iPhone 12 Pro, myndavél

Áður en hafist er handa

Viðvörun

Lestu Öryggi rafhlöðu og fylgdu leiðbeiningum um vinnuumhverfi og meðhöndlun rafhlöðu áður en hafist er handa.

Varúð

Þetta ferli krefst kerfisstillingar. Eftir að þú hefur lokið öllum skrefum við að taka í sundur og setja saman aftur skaltu læra hvernig á að hefja kerfisstillingarferlið á support.apple.com/self-service-repair.

Losun

1. Settu hulstrið í viðgerðarbakkann þannig að Lightning-tengið snúi að hakinu.

2. Notaðu átaksskrúfjárn og Micro stix-bita til að fjarlægja fjórar þríblaða skrúfur af myndavélarhlífinni í þeirri röð sem sýnd er. Settu skrúfurnar til hliðar.

   

3. Notaðu ESD-töng til að halla upp vinstri hlið myndavélarhlífarinnar eins og sýnt er. Renndu síðan myndavélarhlífinni út úr hulstrinu. Geymdu hlífina fyrir samsetningu.

   

4. Notaðu ESD-töng til að lyfta varlega enda efstu myndavélarsnúrunnar af tenginu.

   • Athugaðu: Önnur myndavélarsnúran liggur yfir hina.

   

5. Notaðu ESD-töng til að lyfta varlega enda neðstu myndavélarsnúrunnar af tenginu.

   

6. Haltu snúrum myndavélarinnar varlega saman og lyftu myndavélunum upp úr hulstrinu.

   

Samsetning

1. Vertu í hönskum til að forðast að óhreinka myndavélarlinsurnar. Haltu síðan nýju myndavélunum með linsurnar niður á við og fjarlægðu hlífina af myndavélarlinsunum.

2. Hallaðu myndavélunum niður undir brún hulstursins. Láttu síðan myndavélarnar síga á sinn stað.

   

3. Ýttu endanum á neðstu myndavélarsnúrunni að tenginu.

4. Ýttu enda efstu myndavélarsnúrunnar að tenginu.

5. Þrýstu myndavélunum létt inn í hulstrið.

6. Myndavélarhlífin er með flipa sem passa í raufar undir brúninni hægra megin á hulstrinu. Skoðaðu flipana og fjöðrina á hlífinni til að sjá hvort skemmdir hafa orðið á þeim áður en allt er sett aftur saman.

   

7. Haltu um hlífina með ESD-töng og renndu hlífarflipunum inn í raufina. Láttu síðan hlífina síga niður á myndavélarnar.

   • Varúð

     • Forðastu að snerta fjöðrina þegar þú setur myndavélarhlífina aftur upp.

     • Gakktu úr skugga um að skrúfugötin í myndavélarhlífinni flútti við skrúfuholurnar. Rangt staðsett myndavélarhlíf getur haft áhrif á myndgæði skjásins.

   

8. Notaðu svarta átaksskrúfjárnið og Micro stix-bita til að setja fjórar nýjar þríblaða skrúfur (923-05055) (1) (923-05054) (2–4) í myndavélarhlífina í þeirri röð sem sýnd er.

   

Settu eftirfarandi hlut aftur á til að ljúka samsetningu:

• Skjá

Varúð

Eftir að þú hefur lokið öllum skrefum við að taka í sundur og setja saman aftur skaltu læra hvernig á að hefja kerfisstillingarferlið á support.apple.com/self-service-repair.

Meðan á kerfisstillingu stendur framkvæmirðu kvörðun á LiDAR-skanna. Undirbúðu þig fyrir kvörðun með því að fylgja eftirfarandi skrefum:

1. Notaðu vel lýst svæði sem er með hluti af mismunandi stærðum og gerðum.

2. Sittu eða stattu í rúmlega 1 metra fjarlægð frá hlutunum.

3. Haltu tækinu lóðréttu og láttu olnbogann hvíla á líkamanum til að halda handleggnum stöðugum.

4. Hefðu skönnun með því að fara fram og til baka vinstra og hægra megin frá upphafspunktinum. Fylgdu leiðbeiningunum sem birtast á skjá tækisins.

Athugaðu: Kvörðunarferlið tekur um það bil 5 mínútur.