Skjár á iPad Air (M3), 13 tommu
Áður en hafist er handa
Viðvörun
Lesið Öryggi rafhlöðu og fylgið leiðbeiningum um vinnusvæði og meðhöndlun rafhlaðna áður en hafist er handa.
Lesið Öryggi vegna brotins glers áður en hafist er handa.
Varúð
Slökkvið á tækinu. Áður en þessi viðgerð er hafin verður að slökkva á iPad-spjaldtölvunni. Sé það ekki gert veldur það skemmdum á skjánum og íhlutum hans.
Verkfæri
13 tommu upphitaður skjávasi
13 tommu viðgerðarbakki
Aðgangskort (3)
Límvirkjunarrúlla
Límbandsskeri
ESD-örugg töng
Etanólþurrkur eða IPA-þurrkur (ísóprópýlalkóhól)
Hitabúnaður til að fjarlægja skjá
Hitaþolnir hanskar
Stillingarbakki fyrir skjálím fyrir iPad Air, 13 tommu
JCIS-skrúfbiti fyrir krosshausaskrúfur
Nítrílhanskar eða lófríir hanskar (valkvætt)
Nemi úr næloni (svartur teinn)
Málningarlímband
Átaksmælir (svartur, 0,35 kgf cm)
Skoðið ítarlegan lista yfir verkfæri sem þarf fyrir allar viðgerðir.
Mikilvægt
Lesið Hitabúnaður til að fjarlægja skjá ef verið er að setja upp hitabúnaðinn í fyrsta skipti.
Ef skipt er um þennan íhlut er ráðlagt að keyra Repair Assistant fyrir hugbúnað til að ljúka viðgerðinni. Viðgerðaraðstoðin er í boði í tækinu þegar öllum samsetningarskrefum er lokið.
Athugið: Myndir gætu verið af öðrum gerðum en verklagið er það sama. Gætið þess að nota rétt verkfæri fyrir þá gerð sem verið er að gera við.
Losun
Athugið: Ef sundurhlutunarskrefum er þegar lokið skal fara beint í samsetningu.
Viðvörun
Ráðlagt er að klæðast hitaþolnum hönskum þegar þessi hluti viðgerðarinnar er framkvæmdur.
Notið hitabúnaðinn til að fjarlægja skjá til að hita límið á skjánum. Frekari leiðbeiningar er að finna í notkunarhandbók fyrir hitabúnað til að fjarlægja skjá. Haldið svo áfram að skrefi 2.
- Varúð
Ekki snúa silfurlitaða hnúðinum efst á hitabúnaðinum til að fjarlægja skjá.
Áður en upphitaði skjávasinn er settur í hitabúnaðinn til að fjarlægja skjá skal staðsetja fremri myndavélina á iPad-spjaldtölvunni og Setjið síðan blátt málningarlímband yfir linsu myndavélarinnar og önnur svæði eins og sýnt er. Skerið í gleið horn nálægt yfirlímdu svæðunum til að koma í veg fyrir skemmdir.
Þegar bil myndast á milli skjásins og hulstursins eins og sýnt er á myndinni skal stinga brún límskerans inn í bilið.
- Varúð: Til að forðast skemmdir á sveigjanlegu skjáköplunum og á öðrum íhlutum skal ekki skera dýpra en 3,5 mm niður fyrir brún skjásins. Ytri brúnin á upphleypta hringnum á límskeranum gefur þessa hámarksdýpt til kynna.
Rennið límskeranum fram og aftur meðfram hægri hlið skjásins. Hættið þegar vart verður við viðnám.
- Varúð: Ekki nota límskerann til að lyfta skjánum.
Rennið límskeranum hægt meðfram efri brún skjásins, á milli sogskálarinnar og fremri myndavélarinnar. Hættið þegar vart verður við viðnám.
Snúið hnúðinum fjórðung úr hring réttsælis. Skerið síðan meðfram hægri hlið skjásins. Hættið þegar vart verður við viðnám.
Rennið límskeranum fram og aftur meðfram efri brún skjásins, á milli sogskálarinnar og myndavélarinnar að framan. Hættið þegar vart verður við viðnám.
Rennið límskeranum hægt fram og aftur meðfram hægri hlið skjásins þar til búið er að skera á límið.
Rennið límskeranum meðfram neðra hægra horninu á skjánum.
Stingið aðgangskorti undir efra vinstra hornið á skjánum til að koma í veg yfir að skjárinn festist aftur.
Mikilvægt: Þegar aðgangskortinu er stungið inn skal gæta þess að það fari ekki lengra en svarti jaðarinn á skjánum.
Ýtið handfanginu upp til að losa sogskálina. Rennið síðan slétta endanum á svarta teininum varlega undir brún sogskálarinnar til að losa hana frá skjánum.
- Varúð: Ekki snúa silfurlitaða hnúðinum efst á hitabúnaðinum til að fjarlægja skjá. Ef hnúðinum er snúið getur það skemmt sveigjanlega kapalinn.
Gangið úr skugga um að sogskálin hafi losnað. Snúið síðan svarta hnúðinum efst á hitabúnaðinum rangsælis til að færa sogskálina frá skjánum.
Smellið klemmunum á vinstri og neðri brún hitaða skjávasans upp til að losa iPad-spjaldtölvuna. Ýtið á hnappinn sem er undir vinstri hlið vasans til að fjarlægja iPad-spjaldtölvuna. Snúið iPad-spjaldtölvunni um 180 gráður. Smellið síðan klemmunum niður til að festa iPad-spjaldtölvuna.
Snúið svarta hnúðinum efst á hitabúnaðinum réttsælis til að færa sogskálina að skjánum. Ýtið síðan handfanginu á sogskálinni niður til að festa hana tryggilega við skjáinn.
Mikilvægt: Hugsanlega þarf að lyfta upp öðrum endanum á málningarlímbandsræmunni til að festa sogskálina við skjáinn.
Snúið svarta hnúðinum á hitunarbúnaðinum hægt í tvo og hálfan hring rangsælis. Bíðið í 30 sekúndur. Snúið svarta hnúðinum síðan tvo heila hringi í viðbót.
- Varúð: Ekki snúa silfurlitaða hnúðinum.
Þegar bil myndast á milli skjásins og hulstursins skal stinga brún límskerans inn í bilið. Rennið síðan skeranum á milli skjásins og hulstursins eins og sýnt er á myndinni þar til skjárinn losnar úr hulstrinu að hluta til.
- Varúð: Til að forðast skemmdir á sveigjanlegu skjáköplunum og á öðrum íhlutum skal ekki skera dýpra en 3,5 mm niður fyrir brún skjásins. Brúnin á hringlaga dældinni á skeranum er kvarði fyrir þessa hámarksdýpt.
Rennið límskeranum hægt fram og aftur meðfram hægri hliðinni eins og sýnt er á myndinni.
- Varúð
Ekki nota límskerann til að lyfta skjánum.
Þegar skorið er á svæðinu sem merkt er með bláa málningarlímbandinu skal halda skeranum í gleiðu horni.
Rennið límskeranum hægt meðfram neðra horninu eins og sýnt er á myndinni þar til búið er að skera gegnum límið. Stingið síðan aðgangskorti undir hornið á skjánum til að koma í veg fyrir að skjárinn festist aftur.
Rennið límskeranum hægt fram og aftur meðfram efri brúninni þar til búið er að skera á límið.
Stingið aðgangskortunum undir efra og neðra horn til vinstri á skjánum (í þeirri röð) eins og sýnt er á myndinni.
Smellið handfanginu upp yfir sogskálina á hitabúnaðinum til að fjarlægja skjá. Rennið síðan slétta endanum á svarta teininum varlega undir brún sogskálarinnar til að losa hana frá skjánum.
- Varúð: Ekki snúa hnúðinum til að losa sogskálina. Ef hnúðinum er snúið getur það skemmt sveigjanlega kapalinn.
Gangið úr skugga um að sogskálin hafi losnað. Snúið síðan svarta hnúðinum efst á hitabúnaðinum til að fjarlægja skjá rangsælis til að færa sogskálina frá skjánum.
Ýtið á losunarhnappinn (1) á hlið hitabúnaðarins til að losa hitaða skjávasann. Rennið síðan vasanum út úr hitabúnaðinum (2).
Smellið klemmunum á vinstri og neðri brún hitaða skjávasans upp til að losa iPad-spjaldtölvuna. Ýtið síðan á hnappinn sem er undir vinstri hlið vasans til að fjarlægja iPad-spjaldtölvuna.
Setjið iPad-spjaldtölvuna í viðgerðarbakkann þannig að USB-C-tengið snúi að hakinu á hægri hliðinni. Togið síðan í flipann á vinstri hlið viðgerðarbakkans eins og sýnt er á myndinni til að festa iPad-spjaldtölvuna.
Fjarlægið málningarlímbandið og aðgangskortin. Snúið viðgerðarbakkanum þannig að fremri myndavélin vísi að þér. Lyftið skjánum svolítið upp og snúið honum rangsælis, nægilega langt til að hægt sé að komast að skrúfunni í tengihlíf fyrir hljóðnematengið, eins og sýnt er.
Notið átaksmæli og JCIS-skrúfbitann til að fjarlægja krosshausaskrúfuna úr tengihlíf hljóðnemans. Setjið skrúfuna til hliðar.
Lyftið tengihlíf hljóðnemans örlítið svo að hægt sé að fjarlægja hana. Geymið hlífina fyrir samsetningu.
Takið endann á sveigjanlega kaplinum fyrir hljóðnemann úr sambandi við tengið.
Setjið sogskálarnar á viðgerðarbakkanum í raufarnar á viðgerðarbakkanum eins og sýnt er á myndinni.
Hallið skjánum varlega upp og þrýstið á hliðar skjásins til að festa hann við sogskálarnar.
- Varúð
Ekki skemma sveigjanlegu kaplana þegar skjánum er hallað upp.
Ekki ýta á bakhlið skjásins til að festa hann við sogskálarnar. Ef ýtt er á bakið getur það haft áhrif á virkni.
- Viðvörun: Ef rafhlaðan er beygluð, götuð eða skemmd á annan hátt skal hætta viðgerðinni. Þú finnur þjónustuvalkost á support.apple.com/repair.
Notið átaksmæli og JCIS-skrúfbitann til að fjarlægja fjórar krosshausaskrúfur úr tengihlíf skjátengjanna. Geymið skrúfurnar.
Fjarlægið tengihlíf skjásins og geymið hana fyrir samsetningu.
Takið sveigjanlegu kaplana fjóra úr sambandi við tengin (1–4).
Haldið um brúnir skjásins. Togið í flipana á sogskálunum til að losa þær af skjánum. Fjarlægið sogskálarnar af viðgerðarbakkanum. Leggið síðan framhlið skjásins á hreinan, sléttan flöt.
Samsetning
Mikilvægt
Gangið úr skugga um að allt lím hafi verið fjarlægt af skjánum og hulstrinu áður en nýtt lím er borið á.
Setjið hulstrið í viðgerðarbakkann. Notið ESD-örugga töng eða svarta teininn til að fjarlægja allt það skjálím sem eftir er. Togið í límið til að fjarlægja það, en gætið þess að mynda ekki horn yfir 45 gráðum. Endurtakið þetta ferli þar til allt lím hefur verið fjarlægt af brúnum hulstursins. Hreinsið síðan brúnir hulstursins vandlega með etanól- eða IPA-þurrkum.
- Varúð: Forðist að snerta birtuskynjarana og myndavélina að framan.
Ef skipt er um skjá skal fjarlægja hlífðarfilmuna af neðri (1) og efri (2) hlið skjásins og koma skjánum fyrir á hvolfi í stillingarbakkanum fyrir skjálím. Farið síðan í skref 4. Farið í skref 3 ef festa á skjáinn aftur.
Komið skjánum fyrir á hvolfi í stillingarbakkanum fyrir skjálím, eins og sýnt er. Notið ESD-örugga töng eða svarta teininn til að ná tökum á skjálíminu sem eftir er á brúnum skjásins. Togið síðan í límið til að fjarlægja það, en gætið þess að mynda ekki horn undir 45 gráðum. Endurtakið þetta ferli þar til allt lím hefur verið fjarlægt.
- Varúð
Notið eingöngu etanól- eða IPA-þurrkur til að hreinsa brúnir skjásins. Ekki snerta neinn annan hluta skjáglersins með etanól- eða IPA-þurrkum. Etanól eða ísóprópýlalkóhól getur skemmt skjáinn og haft áhrif á myndgæði.
Til að forðast skemmdir á málningunni á skífunni skal ekki skrapa límið af skjánum.
Komið nýja skjálíminu fyrir þannig að það sé í flútti við pinnana á stillingarbakkanum. Grípið um flipann á botnfilmunni. Togið síðan neðstu filmuna hægt út undan límfilmunni og notið jöfnunarpinnana til að staðsetja límfilmuna rétt á skjánum.
Athugið: Nýja skjálímið skiptist í efstu filmu, millifilmur og neðstu filmu.
Mikilvægt: Bíðið með að fjarlægja efstu filmuna.
- Varúð: Þegar skrefi 4 er lokið skal ganga úr skugga um að límið sé rétt staðsett á skjánum. Ef svo er ekki skal endurtaka skref 3 til að fjarlægja límið. Endurtakið síðan skref 4 til að setja nýtt skjálím á. Ef límið er ekki rétt stillt af festist skjárinn ekki rétt og virkni hans gæti orðið fyrir áhrifum.
Notið svarta teininn til að festa skjálímið við skjáinn. Færið svo slétta enda svarta teinsins minnst þrisvar sinnum eftir brúnum skjásins til að tryggja að límið festist jafnt.
- Varúð: Ekki snerta fremri myndavélarsamstæðuna á meðan skjálímið er sett á.
Fjarlægið efstu filmuna.
Mikilvægt: Ekki fjarlægja millifilmurnar sem eru meðfram brúnum skjásins.
Skoðið skjálímið til að tryggja að því sé rétt komið fyrir og að það sé hvorki skemmt né krumpað. Ef límið er skemmt skal endurtaka skref 3 til að fjarlægja límið. Endurtakið síðan skref 4 til 7 til að setja nýtt lím á.
Fjarlægið litlu filmuna af skjálíminu.
Fjarlægið litlu bláu filmuna af jarðtengingarlímbandi hljóðnemans.
Setjið jarðtengingarlímbandið yfir koparpúðann á hljóðnemanum eins og sýnt er á myndinni.
Festið jarðtengingarlímbandið við hljóðnemann.
Fjarlægið glæru filmuna af jarðtengingarlímbandinu.
Fjarlægið bláu filmuna af jarðtengingarlímbandinu.
Aðeins fyrir Wi-Fi + Cellular: Fylgið þessum skrefum til að setja jarðtengingarlímbandið á skjáinn.
Fjarlægið fyrstu millifilmuna.
Fjarlægið aðra millifilmuna.
Fjarlægið bláu filmurnar af jarðtengingarlímbandinu.
Setjið jarðtengingarlímbandið á skjáinn eins og sýnt er á myndinni.
Þrýstið jarðtengingarlímbandinu á brúnir skjásins og yfir á lárétta flötinn.
Fjarlægið glæru filmuna af jarðtengingarlímbandinu fyrir skjáinn.
Þrýstið jarðtengingarlímbandinu á skjálímið.
Fjarlægið bláu filmuna af jarðtengingarlímbandinu fyrir skjáinn.
Setjið sogskálarnar í viðgerðarbakkann.
Festið skjáinn við sogskálarnar.
- Varúð: Ekki ýta á bakhlið skjásins til að láta hann festast tryggilega við sogskálina. Þrýstingur á bakhlið skjásins getur haft áhrif á virkni hans.
Þrýstið endunum á sveigjanlegu köplunum fjórum í tengin (1–4).
Setjið tengihlífar skjásins á enda sveigjanlegu kaplanna.
Aðeins fyrir Wi-Fi: Notið svarta átaksmælinn og JCIS-skrúfbitann til að festa eina nýja krosshausaskrúfu (452-05343) í efra vinstra horn tengihlífarinnar og þrjár nýjar krosshausaskrúfur (452-06580) í eftirstandandi skrúfugöt á tengihlífinni.
Aðeins fyrir Wi-Fi + Cellular: Notið svarta átaksmælinn og JCIS-skrúfbitann til að festa fjórar nýjar krosshausaskrúfur (452-06580) í tengihlífina eins og sýnt er á myndinni.
Aðeins fyrir Wi-Fi: Fjarlægið fjórar millifilmur af skjánum eins og sýnt er á myndinni.
Aðeins fyrir Wi-Fi + Cellular: Fjarlægið millifilmurnar tvær réttsælis frá neðra vinstra horni skjásins eins og sýnt er á myndinni.
Haldið utan um skjáinn án þess að snerta límið og togið í flipana á sogskálunum til að losa þær af skjánum. Fjarlægið sogskálarnar síðan úr viðgerðarbakkanum.
Snúið skjánum örlítið til að komast að sveigjanlega hljóðnemakaplinum.
- Varúð: Forðist að snerta fremri myndavélina og nálæga íhluti.
Ýtið enda sveigjanlega hljóðnemakapalsins í tengið. Komið síðan tengihlíf hljóðnemans fyrir yfir enda sveigjanlega kapalsins.
Notið svarta átaksmælinn og JCIS-skrúfbitann til að festa eina nýja krosshausaskrúfu (452-05343) í tengihlíf hljóðnemans.
Fjarlægið síðustu millifilmuna réttsælis frá vinstri hlið skjásins eins og sýnt er á myndinni.
Setjið síðan skjáinn á hulstrið.
- Viðvörun
Ef rafhlaðan er dælduð, sprungin eða skemmd á annan hátt skal hætta viðgerðinni. Þú finnur þjónustuvalkost á support.apple.com/repair.
Skoðið hvort lausar skrúfur eða aðrir smáhlutir eru í hulstrinu sem gætu valdið öryggisvandamálum.
Gangið úr skugga um að sveigjanlegu skjákaplarnir séu ekki fastir á milli skjásins og hulstursins. Þrýstið öllum hornum skjásins niður. Þrýstið síðan meðfram brúnum skjásins niður þar til hann flúttar við hulstrið.
Mikilvægt: Þreifið meðfram brúnum skjásins til að ganga úr skugga um að engin bil séu til staðar. Ef skjárinn stenst ekki á skal endurtaka öll sundurhlutunarskrefin og athuga hvort sveigjanlegu kaplarnir séu skemmdir. Endurtakið síðan samsetningarskref 1 til 29.
Notið límvirkjunarrúlluna til að festa skjáinn við hulstrið:
Haldið um rúlluna með báðum höndum og komið henni fyrir við eina brún skjásins þannig að hluti rúllunnar hangi yfir hulstrinu, eins og sýnt er.
Þrýstið rúllunni niður þar til línurnar á silfurlitu pinnunum flútta við miðjuna á hvítu ræmunni.
- Varúð: Notið ekki meira afl en þarf til að komast að hvítu ræmunni.
Haldið jöfnum þrýstingi og rúllið meðfram brún skjásins tíu sinnum fram og til baka. Snúið síðan viðgerðarbakkanum og endurtakið þetta skref á hinum brúnunum þremur.
Kveikið á greiningarstillingu:
Tryggið að slökkt sé á iPad-spjaldtölvunni.
Haldið báðum hljóðstyrkshnöppunum inni.
Á meðan hnöppunum er haldið inni skal stinga tækinu í samband við straumbreyti með 20 W eða meira afli, eða beint í tölvu sem kveikt er á og er tengd við rafmagn.
Athugið: Miðstöðvar, skjáir eða aðrar óbeinar tengingar eru ekki studdar.
Sleppið hnöppunum þegar Apple-lógóið birtist.
Mikilvægt
Viðgerðaraðstoð kann að vera í boði í tækinu til að ljúka viðgerðinni, allt eftir því hvaða íhlut er skipt út. Upplýsingar um hvernig hefja á viðgerðaraðstoð.
Athugið: Ef viðgerðaraðstoð hefur ekki verið keyrð gæti varahluta- og þjónustuferill tækisins sýnt stöðu íhlutar sem „ljúka viðgerð“ og Apple Diagnostics fyrir viðgerð í sjálfsafgreiðslu kann að sýna stöðu íhlutar sem „óþekkt“.