Úrræðaleit vegna vandamála með afl og ræsingu í Mac-fartölvum

• Að ákvarða gerð MacBook

• Að ákvarða gerð MacBook Air

• Að ákvarða gerð MacBook Pro

• Að ákvarða gerð straumbreytis Mac-tölvu

• Um aflstillingar Mac-tölvunnar

• Notkun straumbreyta, kapla og millistykkja frá Apple með Apple-vörum

• Hraðhleðsla MacBook Air eða MacBook Pro

• Ef Mac-tölvan kveikir ekki á sér

• Ef Mac-tölvan ræsist ekki að fullu

• Ef MagSafe-kapallinn eða straumbreytirinn virkar ekki

• Ef USB-C-straumbreytirinn hleður ekki Mac-fartölvuna

• Ef „Service Recommended“ (mælt með þjónustu) birtist á Mac-fartölvu

• Um straumbreyti Mac-fartölvunnar

• Ef rafhlaða Mac-tölvunnar tæmist hratt

• Ef rafhlöðustaða Mac-tölvunnar er „Hleður ekki“

• Ef rafhlaða Mac-tölvunnar hleðst ekki

• Ákvörðun á fjölda rafhlöðuhleðslulota fyrir Mac-fartölvur

• Mac-tölvan ræst í öruggri stillingu

• Ef Mac-tölvan birtir upphrópunarmerki með hring utan um við ræsingu

• Ef Mac-tölvan birtir valkosti með tannhjólatákni við ræsingu

• Hvernig á að ræsa úr macOS endurheimt

• Nota macOS Recovery í Mac-tölvu með Apple silicon

1. Leitið eftir vökvaskemmdum í tölvunni. Snerting við vökva getur valdið skammhlaupi í innri rafrásum og valdið því að tölvan bili.

2. Gangið úr skugga um að straumbreytirinn og hleðslukapallinn séu af réttri gerð fyrir tölvuna. Annars konar straumbreytar eða hleðslukaplar kunna að vera svipaðir í útliti en gefa mögulega ekki nægt afl til að kveikja á eða hlaða tölvuna. Sumar gerðir hlaða aðeins með USB-C en aðrar gerðir geta einnig hlaðið með MagSafe 3. Athugið að aðeins sumir straumbreytar og hleðslukaplar bjóða upp á hraðhleðslu. Skoðið hjálpargreinina hér að ofan til að fá frekari upplýsingar um hvernig bera má kennsl á straumbreyti og hraðhleðslu fyrir Mac-tölvur.

   • Athugið: Þegar bæði USB-C og MagSafe 3-hleðslukaplar eru notaðir fær USB-C forgang yfir MagSafe 3 fyrir hleðslu.

3. Skoðið öll USB-C og MagSafe 3-tengi og op á topphulstri tölvunnar í leit að aflögun, skemmdum eða óhreinindum sem gætu hindrað tenginguna. Hreinsið hvert tengi varlega með litlum mjúkum bursta sem er ekki úr málmi. Gangið úr skugga um að burstinn sé hreinn og þurr. Notið passlega mörg hár á burstanum til að komast inn í tengið. Snúið hárunum til að losa um og ná út óhreinindum. Burstið óhreinindi frá tenginu til að koma í veg fyrir að þau berist í tengið.

   • Varúð: Aftengið kapla og slökkvið á tölvunni áður en tengi eru þrifin. Notið ekki úðabrúsa, leysiefni, slípiefni eða hreinsiefni sem innihalda vetnisperoxíð sem gætu valdið skemmdum á yfirborðinu. Ekki skal nota málmhluti til að hreinsa burt óhreinindi eða hindranir þar sem þeir geta valdið skammhlaupi í tenginu og valdið skemmdum. Forðist að raki komist í op og ekki úða vökva beint á tölvuna. Ekki skal nota þrýstiloft í op tengja þar sem það getur blásið óhreinindum dýpra inn í tengið.

4. Ef rafhlaða tölvunnar tæmist skal tengja tölvuna við viðeigandi Apple USB-C straumbreyti og hleðslukapal og hlaða hana í allt að tíu mínútur til að sjá hvort rafhlaða tölvunnar geti hlaðist. Ef tölvan kveikir ekki á sér með straumbreyti eftir hleðslu skal halda áfram í næsta skref. Ef það kviknar á tölvunni en hún lýkur ekki ræsingarferlinu skal skoða úrræðaleit vegna vandamála með ræsingu.

5. Tölvan gæti verið með straum en það gæti litið svo út að það sé slökkt á henni. Vandamál varðandi rafhlöðu eða straumbreyti geta stundum valdið óvæntu aflástandi. Gangið úr skugga um að slökkt sé á tölvunni. Ef ekki er ljóst hvort kveikt eða slökkt sé á tölvunni skal halda aflrofanum inni til að slökkva á henni. Bíðið í nokkrar sekúndur. Ýtið svo aftur á aflrofann til að kveikja aftur á tölvunni.

6. Tengið viðeigandi Apple USB-C straumbreyti og hleðslukapal við hvert USB-C eða MagSafe 3-tengi til að staðfesta grunnvirkni USB-C og MagSafe 3-hleðslutengjanna. Gangið úr skugga um að tölvan greini tenginguna. Prófið virkni beggja átta tengisins með því að snúa því við og stinga aftur í samband.

7. Tengið straumbreytinn og hleðslukapalinn við tölvuna. Gangið úr skugga um að straumbreytir og hleðslukapall tölvunnar séu að hlaða tölvuna. Bilaður straumbreytir eða hleðslukapall (eða báðir) geta valdið þörf á mun tíðari hleðslu rafhlöðu.

8. Um stöðuljós straumbreytisins fyrir MagSafe 3: Þegar straumbreytir MagSafe 3 er tengdur við samhæfða tölvu í fyrsta sinn logar grænt ljós á millistykkinu í um það bil sekúndu til að gefa til kynna að rafmagn sé til staðar. Eftir það logar ljós millistykkisins með grænum eða gulbrúnum lit. Stöðugt grænt ljós gefur til kynna að rafhlaðan sé fullhlaðin eða að hlé hafi verið gert á hleðslu. Stöðugt, gulbrúnt ljós gefur til kynna að rafhlaðan sé í hleðslu. Ef stöðuljósið á MagSafe 3-tenginu blikkar með gulbrúnum lit þrisvar sinnum gæti vandamál með vélbúnað verið til staðar. Ef stöðuljósið á MagSafe 3-tenginu blikkar ítrekað með gulbrúnum lit skal prófa þessi skref:

   1. Takið kapalinn sem tengir USB-C við MagSafe 3 úr sambandi við Mac-tölvuna og straumbreytinn.

   2. Takið USB-C straumbreytinn úr sambandi við innstunguna á veggnum.

   3. Notið þurran klút til að þurrka MagSafe 3-tengið og MagSafe 3-tengistykkið. Gangið úr skugga um að tengið og tengistykkið séu þurr og laus við óhreinindi. Frekari leiðbeiningar um þrif er að finna í fyrri skrefunum í þessum hluta.

   4. Gangið úr skugga um að USB-C tengið á straumbreytinum og USB-C tengistykkið séu laus við óhreinindi. Frekari leiðbeiningar um þrif er að finna í fyrri skrefunum í þessum hluta.

   5. Endurræsið Mac-tölvu.

   6. Stingið USB-C-straumbreytinum í samband við innstunguna á veggnum. Takið kapalinn sem tengir USB-C við MagSafe 3 og tengið hann við straumbreytinn og Mac-tölvuna. Prófið síðan að hlaða aftur.

   7. Ef vandamálið er viðvarandi þótt vitað sé að straumbreytirinn sé í lagi skal halda áfram úrræðaleit í straumbreytinum og tölvunni.

9. Frekari upplýsingar eru í skrefum og hjálparúrræðum í Fljótleg úrræðaleit.

Ef vandamálið var ekki leyst með því að fylgja hjálpargrein eða með því að prófa skjót skref fyrir úrræðaleit skal keyra þessi handvirku próf og greiningarpróf til að einangra orsök vandamálsins:

1. Ákvarðið hvort afl sé á tölvunni með því að ganga úr skugga um eitthvað af eftirfarandi:

   • Vifta snýst (aðeins sumar gerðir)

   • Snertiborðið smellur þegar ýtt er á það

   • Tölvan gefur til kynna hvenær hleðslukapall er tengdur (til dæmis með hljóði)

   • Innbyggðar skjáaðgerðir

   • Tengdur ytri skjár er virkur

   • Athugið: Ef tölvan sýnir einhver merki um að kveikt sé á henni skal skoða úrræðaleit vegna vandamála með ræsingu.

2. Keyrið greiningarpakka skoðunarbúnaðar fyrir Mac-tölvu (MRI) með tölvuna tengda við viðeigandi Apple USB-C straumbreyti og hleðslukapal, ef því verður við komið.

   • Athugið: Þetta próf safnar greiningarupplýsingum um rafhlöðuna og greinir hvort mælingar hitaskynjara séu innan marka. Athugið niðurstöður MRI í leit að viðvörunum eða bilunum í rafhlöðu, aflgjafa, viftu eða hitaskynjara.

Ef vandamálið var ekki leyst eða orsökin einangruð með því að fylgja hjálpargreinum eða keyra handvirk próf og greiningarpróf skal skoða viðgerðahandbók tölvunnar um hvernig á að opna og skoða tölvuna. Hluti sem hefur skemmst eða færst til gæti verið að valda einhverju vandamálanna.

Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.

Ef vandamálið var ekki leyst eða orsökin einangruð með því að fylgja fyrri skrefum skal skipta um eftirfarandi íhluti fyrir hvert tengt vandamál:

• Ef greiningarniðurstöður sýna vandamál eða bilun í straumbreyti eða hleðslukapli skal skipta um straumbreyti eða hleðslukapal.

• Ef skemmdir finnast í hleðslutengjunum skal skipta um viðkomandi inntaks-/úttaksspjald, USB-C-spjald eða MagSafe 3-spjald (fer eftir gerðinni).

• Ef kviknar á tölvunni og hljóðspjaldið er aftengt skal skipta um hljóðspjaldið.

• Ef skemmdir eða tæringar finnast á sveigjanlegum kapli hornskynjara fyrir lok eða tengjum hans skal skipta um hornskynjara fyrir lok.

• Ef greiningarniðurstöður sýna villur eða bilanir á rafhlöðu skal skipta um rafhlöðu í gerðum þar sem hægt er að skipta um rafhlöðu. Skiptið um topphulstur í gerðum þar sem ekki er hægt að skipta um rafhlöðu.

• Ef kviknar á tölvunni og rafhlaðan er aftengd skal skipta um rafhlöðuna í gerðum þar sem hægt er að skipta um rafhlöðu. Skiptið um topphulstur í gerðum þar sem ekki er hægt að skipta um rafhlöðu.

• Skiptið um móðurborðið.

Viðgerð lokið

Viðgerðaraðstoð kann að vera í boði í tækinu til að ljúka viðgerðinni, allt eftir því hvaða íhlut er skipt út. Upplýsingar um hvernig á að ræsa viðgerðaraðstoð.

Staðfesting eftir viðgerð

Keyrið eftirfarandi greiningarpakka eftir viðgerðina:

• Skoðunarbúnaður fyrir tilföng Mac-tölvu (MRI) (til að prófa heildarvirkni)

Að viðgerð lokinni skal kveikja á tölvunni og ganga úr skugga um að leyst hafi verið úr vandamálinu.

Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.

• Um aflstillingar Mac-tölvunnar

• Mac-tölva sett í hvíldarstöðu eða vakin

• Stillingar fyrir hvíldarstöðu og vakningu Mac-tölvunnar stilltar

• Ef Mac-tölvan fer óvænt í hvíldarstöðu eða vaknar

• Hvað er örugg hvíldarstaða á Mac?

Ef vandamálið var ekki leyst með því að fylgja hjálpargrein skal halda áfram í næsta hluta.

1. Leitið eftir vökvaskemmdum í tölvunni. Snerting við vökva getur valdið skammhlaupi í innri rafrásum og valdið því að tölvan bili.

2. Opnið skjáinn á fartölvunni, ýtið á hvaða takka sem er á lyklaborðinu eða smellið á snertiborðið eða tengda mús til að vekja tölvuna. Lokið skjánum til að staðfesta að tölvan fari í hvíldarstöðu.

3. Athugið birtustig skjásins þar sem birtan gæti verið lágt stillt.

4. Tölvan kann að vera í öruggri hvíldarstöðu, sem getur líkst vandamáli með hvíldarstöðu eða afl. Til að vekja hana úr öruggri hvíldarstöðu skal tengja tölvuna við viðeigandi Apple USB-C straumbreyti og hleðslukapal sem er í sambandi við rafmagn. Ýtið síðan á aflrofann.

5. Vandamál með hvíldarstöðu eða vöknun geta stundum haft óvænt áhrif á afl. Staðfestið að tölvan sé í hvíldarstöðu og að ekki sé slökkt á henni. Ef ekki er ljóst hvort kveikt eða slökkt sé á tölvunni skal halda aflrofanum inni. Bíðið í nokkrar sekúndur. Ýtið svo aftur á aflrofann til að kveikja aftur á tölvunni.

6. Ef rafhlaða tölvunnar tæmist skal tengja tölvuna við viðeigandi Apple USB-C-straumbreyti og hleðslukapal og hlaða hana í að minnsta kosti tíu mínútur til að athuga hvort hægt sé að hlaða rafhlöðu tölvunnar. Ef tölvan kveikir ekki á sér með straumbreyti eftir hleðslu skal halda áfram í næsta hluta. Ef kviknar á tölvunni en hún lýkur ekki ræsingarferlinu skal skoða úrræðaleit vegna vandamála með ræsingu.

7. Fylgið skrefunum í Ef Mac-tölvan kveikir ekki á sér.

8. Frekari upplýsingar eru í skrefum og hjálparúrræðum í Fljótleg úrræðaleit.

Ef vandamálið var ekki leyst með því að fylgja hjálpargrein eða prófa skjót skref fyrir úrræðaleit skal keyra þessi handvirku próf og greiningarpróf til að einangra orsök vandamálsins:

1. Keyrið Greiningarpakka skoðunarbúnaðar fyrir Mac-tölvu (MRI).

Ef vandamálið var ekki leyst eða orsökin einangruð með því að fylgja hjálpargreinum eða keyra greiningarpróf skal skoða viðgerðahandbók tölvunnar um hvernig á að opna og skoða tölvuna. Hluti sem hefur skemmst eða færst til gæti verið að valda einhverju vandamálanna.

1. Fylgið leiðbeiningum um verkferli í viðgerðahandbókinni til að fjarlægja botnhulstrið og takið rafhlöðuna úr sambandi við móðurborðið.

2. Skoðið innri íhluti og hulstrið í leit að vísbendingum um hnjask, vökvaskemmdir, óhreinindi eða brunnin eða sviðin svæði. Skoðið alla viðeigandi sveigjanlega kapla og tengi innan í símanum með tilliti til ummerkja um skemmdir eða breytingar, svo sem filmur eða aðskotahluti sem gætu truflað virkni tengis.

3. Skoðið hornskynjara fyrir lok, sveigjanlegan kapal hornskynjara fyrir lok og tengin. Skoðið vandlega hlutina á þessu svæði til að ganga úr skugga um að þeir séu allir til staðar og rétt staðsettir. Gangið úr skugga um að allir hlutir séu á sínum stað og óskemmdir.

4. Aftengið sveigjanlegan kapal fyrir hornskynjara fyrir lok. Leitið eftir skemmdum á sveigjanlega kaplinum og tenginu. Skoðið hlífar fyrir skjálamir til að ganga úr skugga um að ekki vanti segulinn fyrir hornskynjara fyrir lok og að hann sé á sínum stað. Þrýstið endanum á sveigjanlegum kapli hornskynjara fyrir lok á tengið þar til hann smellur til að tryggja að hann sitji fastur.

5. Skoðið hlutana á þessu svæði vandlega til að ganga úr skugga um að allir hlutar séu til staðar, rétt settir í og óskemmdir. Aftengið sveigjanlegan kapal skynjara til að opna/loka (AMR) (aðeins í sumum fartölvugerðum). Leitið eftir skemmdum á sveigjanlega kapli móðurborðsins og tengjum. Tengið aftur sveigjanlega skynjarakapalinn og gangið úr skugga um að tengin séu öll á sínum stað.

6. Ef vandamálið leysist eða athugun leiðir engin vandamál í ljós skal ljúka samsetningunni. Ef greiningarniðurstöður eða skoðun greindu gallaðan íhlut skal halda áfram í næsta hluta. Ef vandamálið er viðvarandi án þess að hægt sé að tengja það við ákveðinn íhlut skal halda áfram í næsta hluta til að skipta um móðurborð.

Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.

Ef vandamálið var ekki leyst eða orsökin einangruð með því að fylgja fyrri skrefum skal skipta um eftirfarandi hluti, einn í einu, í þeirri röð sem sýnd er. Eftir að skipt hefur verið um fyrsta íhlutinn skal keyra greiningarpróf að lokinni viðgerð og framkvæma virknipróf til að kanna hvort skiptin hafi leyst vandamálið. Ef það leysir ekki vandamálið skal skipta um næsta hlut.

• Skiptið um hornskynjara fyrir lok.

• Skiptið um topphulstrið (í gerðum með skynjara til að opna/loka (AMR)).

• Ef vandamálið er til staðar eftir að skipt hefur verið um skynjara skal skipta um móðurborð.

Viðgerð lokið

Viðgerðaraðstoð kann að vera í boði í tækinu til að ljúka viðgerðinni, allt eftir því hvaða íhlut er skipt út. Upplýsingar um hvernig á að ræsa viðgerðaraðstoð.

Staðfesting eftir viðgerð

Keyrið eftirfarandi greiningarpakka eftir viðgerðina:

• Skoðunarbúnaður fyrir tilföng Mac-tölvu (MRI) (til að prófa heildarvirkni)

Að viðgerð lokinni skal kveikja á tölvunni og ganga úr skugga um að tölvan fari í hvíldarstöðu og vakni þegar þess er vænst.

Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.

• Ef Mac-tölvan kveikir ekki á sér

• Ef Mac-tölvan ræsist ekki að fullu

• Ef Mac-tölvan var endurræst vegna vandamáls

• Mac-tölvan ræst í öruggri stillingu

1. Leitið eftir vökvaskemmdum í tölvunni. Snerting við vökva getur valdið skammhlaupi í innri rafrásum og valdið því að tölvan bili.

2. Safnið eftirfarandi upplýsingum:

   • Þegar tölvan slekkur á sér (til dæmis á rafhlöðu eða eftir að hafa verið í gangi í smá tíma)

   • Hversu oft tölvan slekkur á sér

   • Hvaða forrit eru í gangi á þeim tíma

   • Hversu auðvelt er að láta tölvuna slökkva á sér

3. Ef rafhlaða tölvunnar tæmist skal tengja hana við viðeigandi Apple USB-C straumbreyti og hleðslukapal og hlaða tölvuna í allt að tíu mínútur til að sjá hvort rafhlaða tölvunnar geti hlaðist. Ef kviknar ekki á tölvunni með straumbreyti eftir hleðslu skal skoða úrræðaleit vegna vandamála með rafhlöðu og straumbreyti eða ekkert afl. Ef það kviknar á tölvunni en hún lýkur ekki ræsingarferlinu skal skoða úrræðaleit vegna vandamála með ræsingu.

4. Fylgið leiðbeiningum í Ef Mac-tölvan var endurræst vegna vandamáls.

5. Reynið að ræsa í öruggri stillingu til að staðfesta að tölvan geti ræst sig án vandræða.

6. Frekari upplýsingar eru í skrefum og hjálparúrræðum í Fljótleg úrræðaleit.

Ef vandamálið var ekki leyst með því að fylgja hjálpargrein eða með því að prófa skjót skref fyrir úrræðaleit skal keyra þessi handvirku próf og greiningarpróf til að einangra orsök vandamálsins:

1. Keyrið greiningarpakka skoðunarbúnaðar fyrir Mac-tölvu (MRI) með tölvuna tengda við viðeigandi Apple USB-C straumbreyti og hleðslukapal, ef því verður við komið.

