MacBook Pro (14 tommu, 2021) Skjár

Áður en hafist er handa

Fjarlægið eftirfarandi hluta áður en hafist er handa:

Verkfæri

Nemi úr næloni (svartur teinn)
Torx T3-skrúfjárn
Torx T8-skrúfjárn

Varúð

Þetta ferli krefst kerfisstillingar. Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.
Ef skipt er um skjá þarf einnig að setja upp nýjan hornskynjara fyrir lok.

Losun

Notið T3 skrúfjárnið til að fjarlægja tvær T3 skrúfur (923-06854) úr tengihlíf hornskynjarans. Fjarlægið hlífina og geymið hana fyrir samsetningu.
Notið svarta teininn til að lyfta endanum á sveigjanlega kaplinum fyrir hornskynjara af tenginu.
Notið T3 skrúfjárnið til að fjarlægja fjórar T3 skrúfur (923-06854) úr tveimur hlífum fyrir skjátengi. Fjarlægið hlífarnar og geymið þær fyrir samsetningu.
Takið endann á sveigjanlegum rafmagnskapli fyrir baklýsingu skjás, sveigjanlegum kapli fyrir háskerpumyndavél FaceTime og sveigjanlegum kapli eDP af tengjunum.
Lyftið klemmum skjákaplanna frá innri umgjörð topphulstursins. Opnið þær varlega yfir brún topphulstursins til að sjá kapalhlífar skjásins undir.
Lyftið kapalhlífum skjásins úr topphulstrinu. Geymið þær fyrir samsetningu.
Opnið tölvuna og leggið hana á hvolf á hreinan flöt og látið skjáinn hanga niður af borðbrúninni.
Notið T8 skrúfjárnið til að fjarlægja sex T8 skrúfur (923-07042) úr skjálömunum í þeirri röð sem sýnd er.
Dragið skjáinn til ykkar um 30 gráður (1). Lyftið síðan skjánum upp og gætið þess að lamirnar losni frá brún topphulstursins (2).
Fjarlægið skjáinn frá topphulstrinu eins og sýnt er.

Samsetning

Mikilvægt

Byrjið á skrefi 1 ef nýr skjár er settur á. Gætið þess að fjarlægja filmuhlífar og límbönd af nýjum skjá.
Farið í samsetningarskref 2 ef sami skjárinn er settur á.

Fjarlægið núverandi hornskynjara fyrir lok og setjið nýjan í.
Setjið skjáinn í topphulstrið eins og sýnt er.
Notið T8 skrúfjárnið til að skrúfa sex T8 skrúfur (923-07042) lauslega í skjálamirnar í þeirri röð sem sýnd er.
Lokið skjánum og látið tölvuna standa á hlið. Stillið af skjáinn þar til hann flúttar við topphulstrið.
Leggið tölvuna á hvolf með aftari hlutann nær ykkur.
Notið T8 skrúfjárnið til að herða ytri T8 skrúfurnar í skjálamir.
Setjið kapalhlífar skjásins inn í innri umgjörðina.
Komið sveigjanlegu skjáköplunum fyrir umhverfis brún kapalhlífa skjásins (1). Þrýstið síðan klemmum sveigjanlegu skjákaplanna niður og ofan á hlífarnar og yfir á innri umgjörðina (2).
Notið svarta teininn til að koma sveigjanlegu skjáköplunum fyrir í bilinu á milli skjásins og innri umgjarðarinnar.
Notið svarta teininn til að koma sveigjanlegu skjáköplunum fyrir í bilinu á milli móðurborðsins og innri umgjarðarinnar. Gangið úr skugga um að klemmur sveigjanlegu skjákaplanna séu að fullu klemmdar við innri umgjörðina.
Stingið endunum á sveigjanlegum rafmagnskapli fyrir baklýsingu skjás, sveigjanlegum kapli fyrir háskerpumyndavél FaceTime og sveigjanlegum kapli eDP í samband við tilheyrandi tengi á móðurborðinu.
Setjið tvær skjátengihlífar yfir endana á sveigjanlegum rafmagnskapli fyrir baklýsingu skjás, sveigjanlegum kapli fyrir myndavél FaceTime og tengi sveigjanlegs kapals eDP. Notið síðan T3 skrúfjárnið til að skrúfa tvær T3 skrúfur (923-06854) í hlífarnar.
Þrýstið endanum á sveigjanlegum kapli hornskynjara fyrir lok á tengið á móðurborðinu.
Leggið tengihlíf hornskynjarans yfir endann á sveigjanlegum kapli hornskynjarans.
Notið síðan T3 skrúfjárnið til að skrúfa tvær T3 skrúfur (923-06854) aftur í tengihlíf hornskynjarans.