iPhone 12 og nýrri: Vandamál með hljóð
Úrræðaleit vegna vandamála með hátalara, hringingarhljóð eða hljóðnema
Greining vandamála
Ekkert hljóð, eða lágt eða brenglað hljóð frá neðri hátalara
Ekkert hljóð, eða lágt eða brenglað hljóð frá efri hátalara
Enginn hringitónn, eða lágur eða brenglaður hringitónn
Ekki heyrist í notanda í símtölum í gegnum síma eða FaceTime
Ekki heyrist almennilega í hinni manneskjunni eða það heyrast skruðningar eða suð í símtölum í gegnum síma eða FaceTime
Ekkert hljóð, eða lítið eða brenglað hljóð í símtölum í gegnum síma eða FaceTime, í myndupptökum eða í forritum sem nota hljóðnemana
Prófið að fylgja þessum skrefum áður en haldið er áfram í sértæka úrræðaleit
Ýtið á hljóðstyrkshnappana til að athuga hljóðstyrkinn.
Í iPhone-síma með rofa fyrir hringihljóð/hljóð af skal færa rofann að iPhone skjánum þannig að appelsínugula ljósið sjáist ekki — hringihljóð á. Í gerðum iPhone 15 Pro skal ganga úr skugga um kveikt sé á hringihljóði tækisins með aðgerðarhnappinum eða stjórnunarmiðstöðinni.
Fjarlægið allar skjáhlífar, filmur eða hulstur.
Leitið eftir óhreinindum í hátalara iPhone og opum hljóðnema. Hreinsið þessi svæði varlega með litlum mjúkum bursta sem er ekki úr málmi. Gangið úr skugga um að burstinn sé hreinn og þurr. Burstið varlega hlífðarnetið í viðtökuopinu til að fjarlægja óhreinindi. Gætið ýtrustu varúðar til að skemma ekki hljóðnemann sem er í viðtökuopinu. Ekki nota stórar hreyfingar yfir allt glerið til að forðast að rispa það. Burstið óhreinindi varlega af hlífum hátalara- og myndavélaropsins. Þurrkið burt óhreinindi sem hafa losnað með örtrefjaklút.
Mikilvægt: Takið fyrst allar snúrur úr sambandi og slökkvið á iPhone-símanum. Ekki nota vörur sem innihalda bleikiefni eða vetnisperoxíð. Forðist að raki komist í op og ekki skal setja iPhone í vökva sem inniheldur hreinsiefni. Notið ekki þrýstiloft.
Keyrið handvirk próf og greiningarpróf
Keyrið Greiningarpakka skoðunarbúnaðs fyrir farsímatilföng (MRI).
Keyrið viðeigandi Greiningarpakka fyrir hljóð fyrir iPhone-símann sem viðhaldsvinna er gerð á.
Hringið í iPhone sem verið er að prófa úr öðrum síma. Svarið símtalinu og kveikið á hátalaranum. Talið eðlilega og hlustið til að staðfesta skýr hljóðgæði neðstu hljóðnemanna.
Opnið iPhone-tækið og skoðið það
Ef vandamálið var ekki leyst eða orsökin einangruð með því að fylgja hjálpargreinum eða keyra greiningarpróf skal skoða viðgerðarhandbók iPhone til að opna og skoða hann. Hluti sem hefur skemmst eða færst til gæti verið að valda einhverju vandamálanna.
Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.
Skiptið um hlutinn
Ef vandamálið var ekki leyst eða orsökin einangruð með því að fylgja fyrri skrefum skal skipta um neðri hátalarann vegna vandamála með neðri hátalara. Skiptið um efri hátalara í iPhone 13 og nýrri gerðum ef vandamál eru með hátalarann. Skiptið um skjá vegna vandamála með efri hljóðnema. Skiptið um aðalhljóðnema í iPhone 15 vegna vandamála með neðri hljóðnema. Finna má þjónustuvalkosti fyrir aðrar gerðir eða vandamál tengdum hátalara eða hljóðnema á support.apple.com/repair.
Athugið: Í þessum hluta þarf að panta varahluti og verkfæri. Ekki er víst að vandamál tækisins leysist þótt skipt sé um hlut. Finna má aðra þjónustuvalkosti á support.apple.com/repair.