iPhone 16 Pro Max-glerbakstykki
Áður en hafist er handa
Viðvörun
Lesið Öryggi með rafhlöðu og fylgið leiðbeiningum um vinnuumhverfi og meðhöndlun rafhlöðu áður en hafist er handa.
Lesið Öryggi vegna brotins glers áður en hafist er handa.
Ef rangt er staðið að skiptum eða meðhöndlun á íhlutum, eða ef meðfylgjandi leiðbeiningunum er ekki fylgt getur það valdið bilunum. Að auki getur þráðlaus hleðsla virst hæg eða iPhone hleður sig ekki rétt. Þessi tilvik geta valdið meiðslum eða skemmdum á tækinu, íhlutum eða öðrum eignum.
Verkfæri
Átaksmælir (grænn, 0,45 kgf cm) (923-00105)
Átaksmælir (blár, 0,65 kgf. cm) (923-0448)
Öryggisbiti (923-0247)
Micro stix-biti (923-01290)
Nemi úr næloni (svartur teinn) (922-5065)
ESD-örugg töng
Verkfæri til að fjarlægja lím (923-09176)
Límbandsskeri (923-01092)
Etanólþurrkur eða IPA-þurrkur (ísóprópýlalkóhól)
Skjápressa (661-08916)
6,9 tommu viðgerðarbakki (923-10715)
Myndavélarlok (923-10717)
Öryggisgleraugu með hliðarhlífum
Skurðarþolnir hanskar. Gerð hanska getur verið mismunandi eftir svæðum.
Hitaþolnir hanskar. Gerð hanska getur verið mismunandi eftir svæðum.
Kynnið ykkur ítarlegan lista yfir verkfæri sem þarf fyrir allar viðgerðir.
Mikilvægt
Lesið Hitabúnaður til að fjarlægja skjá ef verið er að setja upp hitabúnaðinn í fyrsta skipti.
Ef skipt er um þennan íhlut er ráðlagt að keyra viðgerðaraðstoð fyrir hugbúnað til þess að ljúka viðgerðinni. Viðgerðaraðstoðin er í boði í tækinu þegar öllum samsetningarskrefum er lokið.
Losun
Athugið: Ef sundurhlutunarskrefum er þegar lokið skal fara beint í samsetningu.
Notið átaksmæli og öryggisbitann til að fjarlægja öryggisskrúfurnar tvær, eina sitt hvorum megin við USB-C tengið. Setjið skrúfurnar til hliðar.
Notið hitabúnaðinn til að fjarlægja skjá til að hita límið.
Skoðið notkunarhandbók hitabúnaðar til að fjarlægja skjá til að fá frekari leiðbeiningar.
Fjarlægið iPhone-símann úr hitabúnaði til að fjarlægja skjá og setjið hann svo aftur í viðgerðarbakkann þannig að glerbakstykkið vísi upp og USB-C tengið snúi að hakinu.
Notið límskerann til að skera meðfram hliðum og toppi iPhone-símans þar til glerbakstykkið er laust. Opnið síðan iPhone-símann með því að halla glerbakstykkinu á sogskálar viðgerðarbakkans.
Athugið: Táknið neðst á bakkanum gefur til kynna í hvaða átt á að lyfta glerbakstykkinu og hvorum megin eigi að setja sogskálarnar.
Setjið brún límbandsskerans á milli glerbakstykkisins og hulstursins. Haldið límbandsskeranum í 45 gráðu horni. Skerið meðfram hliðunum þar til komið er að loftnetsböndunum.
Rennið glerbakstykkinu niður að neðsta hluta iPhone-símans þar til sést í svolitla glufu. Stingið límbandsskeranum inn í efsta hluta iPhone-símans í 45 gráðu horni og skerið meðfram efsta hlutanum, þar til glerbakstykkið losnar frá. Forðist að skemma ristina yfir hátalaranum.
Varúð: Ekki halla glerbakstykkinu um meira en 5 gráður til að forðast skemmdir á sveigjanlegu köplunum.Setjið sogskálarnar á viðgerðarbakkanum í raufarnar á viðgerðarbakkanum. Mælt er með að hylja myndavélina til að hindra óhreinindi.
Athugið: Þegar verið er að setja hlíf á myndavélina er ráðlagt að klæðast nítrílhönskum.
- Viðvörun
Ef rafhlaðan er dælduð, sprungin eða skemmd á annan hátt skal hætta viðgerðinni. Þú finnur þjónustuvalkost á support.apple.com/repair.
Ef glerbakstykkið er brotið skal skoða hulstrið. Ef það eru glerbrot í hólfinu skal setja upp öryggisgleraugu með hliðarhlífum og skurðarþolna hanska. Notið ESD-örugga töng til að fjarlægja brotin. Notið síðan etanól- eða ísóprópýlalkóhólþurrkur til að fjarlægja öll brot sem límið hefur skilið eftir sig á jöðrum hulstursins. Ryksugið öll glerbrot af vinnusvæðinu.
Notið átaksmæli og Micro stix-bitann til að fjarlægja sjö trilobe-skrúfur úr tveimur tengihlífum. Fjarlægið hlífarnar og geymið þær fyrir samsetningu. Geymið skrúfurnar.
Takið endann á sveigjanlega rafhlöðukaplinum úr tenginu (1) og takið síðan endann á sveigjanlegum kapli glerbakstykkisins úr tenginu (2). Glerbakstykkið hefur nú verið fjarlægt.
Haldið í brúnir glerbakstykkisins. Togið í flipana á sogskálunum til að losa þær af glerbakstykkinu. Settu síðan glerbakstykkið á hvolf á hreint, flatt yfirborð.
Samsetning
Fjarlægið sogskálarnar.
Notið verkfærið til að fjarlægja lím eða svarta teininn til að taka límið úr hólfinu. Notið ESD-örugga töng eða verkfærið til að fjarlægja lím til að toga límið af. Endurtakið þetta ferli þar til allt lím hefur verið fjarlægt af brúnum hulstursins.
- Varúð: Ekki snerta myndavélarsamsetninguna, fjaðrir TrueDepth-myndavélarinnar eða nálæga íhluti.
Notið etanól- eða IPA-þurrkur til að hreinsa allar límleifar af brúnum glerbakstykkisins og hólfsins.
- Viðvörun: Athugið hvort lausar skrúfur eða aðrir smáhlutir, sem gætu skemmt rafhlöðuna eða valdið annars konar skemmdum, séu í hulstrinu.
- Varúð
Ekki nota verkfærið til að fjarlægja lím til að þrífa glerbakstykkið.
Gangið úr skugga um að allar límleifar hafi verið fjarlægðar af glerbakstykkinu og hulstrinu áður nýja límfilman fyrir glerbakstykki er sett á.
Mikilvægt: Ef þú ert að setja upp nýtt glerbakstykki skaltu fjarlægja varnarfilmuna ofan og neðan af því.
Látið límið á nýja glerbakstykkinu vera í flútti við hólfið. Gakktu úr skugga um að efsta gat límsins sé í flútti yfir myndavélinni.
Límfilman fyrir nýja glerbakstykkið er með filmu efst, í miðjunni og neðst. Grípið um flipann á botnfilmunni. Togið svo neðstu filmuna hægt út undan límfilmunni á meðan límfilmunni er þrýst í hólfið.
Mikilvægt: Ekki fjarlægja efstu filmuna strax.
Skoðið límið á glerbakstykkinu til að tryggja að það sé staðsett á brún hulstursins. Ef líminu er ekki komið rétt fyrir á hulstrinu skal endurtaka samsetningarskref 2 til og með 6. Haldið svo áfram að skrefi 7.
Notið slétta enda svarta teinsins til að þrýsta líminu fyrir glerbakstykkið á hulstrið. Færið svarta teininn um brún hulstursins að minnsta kosti þrisvar sinnum til að tryggja að límið festist jafnt.
Fjarlægið efstu filmuna.
Mikilvægt: Ekki fjarlægja eftirstandandi filmur í kringum brún hulstursins.
Setjið sogskálarnar í viðgerðarbakkann.
Hafið hægri brún glerbakstykkisins í flútti við hægri brún hulstursins. Ýttu varlega á brúnir glerbakstykkisins til að festa það við sogskálarnar.
Mikilvægt: Ekki ýta á miðjuhluta glerbakstykkisins á meðan verið er að festa það við sogskálarnar.
Þrýstið endanum á sveigjanlegum kapli glerbakstykkisins á tengið (1). Ýtið enda sveigjanlegs kapals rafhlöðunnar í tengið (2).
Setjið tengihlífarnar aftur á. Tryggið að krókarnir á tengihlífinni festist tryggilega við hulstrið.
- Varúð: Efri tengihlíf glerbakstykkisins er með skörpum brúnum. Gætið þess að skera ekki á neina af sveigjanlegu köplunum á meðan verið er að setja tengihlífina á.
Notið græna átaksmælinn og Micro stix-bitann til að setja sjö nýjar trilobe-skrúfur í tengihlífina.
Fjórar trilobe-skrúfur (923-11719) (1)
Þrjár trilobe-skrúfur (923-11124) (2)
Flettið fyrsta borðanum af miðjufilmunni (1) réttsælis og byrjið neðst til vinstri á hulstrinu. Flettið öðrum borðanum (2) af rangsælis og byrjið á neðri hluta hólfsins hægra megin. Flettið þriðja borðanum af (3) réttsælis og byrjið efst til hægri á hulstrinu.
- Varúð: Þriðji borðinn á filmunni í miðjunni liggur undir einum sveigjanlegum kapli. Ekki skemma sveigjanlega kapalinn þegar filman er fjarlægð.
Skoðaðu límið á glerbakstykkinu til að tryggja að það sé á réttum stað og ekki skemmt eða krumpað. Ef límið er skemmt skaltu fjarlægja það og setja annað í staðinn.
- Viðvörun
Athugið vandlega hvort lausar skrúfur eða aðrir smáhlutir loði við segulmögnuð svæði á glerinu. Þessir litlu hlutar geta skemmt iPhone og valdið öryggis- eða virknivandamálum þegar iPhone er settur saman aftur.
Ef rafhlaðan er dælduð, sprungin eða skemmd á annan hátt skal hætta viðgerðinni. Þú finnur þjónustuvalkost á support.apple.com/repair.
Leggið glerbakstykkið flatt á hulstrið.
Fjarlægið sogskálarnar af viðgerðarbakkanum.
- Varúð: Gangið úr skugga um að sveigjanlegu kaplarnir séu ekki klemmdir á milli glerbakstykkisins og hulstursins. Þreifið meðfram brúnum glerbakstykkisins til að leita að misfellum eða bilum. Ef glerbakstykkið er ekki í flútti skal endurtaka öll sundurhlutunarskref og athuga hvort sveigjanlegu kaplarnir séu skemmdir. Endurtakið síðan samsetningarskref 1 til og með 17 áður en haldið er áfram í skref 18.
Ekki snerta myndavélarlinsurnar á bakhlið iPhone-símans.
Snúið iPhone við í viðgerðarbakkanum þannig að skjárinn snúi upp. Ýtið á skjáinn samtímis á þeim fjórum svæðum sem eru sýnd.
Setjið viðgerðarbakkann með iPhone í skjápressuna þannig að skjárinn snúi upp. Dragið niður arminn þar til skjápressan læsist.
Bíðið þar til skjápressan pípir og tímamælirinn sýnir 0. Ýtið handfanginu niður (1) og togið losunarhnúðinn út (2). Lyftið síðan arminum (3).
Fjarlægið viðgerðarbakkann úr skjápressunni.
Notið bláa átaksmælinn og öryggisbita til að skrúfa tvær nýjar öryggisskrúfur í, sitt hvorum megin við USB-C tengið.
Athugið: Notið réttan skrúfulit fyrir gerðina.
Svart títaníum (923-11118)
Hvítt títaníum (923-11119)
Sandlitað títaníum (923-11120)
Náttúrulegt títaníum (923-11121)
- Varúð: Ef skrúfurnar flútta ekki skal fjarlægja þær og leggja þær til hliðar. Setjið því næst upp nýtt sett af öryggisskrúfum. Ef nýju skrúfurnar standast ekki á skal endurtaka öll skref sundurhlutunar og samsetningar.
Mikilvægt
Viðgerðaraðstoð kann að vera í boði í tækinu til að ljúka viðgerðinni, allt eftir því hvaða íhlut er skipt út. Upplýsingar um hvernig á að ræsa viðgerðaraðstoð.
Athugið: Ef viðgerðaraðstoð hefur ekki verið keyrð mun varahluta- og þjónustuferill tækisins hugsanlega sýna stöðu íhlutar sem „Ljúka viðgerð“ og Apple-greining fyrir viðgerð í sjálfsafgreiðslu sýnir hugsanlega stöðu íhlutar sem „Óþekkt“.