MacBook Air (M2, 2022) Skjár
Áður en hafist er handa
Fjarlægið eftirfarandi hluta áður en hafist er handa:
Verkfæri
Stillanlegur átaksmælir (0,3–1,2 Nm)
Stillanlegur átaksmælir (10–34 Ncm)
Nemi úr næloni (svartur teinn)
Átaksmælir (blár, 0,65 kgf. cm)
Torx Plus 3IP 25 mm biti
Torx Plus 8IP 25 mm biti
Torx T3-hálfmánabiti
Varúð
Þetta ferli krefst kerfisstillingar. Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.
Ef skipt er um skjá þarf einnig að setja upp nýjan hornskynjara fyrir lok.
Losun
Opnið skjáinn. Leggið síðan tölvuna á borðbrúnina með skjáinn hangandi niður.
Setjið 3IP bitann á 10–34 Ncm stillanlega átaksmælinn. Notið síðan stillanlega átaksmælinn og 3IP bitann til að fjarlægja tvær 3IP skrúfur (923-07285) úr hlíf fyrir sveigjanlega kapla skjásins (1).
Notið svarta teininn til að lyfta endunum á sveigjanlegum köplum skjás og myndavélar úr tengjunum (2).
Setjið Torx T3 bitann á bláa átaksmælinn. Notið síðan bláa átaksmælinn og Torx T3 bitann til að fjarlægja tvær T3 skrúfur (923-07277) úr tengihlíf fyrir hornskynjaralok/hljóðspjald.
Fjarlægið tengihlíf fyrir hornskynjaralok/hljóðspjald og geymið fyrir samsetningu.
Lyftið upp enda sveigjanlegs kapals hornskynjara fyrir lok frá tenginu (1).
Losið límbandið og flettið sveigjanlegum kapli hornskynjarans af hljóðspjaldinu (2).
Setjið 8IP bitann í 0,3–1,2 Nm stillanlega átaksmælinn. Notið stillanlega átaksmælinn og 8IP bitann til að fjarlægja sex 8IP skrúfur (923-07286) úr hlífum fyrir vinstri og hægri skjálöm.
Opnið skjáinn. Lyftið síðan skjánum samkvæmt horninu sem er sýnt til að fjarlægja hann af topphulstrinu. Gangið úr skugga um að hlífar fyrir skjálamirnar losni frá brún topphulstursins.
Samsetning
Staðsetjið skjáinn á sinn stað í topphulstrinu.
Athugið: Skjárinn inniheldur sveigjanlega kapla fyrir skjáinn og myndavélina.
Setjið sveigjanlega kapla skjásins og myndavélarinnar inn í topphulstrið.
Setjið 8IP bitann í 0,3–1,2 Nm stillanlega átaksmælinn. Notið síðan stillanlega átaksmælinn og 8IP bitann til að skrúfa sex 8IP skrúfur (923-07286) lauslega í hlífar fyrir hægri og vinstri skjálöm í þeirri röð sem sýnd er.
Lokið skjánum og stillið hann af þar til hann flúttar við topphulstrið.
Ekki taka 8IP bitann af 0,3–1,2 Nm stillanlega átaksmælinum. Stillið herslugildið á 0,6 Nm.
Notið 0,3–1,2 Nm stillanlega átaksmælinn og 8IP bitann til að skrúfa sex 8IP skrúfur aftur í hlífar fyrir hægri og vinstri skjálöm í þeirri röð sem sýnd er.
Þrýstið endunum á sveigjanlegum köplum skjás og myndavélar á tengin (1).
Setjið 3IP bitann á 10–34 Ncm stillanlega átaksmælinn. Stillið herslugildið á 11,5 Ncm.
Notið stillanlega átaksmælinn og 3IP bitann til að skrúfa tvær 3IP skrúfur (923-07285) aftur í hlíf fyrir sveigjanlega kapla skjásins (2).
Mikilvægt
Ef verið er að setja upp nýjan skjá skal setja upp nýjan hornsskynjara. Síðan skal setja í hina hlutina til að ljúka samsetningu.
Farið í skref 10 ef sami skjárinn er settur á.
Þrýstið endanum á sveigjanlegum kapli hornskynjarans á tengið (1).
Notið slétta enda svarta teinsins til að festa sveigjanlega kapalinn fyrir hornskynjarann við hljóðspjaldið (2).
Leggið tengihlíf hornskynjarakapalsins/hljóðspjaldsins yfir endann á sveigjanlegum kapli hornskynjarans.
Setjið Torx T3 bitann á bláa átaksmælinn. Notið síðan bláa átaksmælinn og Torx T3 bitann til að skrúfa tvær T3 skrúfur (923-07277) aftur í tengihlíf fyrir hornskynjarakapalinn/hljóðspjaldið.
Setjið eftirfarandi hluti aftur í til að ljúka samsetningu:
Mikilvægt
Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.