   • Athugið: Þetta próf safnar greiningarupplýsingum um rafhlöðuna og greinir hvort mælingar hitaskynjara séu innan marka. Athugið niðurstöður greiningarprófa rafhlöðu í leit að viðvörunum eða bilunum í rafhlöðu, aflgjafa eða hitaskynjara.

2. MRI getur tilkynnt um tóma eða gallaða rafhlöðu eða aðra verulega bilun. Allar þessar bilanir geta valdið því að tölva slökkvi óreglulega á sér.

Ef vandamálið var ekki leyst eða orsökin einangruð með því að fylgja hjálpargreinum eða keyra greiningarpróf skal skoða viðgerðahandbók tölvunnar um hvernig á að opna og skoða tölvuna. Hluti sem hefur skemmst eða færst til gæti verið að valda einhverju vandamálanna.

1. Fylgið leiðbeiningum um verkferli í viðgerðahandbókinni til að fjarlægja botnhulstrið og takið rafhlöðuna úr sambandi við móðurborðið.

2. Skoðið innri íhluti og hulstrið í leit að vísbendingum um hnjask, vökvaskemmdir, óhreinindi eða brunnin eða sviðin svæði. Skoðið alla viðeigandi sveigjanlega kapla og tengi innan í símanum með tilliti til ummerkja um skemmdir eða breytingar, svo sem filmur eða aðskotahluti sem gætu truflað virkni tengis.

3. Leitið að ryki eða óhreinindum á svæðinu í kringum kæliplötuna og vifturnar (á gerðum með viftu). Notið ESD-örugga ryksugu til að fjarlægja varlega ryk og óhreinindi af kæliplötu og viftum. Gangið úr skugga um að hvor vifta snúist óhindrað og ekkert sé fyrir þeim.

4. Ef vandamálið leysist eða athugun leiðir engin vandamál í ljós skal ljúka samsetningunni. Ef greiningarniðurstöður eða skoðun greindu gallaðan íhlut skal halda áfram í næsta hluta. Ef vandamálið er viðvarandi án þess að hægt sé að tengja það við ákveðinn íhlut skal halda áfram í næsta hluta til að skipta um móðurborð.

Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.

Ef vandamálið var ekki leyst eða orsökin einangruð með því að fylgja fyrri skrefum skal skipta um eftirfarandi íhluti fyrir hvert tengt vandamál:

• Ef greiningarniðurstöður sýna villur eða bilanir á rafhlöðu skal skipta um rafhlöðu í gerðum þar sem hægt er að skipta um rafhlöðu. Skiptið um topphulstur í gerðum þar sem ekki er hægt að skipta um rafhlöðu.

• Skiptið um móðurborðið.

Viðgerð lokið

Viðgerðaraðstoð kann að vera í boði í tækinu til að ljúka viðgerðinni, allt eftir því hvaða íhlut er skipt út. Upplýsingar um hvernig á að ræsa viðgerðaraðstoð.

Staðfesting eftir viðgerð

Keyrið eftirfarandi greiningarpakka eftir viðgerðina:

• Skoðunarbúnaður fyrir tilföng Mac-tölvu (MRI) (til að prófa heildarvirkni)

Að viðgerð lokinni skal kveikja á tölvunni og ganga úr skugga um að leyst hafi verið úr vandamálinu.

Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.

• Ef Mac-tölvan ræsist ekki að fullu

• Mac-tölvan ræst í öruggri stillingu

• Nota macOS Recovery í Mac-tölvu með Apple Silicon

• Ef Mac-tölvan birtir upphrópunarmerki með hring utan um við ræsingu

• Ef Mac-tölvan birtir valkosti með tannhjólatákni við ræsingu

• Hvernig á að ræsa úr macOS endurheimt

• Hvernig hægt er að finna DFU-tengið á Mac-tölvu

1. Leitið eftir vökvaskemmdum í tölvunni. Snerting við vökva getur valdið skammhlaupi í innri rafrásum og valdið því að tölvan bili.

2. Ef rafhlaða tölvunnar tæmist skal tengja tölvuna við viðeigandi Apple USB-C straumbreyti og hleðslukapal og hlaða hana í allt að tíu mínútur til að sjá hvort rafhlaða tölvunnar geti hlaðist. Ef kviknar ekki á tölvunni með straumbreyti eftir hleðslu skal skoða úrræðaleit vegna vandamála með rafhlöðu og straumbreyti eða ekkert afl.

3. Reynið að ræsa í öruggri stillingu til að staðfesta að tölvan geti ræst sig án vandræða.

4. Frekari upplýsingar eru í skrefum og hjálparúrræðum í Fljótleg úrræðaleit.

Ef vandamálið var ekki leyst með því að fylgja hjálpargrein eða með því að prófa skjót skref fyrir úrræðaleit skal keyra þessi handvirku próf og greiningarpróf til að einangra orsök vandamálsins:

1. Ákvarðið hvort afl sé á tölvunni með því að ganga úr skugga um eitthvað af eftirfarandi:

   • Vifta snýst (aðeins sumar gerðir)

   • Snertiborðið smellur þegar ýtt er á það

   • Tölvan gefur til kynna hvenær hleðslukapall er tengdur (til dæmis með hljóði)

   • Innbyggðar skjáaðgerðir

   • Tengdur ytri skjár er virkur

2. Ef tölvan sýnir engin merki um afl skal skoða úrræðaleit vegna vandamála með rafhlöðu og straumbreyti eða ekkert afl.

3. Prófið að ræsa tölvuna í greiningarstillingu ef mögulegt er.

4. Keyrið greiningarpakka skoðunarbúnaðar fyrir Mac-tölvu (MRI) með tölvuna tengda við viðeigandi Apple USB-C straumbreyti og hleðslukapal, ef því verður við komið.

   • Athugið: Þetta próf safnar greiningarupplýsingum um rafhlöðuna og greinir hvort mælingar hitaskynjara séu innan marka. Athugið niðurstöður MRI í leit að viðvörunum eða bilunum í rafhlöðu, aflgjafa, viftu eða hitaskynjara.

5. Tengið samhæfan ytri skjá við tölvuna. Tengið tölvuna við viðeigandi Apple USB-C straumbreyti og hleðslukapal. Kvikna á sjálfkrafa á tölvunni ef slökkt er á henni þegar straumbreytirinn er tengdur. Leitið að mynd á innbyggða skjánum. Leitið síðan að mynd á ytri skjánum sem er tengdur við. Ef mynd sést ekki greinilega á innbyggða skjánum á meðan mynd sést greinilega á tengda ytri skjánum gæti verið vandamál með innbyggða skjáinn. Sjá Úrræðaleit vegna vandamála með skjá eða myndir.

6. Notið Disk Utility til að staðfesta innra ræsidrif tölvunnar á meðan tölvan ræsir sig í greiningarstillingu. Ef tekið er eftir villum skal nota Disk Utility til að gera við innra ræsidrif tölvunnar.

7. Endurræsið tölvuna og staðfestið að hún ljúki við ræsingarferlið. Ef tölvan ræsist ekki enn alveg skal velja valkostinn „Install macOS“ (setja upp macOS) í macOS Recovery til að uppfæra eða setja upp macOS aftur.

8. Ef tölvan ræsist hvorki í macOS né greiningarstillingu birtist upphrópunarmerki með hring utan um. Ef þetta tákn sést þegar reynt er að ræsa tölvuna skal fylgja ráðlögðum skrefum í Ef Mac-tölvan birtir upphrópunarmerki með hring utan um við ræsingu.

   • Mikilvægt: Reynið alltaf að endurvekja eða endurheimta tölvuna með því að fylgja skrefunum í Hvernig á að endurvekja eða endurheimta fastbúnað Mac áður en reynt er að gera við vélbúnað.

Ef vandamálið var ekki leyst eða orsökin einangruð með því að fylgja hjálpargreinum eða keyra greiningarpróf skal skoða viðgerðahandbók tölvunnar um hvernig á að opna og skoða tölvuna. Hluti sem hefur skemmst eða færst til gæti verið að valda einhverju vandamálanna.

1. Fylgið leiðbeiningum um verkferli í viðgerðahandbókinni til að fjarlægja botnhulstrið og takið rafhlöðuna úr sambandi við móðurborðið.

2. Skoðið innri íhluti og hulstrið í leit að vísbendingum um hnjask, vökvaskemmdir, óhreinindi eða brunnin eða sviðin svæði. Skoðið alla viðeigandi sveigjanlega kapla og tengi innan í tækinu með tilliti til ummerkja um skemmdir eða breytingar, svo sem filmur eða aðskotahluti sem gætu truflað virkni tengis.

3. Leitið að ryki eða óhreinindum á svæðinu í kringum kæliplötuna og vifturnar (á gerðum með viftu). Notið ESD-örugga ryksugu til að fjarlægja varlega ryk og óhreinindi af kæliplötu og viftum. Gangið úr skugga um að hvor vifta snúist óhindrað og ekkert sé fyrir þeim.

4. Aftengið hljóðspjaldið og reynið að kveikja á tölvunni. Ef kviknar á tölvunni og hún ræsist með hljóðspjaldið aftengt er mælt með að skipt sé um hljóðspjaldið.

5. Skoðið hornskynjara fyrir lok (LAS), þar með talið sveigjanlegan kapal og tengi. Skoðið íhlutina á þessu svæði vandlega til að leita að vísbendingum um líkamlegan skaða eða tæringu. Aftengið LAS sveigjanlega kapalinn og prófið hann aftur í ræsingu. Ef vandamálið leysist þegar LAS er aftengt er mælt með að skipta um LAS.

6. Aftengið rafhlöðuna og reynið að kveikja á tölvunni með hleðslukapalinn tengdan. Ef kviknar á tölvunni og hún ræsist með rafhlöðuna aftengda er mælt með að skipta um rafhlöðu eða topphulstur (fer eftir gerðinni).

7. Ef vandamálið leysist eða athugun leiðir engin vandamál í ljós skal ljúka samsetningunni. Ef greiningarniðurstöður eða skoðun greindu gallaðan íhlut skal halda áfram í næsta hluta. Ef vandamálið er viðvarandi án þess að hægt sé að tengja það við ákveðinn íhlut skal halda áfram í næsta hluta til að skipta um móðurborð.

Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.

Ef vandamálið var ekki leyst eða orsökin einangruð með því að fylgja fyrri skrefum skal skipta um eftirfarandi íhluti fyrir hvert tengt vandamál:

• Ef kviknar á tölvunni og hljóðspjaldið er aftengt skal skipta um hljóðspjaldið.

• Ef skemmdir eða tæringar finnast á sveigjanlegum kapli hornskynjara fyrir lok eða tengjum hans skal skipta um hornskynjara fyrir lok.

• Ef það kviknar á tölvunni og hún ræsist þegar rafhlaðan er aftengd skal skipta um rafhlöðuna (í gerðum þar sem hægt er að skipta um rafhlöðu). Skiptið um topphulstur í gerðum þar sem ekki er hægt að skipta um rafhlöðu.

• Ef enginn ákveðinn bilaður íhlutur greindist hér fyrir ofan skal skipta um móðurborðið.

Viðgerð lokið

Viðgerðaraðstoð kann að vera í boði í tækinu til að ljúka viðgerðinni, allt eftir því hvaða íhlut er skipt út. Upplýsingar um hvernig á að ræsa viðgerðaraðstoð.

Staðfesting eftir viðgerð

Keyrið eftirfarandi greiningarpakka eftir viðgerðina:

• Skoðunarbúnaður fyrir tilföng Mac-tölvu (MRI) (til að prófa heildarvirkni)

Að viðgerð lokinni skal kveikja á tölvunni og ganga nokkrum sinnum úr skugga um að tölvan geti núna lokið ræsingarferlinu.

Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.