MacBook Pro (13 tommu, M2, 2022) Skjár

Áður en hafist er handa

Fjarlægið eftirfarandi hluta áður en hafist er handa:

Verkfæri

  • Stillanlegur átaksmælir (10–34 Ncm)

  • Stillanlegur átaksmælir (0,3–1,2 Nm)

  • Nemi úr næloni (svartur teinn)

  • Torx Plus 3IP biti

  • Torx T8-biti

Varúð

Þetta ferli krefst kerfisstillingar. Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.

Losun

  1. Notið 10–34 Ncm stillanlega átaksmælinn og Torx Plus 3IP bitann til að fjarlægja fjórar 3IP skrúfur (923-05251) úr tveimur gormastrekkjurum á innri rammanum.

    • Athugið: Gormastrekkjararnir og TCON-kortið eru hluti af skjánum.

  2. Opnið tölvuna og leggið hana á hvolf á hreinan flöt og látið skjáinn hanga niður af borðbrúninni.

  3. Notið 0,3–1,2 Nm stillanlega átaksmælinn og T8 bitann til að fjarlægja sex T8 skrúfur (923-05266) úr skjálömunum.

  4. Dragið skjáinn til ykkar um 15 gráður (1). Lyftið skjánum upp og gætið þess að lamirnar losni frá brún topphulstursins (2).

Samsetning

Mikilvægt

Gætið þess að fjarlægja filmuhlífar og límbönd af nýjum skjá.

  1. Leggið skjáinn á topphulstrið.

    • Athugið: Skjárinn inniheldur TCON-spjaldið og gormastrekkjarana.

  2. Gangið úr skugga um að TCON-kortið og gormastrekkjararnir séu innan í topphulstrinu.

  3. Stillið 0,3-1,2 Nm stillanlega átaksmælinn á 0,6 Nm.

  4. Notið 0,3–1,2 Nm stillanlega átaksmælinn og Torx T8 bita til að skrúfa sex T8 skrúfur (923-05266) lauslega í skjálamirnar í þeirri röð sem sýnd er.

  5. Lokið skjánum og stillið hann af þar til hann flúttar við topphulstrið.

  6. Látið tölvuna standa á hreinu, sléttu yfirborði til að jafna út stöðu skjálamarinnar.

  7. Gangið úr skugga um að stillanlegi átaksmælirinn sé enn stilltur á 0,6. Með skjáinn lokaðan skal nota stillanlega átaksmælinn og Torx T8 bitann til að skrúfa sex T8 skrúfur aftur í skjálamirnar í þeirri röð sem sýnd er.

  8. Rúllið (1) og þrýstið á (2) gormastrekkjarana þannig að þeir flútti við innri rammann. Kaplar gormastrekkjaranna eiga að liggja alveg flatir í topphulstrinu. Skrúfugötin fjögur í byrði gormastrekkjarans eiga að flútta við skrúfugötin í innri rammanum.

  9. Stillið 10–34 Ncm stillanlega átaksmælinn á 11,5 Ncm.

  10. Notið 10–34 Ncm stillanlega átaksmælinn og Torx Plus 3IP bitann til að skrúfa fjórar T3 skrúfur (923-05251) aftur í báða gormastrekkjarana.

Setjið eftirfarandi hluti aftur í til að ljúka samsetningu:

Varúð

Eftir að öllum sundurhlutunar- og samsetningarskrefum er lokið skal athuga hvernig hefja á kerfisstillingarferlið.

Birt: