Apple-stúdíóskjár: Vandamál með vélbúnað
Úrræðaleit vegna vandamála með stand eða löm
Úrræðaleit vegna skjás sem er óvenjulega heitur viðkomu, óvenjuleg lykt kemur frá honum eða hann gefur frá sér mikinn hávaða, suð eða titring
Greining vandamála
Lesið þessa grein ef einhver af eftirfarandi vandamálum eru til staðar með skjáinn:
Virðist óvenjulega heitur
Gefur frá sér bruna- eða reyklykt eða aðra óvenjulega lykt
Gefur frá sér hávaða eða titring
Mikill hávaði frá viftu
Um viftur og hávaða frá viftum í Apple-vörunni þinni
Ef ekki var leyst úr vandamálinu með því að fylgja hjálpargrein skal halda áfram í næsta hluta.
Prófið að fylgja þessum skrefum áður en haldið er áfram í sértæka úrræðaleit
Berið vinnsluhitastig skjásins saman við svipaðan skjá.
Aftengið öll jaðartæki frá skjánum.
Færið skjáinn á annan stað og stingið rafmagnskapli í samband við aðra rafmagnsinnstungu og athugið síðan hvort hægt sé að útiloka eitthvert hljóð.
Athugið: Hávaði getur tengst truflunum frá öðrum rafmagnstækjum sem eru í gangi nálægt skjánum eða eru tengd við sömu innstungu.
Gangið úr skugga um að skjárinn sé á sléttu, hörðu yfirborði á svæði sem stíflar ekki loftop og athugið síðan hvort vandamálið með hitann hafi lagast.
Skoðið skjáinn til að leita að vísbendingum um að vökvi hafi komist í hann. Vökvi getur valdið skammhlaupi í innri rafrásum stöðvað viftuna.
Keyra greiningarpróf
Ef vandamálið var ekki leyst með því að fylgja hjálpargrein eða leita að hugsanlegum orsökum skal keyra Greiningarpakka Display Resource Inspector (DRI) til að einangra orsök vandamálsins.
Athugið: Þessi greiningarpakki mun athuga hvort USB-viðmót og myndavélar séu til staðar og mun prófa virkni hátalara, hljóðnema og myndavélar.
Opnið skjáinn og skoðið hann
Ef vandamálið þitt var ekki leyst eða orsökin einangruð með því að fylgja hjálpargreinum eða keyra greiningarpróf skal skoða viðgerðarhandbók skjásins til að opna og skoða hann. Hluti sem hefur skemmst eða færst til gæti verið að valda einhverju vandamálanna.
Fylgið ferlunum í viðgerðarhandbókinni til að opna skjáinn.
Skoðið innri hluti og húsið í leit að vísbendingum um hnjask, vökvaskemmdir, óhreinindi eða brunnin eða sviðin svæði.
Leitið að uppsöfnuðu ryki eða ló á svæðum í kringum kæliplötuna og vifturnar. Notið ESD-öruggt lofttæmi eða þrýstiloft til að fjarlægja varlega ryk og óhreinindi af kæliplötu og viftum. Gangið úr skugga um að hvor vifta snúist óhindrað og ekkert sé fyrir henni.
Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.
Skiptið um hlutinn
Ef vandamálið var ekki leyst eða orsökin einangruð með því að fylgja fyrri skrefum skal skipta um viðkomandi viftu.
Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.
Úrræðaleit vegna vandamála með stand eða löm
Greining vandamála
Laus standur eða löm
Beygður eða brotinn standur eða löm
Keyra handvirkar prófanir
Keyrið þessi handvirku próf til að einangra orsök vandamálsins:
Skoðið notendahandbók til að fá frekari upplýsingar og leiðbeiningar fyrir stillingu skjástands.
Skoðið standinn. Gangið úr skugga um að standurinn haldi skjánum kyrfilega í uppréttri stöðu án þess að vagga þegar hann er settur á slétt, hart og mjúkt yfirborð.
Skoðið lömina. Hreyfið skjáinn fram og aftur á löminni og hlustið eftir hávaða. Athugið hvort lömin hreyfist eðlilega - hvorki stíf né laus - þar sem hún heldur skjánum í réttri stöðu. Lömin ætti að hreyfast mjúklega allan tímann.
Komið skjánum fyrir á flötum og stöðgum fleti. Á meðan annar aðili þrýstir niður á standinn skal standa fyrir framan skjáinn og taka þétt utan um báðar hliðar skjáhússins og reyna að snúa húsinu til vinstri og hægri. Húsið ætti ekki að geta hreyfst. Berið þessa stöðu saman við svipa gerð skjás. Ef húsið snýst óeðlilega mikið er hugsanlegt að festingar vélbúnaðarins inni í húsinu séu ekki lengur tryggilega festar og því gæti þurft að skipta um hús.
Komið skjánum fyrir á flötum og stöðugum fleti og athguið hvort önnur hlið skjásins virðist sitja hærra eða lægra en hin hliðin.
Gangið úr skugga um að bæði standurinn og lömin virki rétt og að haldi skjánum kyrfilega í öllum eðlilegum uppréttum stöðum.
Skiptið um hlutinn
Ef vandamálið leysist ekki eða orsökin er ekki einangruð með því að fylgja fyrri skrefum skal íhuga að skipta út íhlut.
Skiptið um stand ef hann er t.d. óstöðugur eða sjást skemmdir á honum eða löminni.
Skiptið um hús ef skjárinn er t.d. laus á standinum eða hallast.
Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.