Mac mini (2023 með M2) Móðurborð

Áður en hafist er handa

Fjarlægið eftirfarandi hluta áður en hafist er handa:

Verkfæri

  • Stillanlegur átaksmælir (0,3–1,2 Nm)

  • ESD-örugg flísatöng

  • Nemi úr næloni (svartur teinn)

  • Torx T10-biti

Varúð

Þetta ferli krefst kerfisstillingar. Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.

Losun

  1. Notið slétta enda svarta teinsins til að spenna upp lásarminn á tengi sveigjanlega kapli stöðuljóssins (1). Takið síðan enda sveigjanlega kapalsins úr sambandi (2).

  2. Notið ESD-örugga töng til að fletta pólýesterfilmunni af tengi rafmagnskapalsins og enda rafmagnskapalsins (1). Geymið pólýesterfilmuna fyrir endursamsetningu. Grípið svo um enda rafmagnskapalsins og togið hann úr tenginu (2).

    • Mikilvægt: Ný pólýesterfilma fylgir með nýju móðurborði og rafmagnskapli.

  3. Notið síðan 0,3–1,2 Nm stillanlega átaksmælinn og Torx T10 bitann til að fjarlægja tvær T10 skrúfur (923-07584) úr móðurborðinu.

  4. Ýtið á kæliplötuna til að renna móðurborðinu úr húsinu eins og sýnt er.

Samsetning

Mikilvægt

Ef verið er að setja í sama móðurborð aftur í skal fara í skref 3. Ef nýtt móðurborð er sett í skal halda áfram í skref 1.

  1. Fjarlægið hátalarann af móðurborðinu. Setjið upp hátalarann (1) á nýja móðurborðinu. Haldið svo áfram að skrefi 2.

  2. Fjarlægið inntaks-/úttaksvegginn af móðurborðinu. Setjið inntaks-/úttaksvegginn (2) á nýja móðurborðið. Haldið svo áfram að skrefi 3.

  3. Rennið móðurborðinu að hluta til inn í húsið eins og sýnt er. Gangið úr skugga um að sveigjanlegur kapall stöðuljóssins (1) og rafmagnskapallinn (2) séu ekki fastir undir móðurborðinu.

  4. Ýtið á inntaks-/úttaksvegginn til að setja móðurborðið alveg inn í húsið. Gangið úr skugga um að klemmur inntaks- og úttaksveggsins festist við húsið og að inntaks- og úttaksveggurinn flútti við húsið.

  5. Setjið Torx T10 bitann á 0,3–1,2 Nm stillanlega átaksmælinn. Stillið herslugildið á 1,2 Nm.

  6. Notið stillanlega átaksmælinn og Torx T10 bitann til að skrúfa tvær T10 skrúfur (923-07584) aftur í móðurborðið.

  7. Stingið enda rafmagnskapalsins í samband við tengið.

  8. Setjið pólýesterfilmuna yfir tengi og enda rafmagnskapalsins. Ýtið eftir endilangri pólýesterfilmunni til að festa hana.

    • Mikilvægt: Ef ný pólýesterfilma fylgdi með varahlut skal farga núverandi pólýesterfilmu og setja á nýju filmuna.

  9. Festið endann á sveigjanlega kapli stöðuljóssins við tengið (1). Lokið síðan lásarminum (2).

Setjið eftirfarandi hluti aftur í til að ljúka samsetningu:

Varúð

Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.

Birt: