iPhone 13 Pro Max Myndavél

Áður en hafist er handa

Viðvörun

Lestu Öryggi rafhlöðu og fylgdu leiðbeiningum um vinnuumhverfi og meðhöndlun rafhlöðu áður en hafist er handa.

Varúð

Þetta ferli krefst kerfisstillingar. Eftir að þú hefur lokið öllum skrefum við að taka í sundur og setja saman aftur skaltu læra hvernig á að hefja kerfisstillingarferlið á support.apple.com/self-service-repair.

Losun

1. Settu hulstrið í viðgerðarbakkann þannig að Lightning-tengið snúi að hakinu.

2. Notaðu átaksskrúfjárn og Micro stix-bita til að fjarlægja fjórar þríblaða skrúfur af myndavélarhlífinni. Haltu myndavélarhlífinni á sínum stað meðan þú fjarlægir miðjuskrúfuna. Settu skrúfurnar til hliðar.

   

3. Notaðu átaksskrúfjárn og JCIS-bita til að fjarlægja stjörnuskrúfuna af myndavélarhlífinni. Settu skrúfuna til hliðar.

   

4. Notaðu ESD-örugga töng til að halla upp hlíf myndavélar frá vinstri hlið (1). Renndu síðan hlífarflipunum út úr raufunum hægra megin á hulstrinu. Geymdu hlífina fyrir samsetningu.

   • Varúð: Forðastu fjöðrina á myndavélarhlífinni.

   

5. Notaðu ESD-örugga töng til að lyfta endum myndavélarsnúranna tveggja varlega af tengjunum.

   

6. Haltu myndavélarsnúrunum varlega saman (1) og lyftu myndavélunum upp úr hulstrinu (2).

   

Samsetning

1. Vertu í hönskum til að forðast að óhreinka myndavélarlinsurnar. Haltu síðan nýju myndavélunum með linsurnar niður á við og fjarlægðu hlífina af myndavélarlinsunum.

2. Hallaðu neðri brún myndavélanna niður og í átt að rafhlöðunni eins og sýnt er. Gakktu úr skugga um að myndavélasnúrurnar séu inni í raufinni á milli rafhlöðunnar og myndavélarholsins.

   

3. Komdu myndavélunum fyrir í hulstrinu.

4. Ýttu endum myndavélarsnúranna tveggja að tengjunum.

   

5. Þrýstu myndavélunum létt inn í hulstrið.

6. Myndavélarhlífin er með flipa sem passa í raufar hægra megin á hulstrinu. Haltu um hlífina með ESD-töng og renndu hlífarflipunum inn í raufarnar. Láttu síðan hlífina síga niður á myndavélarnar.

   • Varúð

     • Gakktu úr skugga um að skrúfugötin í myndavélarhlífinni flútti við skrúfuholurnar og að fliparnir séu innan í raufunum í hulstrinu. Rangt staðsett myndavélarhlíf getur haft áhrif á myndgæði skjásins.

     • Gakktu úr skugga um að fjöðrin á myndavélarhlífinni sé ekki skemmd. Forðastu að snerta fjöðrina þegar þú setur hlífina á sinn stað.

7. Haltu myndavélarhlífinni á sínum stað með fingrinum. Notaðu síðan svarta átaksskrúfjárnið og Micro stix-bitann til að setja eina nýja þríblaða skrúfu (923-06266) í miðju hlífarinnar (1).

8. Notaðu svarta átaksskrúfjárnið og Micro stix-bita til að setja þrjár nýjar þríblaða skrúfur (923-06268) (2-4) í myndavélarhlífina.

9. Notaðu gráa átaksskrúfjárnið og JCIS-bitann til að skrúfa eina nýja stjörnuskrúfu (923-06267) í myndavélarhlífina (5).

   

Settu eftirfarandi hlut aftur á til að ljúka samsetningu:

• Skjár

Varúð

Eftir að lokið hefur verið að fjarlægja allt og setja það saman skal athuga hvernig hefja á kerfisstillingarferlið á support.apple.com/self-service-repair.

Meðan á kerfisstillingu stendur framkvæmirðu kvörðun á LiDAR-skanna. Undirbúðu þig fyrir kvörðun með því að fylgja eftirfarandi skrefum:

1. Notaðu vel lýst svæði sem er með hluti af mismunandi stærðum og gerðum.

2. Sittu eða stattu í rúmlega 1 metra fjarlægð frá hlutunum.

3. Haltu tækinu lóðréttu og láttu olnbogann hvíla á líkamanum til að halda handleggnum stöðugum.

4. Hefðu skönnun með því að fara fram og til baka vinstra og hægra megin frá upphafspunktinum. Fylgdu leiðbeiningunum sem birtast á skjá tækisins.

Athugaðu: Kvörðunarferlið tekur um það bil 5 mínútur.