iPhone 12 Pro Max, myndavél

Áður en hafist er handa

Viðvörun

Lestu Öryggi rafhlöðu og fylgdu leiðbeiningum um vinnuumhverfi og meðhöndlun rafhlöðu áður en hafist er handa.

Varúð

Þetta ferli krefst kerfisstillingar. Eftir að lokið hefur verið að fjarlægja allt og setja það saman skal athuga hvernig hefja á kerfisstillingarferlið á support.apple.com/self-service-repair.

Losun

1. Settu hulstrið í viðgerðarbakkann þannig að Lightning-tengið snúi að hakinu.

2. Notaðu átaksskrúfjárn og Micro stix-bita til að fjarlægja þríblaða skrúfurnar fimm af myndavélarhlífinni í þeirri röð sem sýnd er. Haltu myndavélarhlífinni á sínum stað meðan þú fjarlægir miðjuskrúfuna (5). Settu skrúfurnar til hliðar.

   • Varúð: Forðastu að snerta fjaðrirnar.

   

3. Notaðu ESD-töng til að halla upp myndavélarhlífinni frá vinstri hlið. Renndu síðan hlífarflipanum út úr raufinni hægra megin á hulstrinu. Geymdu hlífina fyrir samsetningu.

   

4. Notaðu ESD-töng til að lyfta enda efstu myndavélarsnúrunnar af tenginu.

   • Athugaðu: Önnur myndavélarsnúran liggur yfir hina.

   

5. Notaðu ESD-töng til að lyfta enda neðstu myndavélarsnúrunnar af tenginu.

   

6. Haltu snúrum myndavélarinnar varlega saman og lyftu myndavélunum upp úr hulstrinu.

Samsetning

1. Vertu í hönskum til að forðast að óhreinka myndavélarlinsurnar. Haltu síðan nýju myndavélunum með linsurnar niður á við og fjarlægðu hlífina af myndavélarlinsunum.

2. Hallaðu neðri brún myndavélanna niður og í átt að rafhlöðunni eins og sýnt er. Gakktu úr skugga um að myndavélasnúrurnar passi í rásina í hulstrinu.

   

3. Settu myndavélarnar í hulstrið.

   

4. Ýttu endanum á neðri myndavélarsnúrunni að tenginu.

5. Ýttu enda efstu myndavélarsnúrunnar að tenginu.

6. Þrýstu myndavélunum létt inn í hulstrið.

7. Myndavélarhlífin er með flipa sem passar í rauf undir brúninni hægra megin á hulstrinu. Skoðaðu flipana og fjöðrina á hlífinni til að sjá hvort skemmdir hafa orðið á þeim áður en allt er sett aftur saman.

   

8. Haltu um hlífina með ESD-töng og renndu hlífarflipunum inn í raufina. Láttu síðan hlífina síga niður á myndavélarnar.

   • Varúð

     • Forðastu að snerta fjöðrina þegar þú setur myndavélarhlífina á sinn stað.

     • Gakktu úr skugga um að skrúfugötin í hlífinni flútti við skrúfuholurnar og að flipinn sé inni í raufinni í hulstrinu. Rangt staðsett myndavélarhlíf getur haft áhrif á myndgæði skjásins.

   

9. Haltu myndavélarhlífinni á sínum stað með fingrinum. Notaðu græna átaksskrúfjárnið og Micro stix-bita til að setja fimm nýjar þríblaða skrúfur (923-05028) í myndavélarhlífina í þeirri röð sem sýnd er.

   

Settu eftirfarandi hlut aftur á til að ljúka samsetningu:

• Skjá

Varúð

Eftir að þú hefur lokið öllum skrefum við að taka í sundur og setja saman aftur skaltu læra hvernig á að hefja kerfisstillingarferlið á support.apple.com/self-service-repair.

Meðan á kerfisstillingu stendur framkvæmirðu kvörðun á LiDAR-skanna. Undirbúðu þig fyrir kvörðun með því að fylgja eftirfarandi skrefum:

1. Notaðu vel lýst svæði sem er með hluti af mismunandi stærðum og gerðum.

2. Sittu eða stattu í rúmlega 1 metra fjarlægð frá hlutunum.

3. Haltu tækinu lóðréttu og láttu olnbogann hvíla á líkamanum til að halda handleggnum stöðugum.

4. Hefðu skönnun með því að fara fram og til baka vinstra og hægra megin frá upphafspunktinum. Fylgdu leiðbeiningunum sem birtast á skjá tækisins.

Athugaðu: Kvörðunarferlið tekur um það bil 5 mínútur.