnar standast ekki á skal endurtaka öll skref sundurhlutunar og samsetningar.

Mikilvægt

Viðgerðaraðstoð kann að vera í boði í tækinu til að ljúka viðgerðinni, allt eftir því hvaða íhlut er skipt út. Upplýsingar um hvernig á að ræsa viðgerðaraðstoð.

Athugið: Ef viðgerðaraðstoð hefur ekki verið keyrð mun varahluta- og þjónustuferill tækisins hugsanlega sýna stöðu íhlutar sem „Ljúka viðgerð“ og Apple-greining fyrir viðgerð í sjálfsafgreiðslu sýnir hugsanlega stöðu íhlutar sem „Óþekkt“.

Annað verkferli

Aðeins ef ekki er hægt að slökkva á iPhone-símanum: ljúkið eftirfarandi skrefum áður en skjárinn er fjarlægður:

1. Ljúkið öllum sundurhlutunarskrefum í Glerbakstykki.

2. Setjið Kapton-límband yfir rafhlöðutengið á móðurborðinu.

3. Þrýstið endanum á sveigjanlega kapli glerbakstykkisins á tengið.

4. Ekki setja sveigjanlega rafhlöðukapalinn aftur í samband strax.

5. Ekki setja efri og neðri hlífarnar á sinn stað eða lím á glerbakstykkið núna.

6. Setjið glerbakstykkið ofan á hólfið. Fjarlægið hólfið úr viðgerðarbakkanum. Setjið hólfið svo aftur í viðgerðarbakkann þannig að skjárinn vísi upp og USB-C tengið snúi að hakinu.

7. Haldið áfram í sundurhlutunarskref 1.